25-Jul-2025

ନୂଆପଡ଼ା (ରାମନାଥ ପଣ୍ଡା)
 ନୂଆପଡ଼ା ଜିଲ୍ଲା ବୋଡ଼େନ ପଞ୍ଚାୟତ ସମିତି ସଭାଗୃହରେ ପ୍ରଥମ ଶ୍ରେଣୀ ମାଜିଷ୍ଟ୍ରେଟ ତଥା ତାଲୁକ୍ ଆଇନ ସେବା ପ୍ରାଧିକରଣ କମିଟି ଚେୟାରମେନ ସୁଶ୍ରୀ ପଲ୍ଲବୀ ଦାସଙ୍କ ଅଧ୍ୟକ୍ଷତାରେ ଯୌନ ନିର୍ଯ୍ୟାତନା ପ୍ରତିରୋଧ,ନିରାକରଣ ଓ ସୁରକ୍ଷାର ସଚେତନତା ଶିବିର ଅନୁଷ୍ଠିତ ହୋଇଥିଲା।ଏହି ଅବସରରେ ବି ଡି ଓ ସୁଶାନ୍ତ କୁମାର ରଣା,ତହସିଲଦାର ସରିତା ଗୁପ୍ତା,ଆଇ ଆଇ ସି ଦିବ୍ୟଲୋଚନ ରାଜ, ଗୋଷ୍ଠୀ ଶିକ୍ଷା ଅଧିକାରୀ ଋଦ୍ରେଶ୍ୱର ମେହେର,ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ ଡା ସଞ୍ଜୀବ କୁମାର ନାଏକ,ପ୍ରାଣୀ ଚିକିତ୍ସା ଅଧିକାରିଣୀ ଡ଼ା ସସ୍ମିତା ବିଶ୍ଵାଳ ମଞ୍ଚାସିନ ଥିଲେ ।ବର୍ତ୍ତମାନ ଅବସ୍ଥାରେ ସମାଜରେ ଦେଖାଦେଉଥିବା ନାରୀ ନିର୍ଯ୍ୟାତନା ଉପରେ ଗୁରୁତ୍ବ ଦେବା ସହିତ ଏହାର ସୁରକ୍ଷା ଓ ନିରାକରଣ ଦିଗରେ ମଞ୍ଚାସିନ ସମସ୍ତ ଅଧିକାରୀ ବିଭିନ୍ନ ପ୍ରକାର ଆଲୋଚନା କରି ସଚେତନ କରାଇଥିଲେ ।ଆଲୋଚନା ଗୁଡ଼ିକ ସ୍ପଷ୍ଟ ଇଙ୍ଗିତ କରୁଥିଲା କି ଆମେ ଘରେ ଅବା ବାହାରେ ଯେମିତି ନିଜ ଝିଅକୁ ତାଗିଦ୍ କରିଥାଉ ଠିକ୍ ସେହି ଭଳି ସଂସ୍କାର ଭିତରେ ନିଜ ନିଜ  ପୁଅ ମାନଙ୍କୁ ସଂସ୍କାରିତ କରିବା ଦିଗରେ ପ୍ରତ୍ୟେକ ମାଆ ବାପା ଉଚିତ୍ ଭୂମିକା ନିର୍ବାହ କରିବେ ତାହାହେଲେ ନିର୍ଯ୍ୟାତନାର ମାତ୍ରା ସମ୍ପୂର୍ଣ କମିଯିବ ।ଏସ ଟି ଏସ ସି ଆଟ୍ରୋସିଟି ଏକ୍ଟ ଉପରେ ମଧ୍ୟ ବିସ୍ତୃତ ଆଲୋଚନା ଓ ସଚେତନ କରିଥିଲେ ।ସଭାରେ ଆଇନଜୀବୀ ସଂଘ ପକ୍ଷରୁ ସଂପାଦକ ବିଭୂତି ଭୂଷଣ ଷଡଙ୍ଗୀ,ହୃଷୀକେଶ ବିଶ୍ଵାଳ,ଗୌତମ ନିଆଲ,ଦଶରଥ ସାମନ୍ତ, ବି ପି ସି ମିଶନ ଶକ୍ତି ବିଜୟ କୁମାର ଭୀତ୍ରିଆ,ବି ପି ଏମ ସୁନିତା ସୁନା,ସି ଡି ପି ଓ ଅର୍ଚ୍ଚନା ରାଉତ,ମହିଳା ପରିଦର୍ଷିକା ଅହଲ୍ୟା ଜଗତ ଓ ଆସମତି ଧରୁଆ,ମିଶନ ଶକ୍ତିର ବିଭିନ୍ନ କ୍ୟାଡ଼ର,ବିଭିନ୍ନ ବିଭାଗର କର୍ମଚାରୀ,ପୋଲିସ କର୍ମଚାରୀ,କୋର୍ଟ ର କର୍ମଚାରୀ ମାନେ ଏହି ଶିବିରରେ ଯୋଗଦାନ କରିଥିଲେ ।