20-Jul-2025

ଅତାବିରା(ଆକାଶ ମିଶ୍ର)  ବରଗଡ ଜିଲ୍ଲା ଅତାବିରା ବ୍ଲକ ପଞ୍ଚାୟତ ଉଚ୍ଚ ବିଦ୍ୟାଳୟ ର ବିଜ୍ଞାନ ଶିକ୍ଷୟିତ୍ରୀ ତଥା ଗାଇଡ କ୍ୟାପଟେନ  ଅନୁସୂୟା ଦେବତା ଆଜି ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି ରାଷ୍ଟ୍ରପତି ଭବନରେ ଆୟୋଜିତ ରାଷ୍ଟ୍ରପତି ପୁରସ୍କାର ସ୍କାଉଟ୍ / ଗାଇଡ ଉତ୍ସବ ରେ ଯୋଗ ଦେବା ପାଇଁ ।  ଆସନ୍ତା ୨୨ ଜୁଲାଇ ରେ ରାଷ୍ଟ୍ରପତି ଭବନ ରେ ଆୟୋଜିତ  ଉକ୍ତ ଉତ୍ସବରେ ଓଡ଼ିଆ ଦେଶାତ୍ମବୋଧକ  ସମବେତ ସଙ୍ଗୀତ ଗାନ କରିବା ପାଇଁ ଶ୍ରୀମତୀ ଦେବତା  ଓଡ଼ିଶା ରାଜ୍ୟ ସ୍କାଉଟ୍ ଗାଇଡ ମୁଖ୍ୟ କମିଶନର ଡଃ କାଳୀପ୍ରସାଦ ମିଶ୍ର ଙ୍କ  ନିର୍ଦ୍ଦେଶ କ୍ରମେ ତଥା ବରଗଡ଼  ଜିଲ୍ଲା ମୁଖ୍ୟ ସ୍କାଉଟ୍  କମିଶନର ତଥା

ଜିଲ୍ଲା ଶିକ୍ଷା ଅଧିକାରୀ ବିଶ୍ଵନାଥ ସାହୁ ଙ୍କ  ନିର୍ଦ୍ଦେଶ କ୍ରମେ ଓଡ଼ିଶାରୁ  ପ୍ରତିନିଧିତ୍ଵ କରି  ଉକ୍ତ ଉତ୍ସବରେ ଯୋଗଦାନ କରୁଛନ୍ତି । ଏଥିପାଇଁ  ପ୍ରଥମେ ଭାରତ ସ୍କାଉଟ  ଗାଇଡ  ମୁଖ୍ୟ କାର୍ଯ୍ୟାଳୟ , ଦିଲ୍ଲୀ ରେ ତିନି ଦିନ ଧରି  ଅଭ୍ୟାସ ଓ ପ୍ରସ୍ତୁତି କରାଯିବ  ବୋଲି ଜଣାପଡିଛି ।  ଏହା ପୂର୍ବରୁ ୨୦୧୬ ମସିହାରେ ମଧ୍ୟ ଶ୍ରୀମତୀ ଦେବତା ଓଡ଼ିଶାରୁ ପ୍ରତିନିଧିତ୍ଵ କରି ରାଷ୍ଟ୍ରପତି ଭବନ ରେ ଆୟୋଜିତ ରାଷ୍ଟ୍ରପତି ପୁରସ୍କାର ଉତ୍ସବରେ ଯୋଗଦାନ କରିଥିଲେ ।ନିଜ ବିଦ୍ୟାଳୟ ର ଦୁଇଜଣ ଛାତ୍ରୀ ଉକ୍ତ ଉତ୍ସବରେ ତତ୍କାଳୀନ ଭାରତର ମହାମହିମ ର ରାଷ୍ଟ୍ରପତି  ପ୍ରଣବ ମୁଖାର୍ଜୀ ଙ୍କ ଠାରୁ ରାଷ୍ଟ୍ରପତି  ପୁରସ୍କାର ଗାଇଡ  ଗ୍ରହଣ କରିବାର୍ ସୌଭାଗ୍ୟ ହାସଲ କରି ଅଞ୍ଚଳ ପାଇଁ ଗର୍ବ ଓ ଗୌରବ ଆଣିଥିଲେ । ଆଜି ଶ୍ରୀମତୀ ଦେବତା ଙ୍କ ଏହି ଯୋଗଦାନ ଜିଲ୍ଲା ସ୍କାଉଟ /ଗାଇଡ , ବିଦ୍ୟାଳୟ  ତଥା  ଅଞ୍ଚଳ ପାଇଁ ଏକ  ଗୌରବ ର  ବିଷୟ ।ଏଥିପାଇଁ ତାଙ୍କୁ ବିଭିନ୍ନ ମହଲରୁ ଅଭିନନ୍ଦନ ଜଣାଯାଇଛି ।