19-Jul-2025

ବିନିକା(ହିମାଂଶୁ ଶେଖର ପୁଟେଲ)ବାଲେଶ୍ଵର ଫକୀର ମୋହନ ବିଶ୍ବବିଦ୍ୟାଳୟର ଘଟଣା ପରେ ରାଜ୍ୟ ସରକାରଙ୍କ ଶିକ୍ଷା ବିଭାଗର କୁମ୍ଭକର୍ଣ୍ଣ ନିଦ୍ରା ଭଙ୍ଗ ହୋଇଛି ।ସ୍କୁଲ,କଲେଜ ମାନଙ୍କରେ ବିଶେଷ କରି ଅଧ୍ୟୟନ କରୁଥିବା ଛାତ୍ରୀ ଓ ଶିକ୍ଷାଦାନ କରୁଥିବା ମହିଳା ମାନଙ୍କ ସୁରକ୍ଷା ନେଇ କଡାକଡି ନିୟମ ପାଳନ କରିଛନ୍ତି ।ଏହି ପରିପ୍ରେକ୍ଷୀରେ ରାଜ୍ୟର ବିଭିନ୍ନ ସ୍କୁଲ,କଲେଜ ମାନଙ୍କରେ ହେଉଥିବା ଇଣ୍ଟରନାଲ କମ୍ପ୍ଲଏନ କମିଟି ଗଠନ ପ୍ରକ୍ରିୟା ଆରମ୍ଭ ହୋଇଛି।ଏହି ଅବସରରେ ବିନିକା ସ୍ଥିତ ସିଦ୍ଧାର୍ଥ ଡିଗ୍ରୀ କଲେଜରେ କମିଟି ଗଠନ ହୋଇଥିବା ବେଳେ ଆଜି ନାରୀ ସୁରକ୍ଷା ନେଇ ଏକ କର୍ମଶାଳା ଅଧ୍ୟକ୍ଷ ଡ ଧୀରେନ୍ଦ୍ର କୁମାର ନାୟକଙ୍କ ସଭପତିତ୍ତରେ ଅନୁଷ୍ଠିତ ହୋଇଥିଲା।ଏଥିରେ କଲେଜର ସମସ୍ତ କର୍ମଚାରୀ ଉପସ୍ଥିତ ଥିଲେ।କର୍ମଶାଳାରେ ପସ୍କୋ ଆକଟ - ୨୦୧୩ ଏବଂ ୟୁଜିସି ଧାରା ନିୟମ ୨୦୧୫ ଉପରେ ଆଲୋକପାତ କରାଯାଥିଲା ।ପରେ ଉପସ୍ଥିତ ଅଧ୍ୟାପକ,ଅଧ୍ୟାପିକା,କର୍ମଚାରୀ ଓ ଅଧ୍ୟୟନରତ ଛାତ୍ରଛାତ୍ରୀ ମାନେ ଉକ୍ତ ଆଇନକୁ ଠିକ ଭାବରେ ପାଳନ କରିବା ନେଇ ଶପଥପାଠ କରିଥିଲେ ।