19-Jul-2025

ଆଗଲପୁର, (ବିନୋଦ ଦୀପ) ଆଗଲପୁର ପଞ୍ଚାୟତ ସମିତି କାର୍ଯ୍ୟାଳୟ ର ସଭା ଗୃହରେ ପଞ୍ଚାୟତ ସମିତି ବୈଠକ ଅନୁଷ୍ଠିତ ହୋଇ ଯାଇଛି। ଏହି ପଞ୍ଚାୟତ ସମିତି ବୈଠକ ରେ ବ୍ଲକ୍ ଅଧକ୍ଷା ଶ୍ରୀମତୀ ଗୀତାଞ୍ଜଳି ଦାସ୍ ଯୋଗ ଦେଇଥିଲେ। ମାନ୍ୟବର ସାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଙ୍କ ପ୍ରତିନିଧି ଶ୍ରୀ ପିତାମ୍ବର କଣ୍ଟା, ଆଗଲପୁର ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ ଶ୍ରୀ ଧୀରେନ୍ଦ୍ର ମେହେର, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ରୁଦ୍ର ପ୍ରତାପ ସୁନା, ବ୍ଲକ୍ ଅଧଖ୍ୟା ଶ୍ରୀମତୀ ନିରୁପମା ପଧାନ୍, ଜୋନ 2 ର ଜିଲ୍ଲା ପରିଷଦ ସଦସ୍ୟା ଶ୍ରୀମତୀ ବୀଣାପାଣି ଦାସ ଯୋଗ ଦେଇଥିଲେ। ଗ୍ରାମ ପଞ୍ଚାୟତ ଅଧିକାରୀ ଶ୍ରୀ ସୌଭାଗ୍ୟ କୁମାର ପଧାନ୍ ଙ୍କ ସଂଯୋଜନା ରେ ଆଜିର ପଞ୍ଚାୟତ ସମିତି ବୈଠକ ଅନୁଷ୍ଠିତ ହୋଇଥିଲା। ବିଶେଷ କରି ଆଜିର ସମିତି ବୈଠକ ରେ ମୁଖ୍ୟତଃ ବିକଶିତ ଗାଁ ବିକଶିତ ଓଡ଼ିଶା ଉପରେ ସରଗରମ ଆଲୋଚନା ହୋଇଥିଲା। ତା ସହିତ ଏକ ସ୍ଥାୟୀ କମିଟି ଗଠନ କରା ଯାଇଥିଲା। ଏହା ବ୍ୟତୀତ ପାନୀୟ ଜଳ ଯୋଗାଣ, କୃଷି, ଶିକ୍ଷା , ସ୍ବାସ୍ଥ୍ୟ, ଉଦ୍ୟାନ କୃଷି,ଉନ୍ନୟନ, ପଶୁ ସମ୍ପଦ, ଓ ଓଡ଼ିଶା ଜୀବିକା ମିଶନ ଉପରେ ଦୀର୍ଘ ସମୟ ଧରି ଆଲୋଚନା ହୋଇଥିଲା। ଏହି ସମସ୍ତ ସେବା ଉପରେ ପୁଙ୍ଖାନୁପୁଙ୍ଖ ଭାବରେ ବିସ୍ତୃତ ଆଲୋଚନା ହୋଇଥିଲା। ଆଜିର ପଞ୍ଚାୟତ ସମିତି ବୈଠକ ରେ ସମସ୍ତ ସରପଞ୍ଚ ସଦସ୍ୟ ସଦସ୍ୟା, ସମସ୍ତ ସମିତି ସଭ୍ୟ ସଦସ୍ୟ ସଦସ୍ୟା ଉପସ୍ଥିତ ରହି ଆଲୋଚନା ରେ ଭାଗ ନେଇଥିଲେ। ତା ସହିତ ପଞ୍ଚାୟତ ସମିତି ର ସମସ୍ତ ବିଭାଗୀୟ ଅଧିକାରୀ ମାନେ ମଧ୍ୟ ଉପସ୍ଥିତ ରହି ପୂର୍ଣ୍ଣ ଭାବରେ ଆଲୋଚନା ରେ ସହଯୋଗ କରିଥିଲେ। ମୋଟାମୋଟି ଭାବରେ ସମିତି ବୈଠକ ଶାନ୍ତି ଶୃଙ୍ଖଳା ର ସହିତ ସମାପନ ହୋଇଥିବା ନେଇ ବ୍ଲକ୍ ଅଧ୍ୟକ୍ଷା ସୂଚନା ଦେଇଛନ୍ତି l