25-Jan-2021

 ନୟାଗଡ଼, (ପ୍ରଦୀପ କୁମାର ପଣ୍ଡା) :ରାଜ୍ୟ ଓ କେନ୍ଦ୍ର ସରକାର ଆଦିବାସୀ ଙ୍କ ବିକାଶ କରିବା ସହ ସମସ୍ତଙ୍କ ମୁଣ୍ଡ ଉପରେ ପକ୍କା ଘର ଦେବାପାଇଁ କୋଟି କୋଟି ଟଙ୍କା ଖର୍ଚ୍ଚ କରାଯାଇ ସମସ୍ୟା ସମାଧାନ କରାଯିବା ପାଇଁ ପଞ୍ଚାୟତ ସ୍ତରରେ ସବୁପ୍ରକାର
ବ୍ୟବସ୍ଥା କରାଯାଇଛି। ଏଥିପାଇଁ ପଞ୍ଚାୟତ ଠାରୁ ବ୍ଲକ ପର୍ଯ୍ୟନ୍ତ କଡ଼ା ନିର୍ଦ୍ଦେଶ ଦିଆଯାଇଥିବା ବେଳେ ତାହାର  କୌଣସି ପ୍ରକାର ନିୟମ ସଠିକ୍ ଭାବରେ ଏଠି
ପାଳନ ହୋଇନଥିବା ଦେଖିବାକୁ ମିଳୁଛି।ପଞ୍ଚାୟତ ରେ JRS ଜିଓ ଟ୍ୟାକ କରିବା ପରେ VLW ବିଲ୍ ଦବା କଥା କିନ୍ତୁ
ଏଠି କାହାର ହେଲେ ଘର କାନ୍ଥ ପଲସ୍ତରା,ତଳ ଚଟାଣ ହୋଇନାହିଁ କି କବାଟ ଲାଗିନଥୀବା ସହ ରହିବା ଉପଯୋଗୀ ହୋଇନାହିଁ।  କେବଳ ଫଳକ ଲେଖାଯାଇଛି ଆଉ ସବୁ ବିଲ୍ ମଧ୍ୟ ସରିଛି କିନ୍ତୁ ପଇସା ଯାଇଛି ଠିକାଦାରଙ୍କ ପକେଟକୁ  ଫଳରେ ଆଦିବାସୀ ଲୋକଙ୍କ ଦୁଃଖ ଆଗରୁ ଜାହା ଥୀଲା ସେମିତି ରହିଛି।
ସରକାର ଟଙ୍କା ଖର୍ଚ୍ଚ କଲେ କିନ୍ତୁ ଘର ପାଇ ମଧ୍ୟ ସେହି ଚାଳଘରେ ରହୁଛନ୍ତି ଆଦିବାସୀ ପରିବାର ।ଏମିତିକା ଅଭିଯୋଗ ଆଣିଛନ୍ତି ନୟାଗଡ଼ ଜିଲ୍ଲା ନୂଆଗାଁ ବ୍ଳକ ଅନ୍ତର୍ଗତ ଆଦିବାସୀ ବହୁଳ ବେରୁଆବାରୀ ପଞ୍ଚାୟତର ବେଲଦୁଆର ଗାଁ ର  ଗଜ ଜାନୀ, ବାସନ୍ତୀ ଜାନୀ ,ଗୋଲଣି ଜାନୀ ,ଜମ୍ବୁ ଜାନୀ , ଜୟନ୍ତୀ ଜାନୀ, ସାନ୍ତିଲତା ଜାନୀ, ସୋମନାଥ ଡାକୁଆ, ଯୁଧିଷ୍ଟିର ବେହେରା ଓ ଭଜମନ ଜାନି ଏମିତି  ଦୁର୍ଦ୍ଦଶାରେ ପଡିଛନ୍ତି (୯)ଟି ଆଦିବାସୀ ପରିବାର ।
 ଏହି ବିଷୟରେ ପଂଚାୟତ ଅଧିକାରୀ VLW ଙ୍କୁ ପଚାରିଥୀଲୁ ସେ କହିବା କଥା ଯେ ହିତାଧିକାରୀଙ୍କ ଖାତା କୁ ପଇସା ଯାଉଛି ଠିକାଦାର କିଭଳି ପଇସା ପାଉଛି, ଏ କେସ ମୋ ପିରିଅଡର ନୁହଁ ପୁରୁଣା କେସ।
 ନୂଆଗାଁ ବ୍ଳକ ମଣ୍ଡଳ ଉନ୍ନୟନ ଅଧିକାରୀଙ୍କ ସହିତ ଆଲୋଚନା କରି ଥିଲୁ
ସେ କହିଥୀଲେ ଲୋକଙ୍କୁ ଯେତେ ବୁଝାଇଲେ ମଧ୍ୟ ସେବୁଝୁନାହାନ୍ତି ଆମେ କ'ଣ କରିବୁ , ଯଦିଓ ଘର କାମ ସମ୍ପୂର୍ଣ୍ଣ ହୋଇନାହିଁ ତେବେ ସମ୍ପୂର୍ଣ୍ଣ ଵିଲ ପାଇନଥିବେ କିନ୍ତୁ social audit reports ଅନୁଯାୟୀ ହିତାଧିକାରୀଙ୍କ ୪ଗୋଟି କିସ୍ତିରେ ସମ୍ପୂର୍ଣ୍ଣ ୧୩୦୦୦୦ ଟଙ୍କା ବିଲ ହୋଇସାରିଛି। ଏଠି ପ୍ରଶ୍ନ ଉଠୁଛି ଯେ ଘରର ସମ୍ପୂର୍ଣ୍ଣ କାମ ଶେଷ ନହୋଇ ରହିବା ଉପୋଜୋଗି ନହୋଇ କିଭଳି ଭାବରେ ସମ୍ପୂର୍ଣ୍ଣ ଭାବରେ ବିଲ ପାସ କରା ଗଲା ଏଥିରୁ ସ୍ପଷ୍ଟ ଜଣାପଡୁଛି ଯେ ଠିକାଦାର ଏବଂ ଅଫିସର ଙ୍କ ମଧ୍ୟରେ ମଧୂଚନ୍ଦ୍ରିକା ନୀତି କାମକରିଛି ଜା ଫଳରେ ଏହି ମଧୁଚନ୍ଦ୍ରିକା ଜାଲରେ ବଳି ପଡିଛନ୍ତି ଏହି ନିରୀହ ଆଦିବାସୀ। ବୁଧୀଜିବିଙ୍କ ମତ ଏହି ଗାଁ ରେ ଉଚ୍ଚ ସ୍ତରୀୟ ତଦନ୍ତ କରାଗଲେ
ସତ୍ୟ ପଦାକୁ ଆସିବା ସହିତ ଆଦିବାସୀ ଲୋକ ନ୍ୟାୟ ପାଇପାରନ୍ତେ । ନୟାଗଡ ନୂଆଗାଁ ରୁ ନିରଂଜନ ସାହୁ