07-Jul-2025

ବଲାଙ୍ଗୀର (ପ୍ରେରଣା ଖବର): ବିଶ୍ବାତ୍ମ ବିଦ୍ୟା ମନ୍ଦିର, ଆନନ୍ଦ ନିକେତନ, ଖୁଜେନପାଲି ବଲାଙ୍ଗୀର ଠାରେ ବନ ମହୋତ୍ସବ ଅନୁଷ୍ଠିତ ହୋଇଯାଇଛି। ଏହି ଅବସରରେ ବିଦ୍ୟା ମନ୍ଦିରର ସଭାପତି ତଥା ବିଶ୍ବାତ୍ମ ଚେତନା ପରିଷଦ ର ସାଧାରଣ ସମ୍ପାଦକ ସ୍ବାମୀ ସତ୍ୟବେଦାନନ୍ଦ ସରସ୍ଵତୀଜୀ ମୁଖ୍ୟ ଅତିଥି ଭାବରେ, ବଲାଙ୍ଗୀର ବନପାଳ ଆନନ୍ଦ ବିହାରୀ ସ୍ବାଇଁ, ବ୍ୟାସଦେବ ସାହୁ ଏବଂ ଆଠଗାଁ ଵନପାଳ କୈଳାସ ଚନ୍ଦ୍ର ସାହୁ ସମ୍ମାନିତ ଅତିଥି ଭାବରେ ତଥା ବିଦ୍ୟାଳୟ ର ପ୍ରାଚାର୍ଯ୍ୟ ଡଃ ସୁଶାନ୍ତ କୁମାର ପ୍ରଧାନ, ପ୍ରଧାନ ଆଚାର୍ଯ୍ୟ ତରୁଣ କୁମାର ତ୍ରିପାଠୀ ପ୍ରମୁଖ ଯୋଗଦେଇ ଛାତ୍ରଛାତ୍ରୀମାନଙ୍କୁ ବୃକ୍ଷରୋପଣ ପାଇଁ ଉତ୍ସାହିତ କରିଥିଲେ। ଏହି କାର୍ଯ୍ୟକ୍ରମରେ ସ୍କାଉଟ୍,

ଗାଇଡ, ରେଡକ୍ରସ ଏବଂ ଇକୋକ୍ଲଵ ଛାତ୍ରଛାତ୍ରୀମାନଙ୍କ ଦ୍ବାରା ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମକୁ ପ୍ରକୃତି ବନ୍ଧୁ ପୁରସ୍କାର ବିଜେତା -୨୦୨୫ ତଥା ବିଦ୍ୟାଳୟ ର ଇକୋ କ୍ଲବ ପ୍ରମୁଖ ସଞ୍ଜୟ କୁମାର ଦାସ ସଂଯୋଜନା କରିଥିଲାବେଳେ, ବିଦ୍ୟାଳୟ ଗୁରୁଜୀ ମନୋଜ ତ୍ରିପାଠୀ ଏବଂ ଗୋପିନାଥ ପଶାୟତ ସହଯୋଗ କରିଥିଲେ। ପରିଶେଷରେ ବିଦ୍ୟାଳୟର ମୁଖ୍ୟ ସଂଯୋଜକ ସମ୍ବିତ୍ କୁମାର ଧନ୍ୟବାଦ ଅର୍ପଣ କରିଥିଲେ।