07-Jul-2025

ବିନିକା(ହିମାଂଶୁ ଶେଖର ପୁଟେଲ)ଦୀର୍ଘ ଦଶନ୍ଧି ଧରି ପାଳିତ ହୋଇ ଆସୁଛି ରଥ ଯାତ୍ରା ।ହେଲେ କେବେ ବି ଏଭଳି ଦୁଃଖଦ ଘଟଣା ଘଟି ନଥିବା ବୁଦ୍ଧିଜୀବୀ ମହଲରେ ଶୁଣିବାକୁ ମିଳେ   ହେଲେ ଚଳିତ ବର୍ଷ ବିନିକା ବାହୁଡ଼ା ଯାତ୍ରା ରଥ ଟଣା ବେଳେ ଘଟି ଯାଇଥିବା ଦୁଃଖଦ ଘଟଣା ଅଞ୍ଚଳର ଭକ୍ତ ପ୍ରେମୀ ମହଲରେ ଶୋକର ଲହରୀ ଖେଳିଯାଇଛି ।ଘଟଣାଟି ଘଟିଛି ଖୋଦ ବିନିକା ସହରରେ। ମହାପ୍ରଭୁ ଜଗନ୍ନାଥ,ବଡ଼ଭାଇ ବଳଭଦ୍ର ଓ ଭଉଣୀ ସୁଭଦ୍ରା ୧୦ଦିନ ମାଉସୀ ମନ୍ଦିରରେ ରହିବା ପରେ ବାହାରିଥିଲେ ବାହୁଡ଼ା ଯାତ୍ରାରେ ନିଜ ମନ୍ଦିରକୁ । ସେଥିପାଇଁ ରଥ ଯାତ୍ରା ପରିଚାଳନା କମିଟି ସଦସ୍ୟ,ପ୍ରଶାସନିକ ଅଧିକାରୀ,ପୋଲିସ ପ୍ରଶାସନ ତରଫରୁ ସମସ୍ତ ବିଧି ବ୍ୟବସ୍ଥା ଚୂଡାନ୍ତ ହୋଇଥିଲା। ହେଲେ ସବୁ ବ୍ୟବସ୍ଥା ସତ୍ତ୍ବେ କାହିଁକି ରଥ ଟଣା ବେଳେ ଏପରି ଅଘଟଣ ଘଟିଲା ଯାହାକି ସେହି ଘଟଣାରେ ଜଣେ ୧୨ବର୍ଷର ବାଳକ ମୃତ୍ୟୁ ହୋଇଥିବା ବେଳେ ୩ଜଣ ନାବାଳକ ସମେତ ୨ଜଣ ଶ୍ରଦ୍ଧାଳୁ ଭକ୍ତ ଆହତ ହୋଇଥିଲେ ।ଯାହାକୁ ନେଇ ଅଞ୍ଚଳର ଜନସାଧାରଣରେ ଆଲୋଚନା ପର୍ଯ୍ୟାଲୋଚନା ହେବା ସହିତ ଏହି ଦୁଃଖଦ ଘଟଣା ପାଇଁ ପ୍ରଶାସନ ସଂପୂର୍ଣ୍ଣ ଭାବେ ଦାୟୀ ବୋଲି ଲୋକ ମୁଖରୁ ଶୁଣିବାକୁ ମିଳୁଛି ।ଖବର ନେବାରୁ ଜଣାପଡିଛି ଯେ ରବିବାର ଅପରାହ୍ନ ପ୍ରାୟ ୩ଟାରେ ପ୍ରଥମେ ବଳଭଦ୍ର ଓ ଶୁଭଦ୍ରାଙ୍କ ତାଳଧ୍ଵଜ ରଥ ଟଣା ହୋଇଥିଲା ହେଲେ ମାଜିଷ୍ଟ୍ରେଟ ଦାୟିତ୍ୱରେ ଥିବା ଅଧିକାରୀ କି କୌଣସି ପ୍ରଶାସନିକ ଅଧିକାରୀ ଉପସ୍ଥିତ ନଥିଲେ ।ରଥ ଉପରେ ପୂଜକ ସହ ୨/୩ଜଣ ବ୍ୟକ୍ତି ରହିଥିଲେ ।ଅଚାନକ ଘଣ୍ଟ ବାଜିବା ପରେ ରଥ ଟାଣି ଥିଲେ ଭକ୍ତ ।ଗନ୍ତବ୍ୟ ସ୍ଥଳରୁ ମାତ୍ର କିଛିଦୂର ବଳଭଦ୍ର ଓ ସୁଭଦ୍ରାଙ୍କ ରଥ ଗଡିବା ପରେ ଗୁଣ୍ଡିଚା ମନ୍ଦିର ନିକଟରେ ଏକ ଖମ୍ବରେ ପିଟି ହେଲା। ଠିକ ସେହି ସମୟରେ ୪ନାବାଳକ ସମେତ ୨ଭକ୍ତ ରଥ ଚକରେ ଚାପି ହୋଇ ଖଣ୍ଡିଆ, ଖାବଡା ହୋଇଥିଲେ ।ଉପସ୍ଥିତ ଭକ୍ତମାନେ ତୁରନ୍ତ ସେମାନଙ୍କୁ ଉଦ୍ଧାର କରି ବିନିକା ଡାକ୍ତରଖାନାରେ ଭର୍ତ୍ତି କରିଥିଲେ ।ସେମାନଙ୍କ ମଧ୍ୟରୁ ୧୨ବର୍ଷର ବାଳକ ପିଙ୍କୁ ମେହେର ର ଅବସ୍ଥା ଗୁରୁତର ଥିବାରୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା କିଛି ଘଣ୍ଟାର ଚିକିସ୍ୱା ପରେ ଅବସ୍ଥା ଜଟିଳ ଥିବାରୁ ବୁର୍ଲା ଡାକ୍ତର ତାକୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରିଥିଲେ। ପିଙ୍କୁ କୁ କଟକ ନିଆଯାଉଥିବା ବେଳେ ରାତି ପ୍ରାୟ ୨ଟା ସମୟରେ ରେଢାଖୋଲ ନିକଟରେ ତାର ପ୍ରାଣବାୟୁ ଉଡ଼ି ଯାଇଥିଲା। ଏହି ଘଟଣା ପ୍ରଘଟ ହେବାପରେ ଆଜି ସକାଳ ଠାରୁ ସାରା ବିନିକା ଅଞ୍ଚଳରେ ଶୋକର ଛାୟା ଖେଳି ଯାଇଥିବା ବେଳେ ଆଉ କେତେକଙ୍କ ଆଖିରୁ ଲୁହ ଝରୁଥିବା ଦେଖା ଯାଇଥିଲା। ମୃତ ବାଳକ ବରଗଡ଼ ଜିଲ୍ଲା ଭେଡେନ ଥାନା ଥୁଆପାଲି ଗ୍ରାମର ।ଘରର ଆର୍ଥିକ ଅବସ୍ଥାରେ ସୁଧାର ଆଣିବା ପାଇଁ ବାପା,ମା  ପୁଅ,ଝିଅକୁ ଧରି ବିନିକା ଆସି ଘର ଭଡ଼ାରେ ରହୁଥିଲେ। ମୃତ ବାଳକର ବାପା ନିକଟ ଗ୍ରାମରେ ଏକ ଦୋକାନ ଦେଇ ପରିବାର ଚଳାଉଥିଲେ।  ହେଲେ ଏକମାତ୍ର ପୁଅକୁ ହରେଇବା ପରେ ପରିବାର ସମ୍ପୂର୍ଣ୍ଣ ଭାଙ୍ଗି ପଡ଼ିଛନ୍ତି। ତେବେ ଏହି ଘଟଣରେ ଅନ୍ୟ ସମସ୍ତ ଆହତ ଚିକିତ୍ସାଧୀନ ପରେ ତାଙ୍କ ସ୍ୱାସ୍ଥ୍ୟରେ ଅଗ୍ରଗତି ହୋଇଥିବା ସୂଚନା ମିଳିଛି ।ଅନ୍ୟ ପକ୍ଷରେ ଏହି ଘଟଣା ପାଇଁ ପ୍ରଶାସନ ହିଁ ସମ୍ପୂର୍ଣ୍ଣ ଦାୟୀ ବୋଲି ସାଧାରଣରେ ଚର୍ଚା ହେଉଛି ।ମୃତ ବାଳକର ଶବ ବ୍ୟବଚ୍ଛେଦ ବରଗଡ଼ ଜିଲ୍ଲା ଡାକ୍ତରଖାନାରେ କରାଯିବା ପରେ ନିଜ ଗ୍ରାମ ଥୁଆପାଳିକୁ ଅଣାଯିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା ।ମୃତ ବାଳକର ପରିବାରବର୍ଗ ଅତ୍ୟନ୍ତ ଗରିବ ହୋଇଥିବାରୁ ତାଙ୍କୁ ସରକାର ଆର୍ଥିକ ସହାୟତା ଯୋଗାଇ ଦେବାକୁ ଅଞ୍ଚଳବାସୀଙ୍କ ତରଫରୁ ଦାବୀ ହେଉଛି ।