07-Jul-2025

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ପଟୁଆପାଲି ଗ୍ରାମ ପଞ୍ଚାୟତ କାର୍ଯ୍ୟାଳୟ ପରିସର ମଧ୍ୟରେ ପଞ୍ଚାୟତ ସ୍ତରୀୟ ଜନ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ରେ ପଟୁଆପାଲି ସରପଞ୍ଚ ଶ୍ରୀ ରବି ବସ୍ତିଆ ଙ୍କ ଅଧ୍ୟକ୍ଷତାରେ ଶିବିର ପରିଚାଳନା ହୋଇଥିଲା l ଆଜିର ଏହି ଶିବିରରେ 10 ଟି ଅଭିଯୋଗ ଶୁଣାଣି ହୋଇଥିଲା l ଭତ୍ତା , ଜମି ଉନ୍ନତି କରଣ, ମନରେଗା, ହରିଶ୍ଚନ୍ଦ୍ର ଯୋଜନା , ରାସ୍ତା ନିର୍ମାଣ, ଆବାସ ଗୃହ ପ୍ରଭୁତି ଉନ୍ନତି ମୂଳକ କାର୍ଯ୍ୟ ଉପରେ ଅଭିଯୋଗ ଶୁଣାଣି ହୋଇଥିଲା l ପଂଚାୟତ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ଅମର କୁମାର କୁଅଁର ଙ୍କ ତତ୍ତ୍ଵାବଧାନରେ  ଜନ ଶୁଣାଣି କାର୍ଯ୍ୟକ୍ରମ ପରିଚାଳିତ ହୋଇଥିଲା l ଆଜିର ଏହି ଜନ ଶୁଣାଣୀ ଶିବିର କୁ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାପାତ୍ର ଯୋଗ ଦେଇଥିବା ବେଳେ ଆଲୋକ ରଞ୍ଜନ ମିଶ୍ର, ସୁଶାନ୍ତ ମହାକୁର, ଧୁବଳ କିଶୋର ମଲ୍ଲିକ , ସୁନୀଲ ସାହୁ , ଅଭି ରାମ ସାହୁ , ଆରଡବ୍ଲୁଏସଏସ ଯନ୍ତ୍ରୀ ଦୁର୍ଗାପ୍ରସାଦ ମିଶ୍ର, ଏଡିଓ ରାଜେଶ ନାଏକ ସମେତ ପଞ୍ଚାୟତ ର କର୍ମଚାରୀ ମାନେ ସହଯୋଗ କରିଥିଲେ l