06-Jul-2025

ଅତାବିରା(ଆକାଶ ମିଶ୍ର): ଅତାବିରା ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ଲାଦରପାଲି ସ୍ଥିତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର, ମାତୃପୁରୀ ତରଫରୁ ବନମହୋତ୍ସବ  ରେଙ୍ଗାଲିପାଲି ଖେଳ ପଡିଆ  ନିକଟରେ ଅନୁଷ୍ଠିତ ହୋଇଯାଇଅଛି। 'ମା ଙ୍କ ନାମରେ ଗଛଟିଏ ୨.୦ 'କାର୍ଯ୍ୟକ୍ରମରେ ଅତାବିରା ବନବିଭାଗ ଦାୟିତ୍ୱ ରେ ଥିବା ବନପାଳ ଶ୍ରୀମତୀ ଉସେଶ୍ୱରି ପ୍ରଧାନ ମୁଖ୍ୟ ଅତିଥି ଭାବରେ ଯୋଗଦେଇ ସାମାଜିକ ବନୀକରଣ ଉପରେ ଆଲୋଚନା କରିଥିଲେ। ସମ୍ମାନିତ ଅତିଥି ରୂପେ ବନପାଳ ଲୋକେଶ୍ୱର୍ ଭୋଇ ଗଛର ଉପାଦେୟତା ସମ୍ପର୍କରେ ଛାତ୍ର ଛାତ୍ରୀ ମାନଙ୍କୁ ଅନେକ ତଥ୍ୟ ପ୍ରଦାନ କରିଥିଲେ। ଅଧ୍ୟକ୍ଷ  ବବୃବାହାନ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ କୃଷି ବିଭାଗୀୟ ମୁଖ୍ୟ ହେମାନନ୍ଦ ଭୋଇ, ସଭାପତି ଶେଷଦେବ ନାଏକ, ଉପସଭାପତି ଅରୁଣ କୁମାର ହୋତା, ସମ୍ପାଦକ କୃଷ୍ଣଚନ୍ଦ୍ର ପ୍ରଧାନ ବୃକ୍ଷର ଆବଶ୍ୟକତା ଉପରେ ଆଲୋଚନା କରିଥିଲେ l ଗିରିଜା ସାହୁଙ୍କ ପରିଚାଳନାରେ ଅନୁଷ୍ଠିତ କାର୍ଯ୍ୟକ୍ରମରେ ବିଜ୍ଞାନ ବିଭାଗୀୟ ମୁଖ୍ୟ ରତନ ଦୀପ  'ଗଛ ଲଗାଇବା କାହିଁକି ' ଶୀର୍ଷକରେ ଆଲୋଚନା କରିଥିଲେ । ଶେଷରେ ଉପାଧ୍ୟକ୍ଷ  ଯତୀନ୍ଦ୍ର ପ୍ରଧାନ ଧନ୍ୟବାଦ ଅର୍ପଣ କରିଥିଲେ।କାର୍ଯ୍ୟକ୍ରମ ପରିଚାଳନାରେ ଅନୁଷ୍ଠାନର ସୁନୀଲ ଖମାରୀ,ରାମଚନ୍ଦ୍ର ପ୍ରଧାନ, ଗିରିଜା ସାହୁ ଯୁଗଳ ସାହୁ,ଶ୍ରୀ ସରୋଜ କୁମାର ରଥ, ସୁଶାନ୍ତ ସେଟ୍, ମିଲନିକା ନନ୍ଦ,ମାନସ ଦାନୀ, ହରିବାଲା ଅଦାବର୍ ତଥା ଅନ୍ୟ ଶିକ୍ଷକ ଭାଇ ସକ୍ରିୟ ସହଯୋଗ କରିଥିଲେ।