01-Jul-2025

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ବ୍ଲକ ଆଦିବାସୀ ଉଚ୍ଚ ବିଦ୍ୟାଳୟ ନୁଆଁପାଲି ଠାରେ ସେବାନିବୃତ୍ତ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇଯାଇଛି l ବିଦ୍ୟାଳୟ ପ୍ରଧାନଶିକ୍ଷକ ଅନନ୍ତ ଚରଣ କ୍ଷେତୀଙ୍କ ଅଧ୍ୟକ୍ଷତାରେ ଆୟୋଜିତ ସମ୍ୱର୍ଦ୍ଧନା ସଭାରେ ବିଦ୍ୟାଳୟ ପରିଚାଳନା କମିଟି ସଭାପତି କରୁଣାକର ସାହୁ, ଉପଦେଷ୍ଟା ଦିବ୍ୟାଶଙ୍କର ରାଉତ,

ଶିକ୍ଷକ ନୀଳାଞ୍ଚଳ ଭୋଇ, ସହକାରୀ ଶିକ୍ଷକ ଜବରସିଂ ବନଛୋର, କଣ୍ଟାମାଳ ବ୍ଳକ ଉପାଧ୍ୟକ୍ଷ ମହେନ୍ଦ୍ର ରଣା ପ୍ରମୁଖ ମଞ୍ଚାସୀନ ଥିଲେ l ମଞ୍ଚାସୀନ ଅତିଥିବୃନ୍ଦ ସହକାରୀ ଶିକ୍ଷକ ଶ୍ରୀ ବନଛୋରଙ୍କ କର୍ମମୟ ଜୀବନ ଉପରେ  ମତ ରଖିଥିଲେ l ଏହି ଅବସରରେ ବିଦ୍ୟାଳୟ ତରଫରୁ ମାନପତ୍ର ଦେଇ ସମ୍ମାନିତ କରାଯାଇଥିଲା l ସେହିପରି ସହକାରୀ ଶିକ୍ଷକ, ଛାତ୍ରଛାତ୍ରୀ, ପରିଚାଳନା କମିଟି, ଗ୍ରାମବାସୀ ଓ ଅଞ୍ଚଳବାସୀ  ବିଭିନ୍ନ ଉପହାର ଓ ଉପଢୌକନ ଦେଇ ସମ୍ବର୍ଦ୍ଧନା ଜଣାଇବା ସହିତ ଶାନ୍ତିପୂର୍ଣ୍ଣ ଜୀବନ କାମନା କରାଯାଇ ଥିଲା l ସ୍କୁଲର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଓ କର୍ମଚାରୀ ସହଯୋଗ କରିଥିଲେ l