23-Jun-2025

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ): ଶିଶୁ ବିକାଶ ପ୍ରକଳ୍ପ ବନାମ ଅଙ୍ଗନବାଡିର ଶିଶୁଖାଦ୍ୟରେ ବ୍ୟବହୃତ ଗହମ ଯୋଗାଣରେ ନିୟମିତ ଦୁର୍ନୀତି ଜାରୀ ରହିଥିବା ଅଭିଯୋଗ ହେଉଥିଲେ ହେଁ, ବିଭାଗ ବା ପ୍ରଶାସନ ପକ୍ଷରୁ କୌଣସି ତଦନ୍ତ ହେଉନାହିଁ।  ସରକାରଙ୍କ ପକ୍ଷରୁ ପ୍ରତିମାସ ଛତୁଆ ପ୍ରସ୍ତୁତକାରୀ ଏସ୍ ଏଚ୍ ଜି ଗୁଡିକୁ ମାଗଣା ଗହମ ଯୋଗାଣ ହୋଇଥାଏ। ତେବେ କେବେ ଷ୍ଟକ୍ ଆସିବାରେ ବିଳମ୍ବ, ଷ୍ଟକ୍ ବାକି ରଖି ପରେ ନ ଦେଇ ସଲାସୁତୁରାରେ ବଳକା ଗହମକୁ କଳାବଜାରରେ ବିକିଦେବା ଓ ରୀତିମତ ବସ୍ତାରୁ କେଇ କେଜି ଲେଖାଏଁ କାଟି ଓଜନରେ ଠକେଇ କରିବା ଇତ୍ୟାଦି କରି ପରିବହନ ଠିକାଦାରଙ୍କ ଦ୍ବାରା କ୍ବିଣ୍ଟାଲ କ୍ବିଣ୍ଟାଲ ଗହମ ବାଟମାରଣା ହୋଇଆସୁଥିବା ଅଭିଯୋଗ ହୋଇଆସୁଛି । ଏପରିକି ଥାନାରେ ଚୋରାଚାଲାଣ ବେଳେ ଧରାପଡି ମାମଲା ରହିଥିବା ପ୍ରକାଶ  ।

ଜିଲ୍ଲାର ବ୍ଲକ୍ ୱାରୀ ପରିବହନ ଏଜେଣ୍ଟ ବା ଠିକାଦାର ଏଥିରେ ନିୟୋଜିତ ଅଛନ୍ତି । ତେବେ କ୍ଷୋଭର ବିଷୟ ଯେ ପୂର୍ବରୁ ଦି' ଟଙ୍କିଆ ବା ଟଙ୍କିଆ ସରକାରୀ ଚାଉଳ , ମଧ୍ଯାହ୍ନ ଭୋଜନ ଚାଉଳର  ଅସାଧୁ ପରିବହନ ଠିକାଦାରମାନେ ଏହାର ଟେଣ୍ଡର ନେଇଛନ୍ତି । ଏଥିମଧ୍ୟରେ ଟିଟିଲାଗଡ ଓ ପାଟଣାଗଡର କେତେଜଣ ଏପରି ଠକଠିକାଦାର ପ୍ରଶାସନିକ ଅଧିକାରୀ , ରାଜନେତା , ଲୋକପ୍ରତିନିଧିଙ୍କ ସମେତ ବିଭାଗୀୟ ଅଧିକାରୀଙ୍କ ସହ ମିଶି ଏପରି ନିୟମିତ ଅନିୟମିତତାରେ ଜଡିତ ଥିବା ଜଣାଯାଇଛି । ପରବର୍ତ୍ତୀ ସମୟରେ ଏ ସମ୍ପର୍କରେ ବିଶଦ ତଥ୍ଯମୂଳକ ରିପୋର୍ଟ ପ୍ରକାଶ ପାଇବ  । ସାଧୁ ସାବଧାନ  !