23-Jan-2021

ଖପ୍ରାଖୋଲ (ଗୋରେଖନାଥ ବରିହା ) ଭାରତ ର ବିଶିଷ୍ଟ ସ୍ୱାଧୀନତା ସଂଗ୍ରାମୀ ବୀର ସୁରେନ୍ଦ୍ର ସାଏ ଏବଂ ମହାନ ବିପ୍ଲବୀ ନେତାଜୀ ସୁବାଷ ଚନ୍ଦ୍ର ବୋଷ ଙ୍କ ଜୟନ୍ତୀ ଅବସରରେ ଜ଼ିଲ୍ଲା ଆଦିବାସୀ କଲ୍ୟାଣ ସଙ୍ଘ ଏବଂ ଆମ ଓଡିଶା ରକ୍ତଦାନ ଅଭିଯାନ ଆନୁକୂଲ୍ୟରେ ମାଓ ଇଲାକା ଭାବରେ ଏକଦା ପରିଚିତ ଖପ୍ରାଖୋଲ ବ୍ଲକ ତେଲେନପାଲି ଠାରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l ଏହି ରକ୍ତଦାନ ଶିବିର ର ଶୁଭ ଉଦଘାଟନ  ମୁଖ୍ୟ ଅତିଥି ସୋମନାଥ ପ୍ରଧାନ ଉପଜ଼ିଲ୍ଲାପାଳ ପାଟଣାଗଡ ଙ୍କ କାରକମଳ ରେ ହୋଇଥିଲା .ଏହି କାର୍ଯ୍ୟକ୍ରମ ରେ ସମ୍ମାନିତ ଅତିଥି ଭାବରେ ତରଣୀ ସୁନା ଗୋଷ୍ଠୀ ଉନ୍ନୟନ ଅଧିକାରୀ ଖପ୍ରାଖୋଲ ,ନିରଞ୍ଜନ ବିଶି ମହାସଚିବ ପଶ୍ଚିମ ଓଡିଶା ଆଦିବାସୀ କଲ୍ୟାଣ ମହାସଙ୍ଘ ଯୋଗ ଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ l ରକ୍ତଦାତା ମାନଙ୍କୁ ମୁଖ୍ୟ ଅତିଥି ଶ୍ରୀ ପ୍ରଧାନ ଉପ ଜ଼ିଲ୍ଲାପାଳ ଏବଂ ସମ୍ମାନିତ ଅତିଥି ଗଣ ପ୍ରଶଂସା ପତ୍ର ବଣ୍ଟନ କରିଥିଲେ l ଖପ୍ରାଖୋଲ ବ୍ଲକ ର ଦୁର୍ଗମ ଅଞ୍ଚଳ ତଥା ମାଓ ଇଲାକାରେ ଜ଼ିଲ୍ଲା ଆଦିବାସୀ କଲ୍ୟାଣ ସଙ୍ଘ ରକ୍ତଦାନ ଶିବିର କରି ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ,ଅନ୍ଧ ବିଶ୍ୱାସ ଏବଂ ଭୟ ଭ୍ରାନ୍ତି ମନୋଭାବ କୁ ଦୂର କରିବା କାର୍ଯ୍ୟକ୍ରମ କୁ ଉପ ଜ଼ିଲ୍ଲାପାଳ ଶ୍ରୀ ପ୍ରଧାନ ଭୁରିୟସୀ ପ୍ରଶଂସା କରିଥିଲେ l ଏଭଳିଆ ମାନବ ସେବା କାର୍ଯ୍ୟକ୍ରମ ଜାରି  ରଖିଲେ  ନେତାଜୀ ସୁବାଷ ଚନ୍ଦ୍ର ବୋଷ ଙ୍କ ସପ୍ନ ସାକାର ହେବ ଏବଂ ପରାକ୍ରମ ଦିବସ ସାର୍ଥକ ହେବ ବୋଲି  ମହାସଙ୍ଘ ର ମହାସଚିବ ଶ୍ରୀ ବିଶି ପ୍ରକାଶ କରିଥିଲେ l ରକ୍ତଦାନ ଶିବିର ରେ ପଚିଶ ୟୁନିଟ ରକ୍ତ ସଂଗ୍ରହ ହୋଇଥିଲା  l  ଉପାନ୍ତ ଅଞ୍ଚଳ ର  ତିନି ଜଣ ମହିଳା ସ୍ଵେଛାକୃତ ଭାବରେ ରକ୍ତଦାନ କରିଥିଲେ l  ରକ୍ତଦାନ ଶିବିର କୁ ଆଦିବାସୀ ସଂଘ ର ଖପ୍ରାଖୋଲ ବ୍ଲକ ସଭାପତି ବିପ୍ର ବିଶି , ସମ୍ପାଦକ ନାରାୟଣ କିଶାନ ,ସହ ସମ୍ପାଦକ ଟିକେଶ୍ୱର ଧରୁଆ ,ଉପସଭାପତି ଗୁପ୍ତେଶ୍ୱର କୁଅଁର ,ମୁଖ୍ୟ ଉପଦେଷ୍ଟା ଧରମସିଂ ଧରୁଆ ପରିଚାଳନା କରିଥିବା ବେଲେ ପ୍ରବୀଣ ଅଗ୍ରୱାଲ ,ଜଗବନ୍ଧୁ ମାଝି ,ଭୂପାଲ ବିଶ୍ୱାଳ ,ଗୋଲାପ ବିଶି ,କାଶୀନାଥ ମେହେର ,ଶଶୀ ବିଶି ,କୈଳାଶ ବିଶି ,ଶ୍ରଦ୍ଧାକର ଧରୁଆ ସହଯୋଗ କରିଥିଲେ l ପାଟଣାଗଡ ବ୍ଲଡ଼ ବ୍ୟାଙ୍କ ର କର୍ମଚାରୀ ଏବଂ ଟେକ୍ନିସିଏନ ରକ୍ତଦାନ ଶିବିର ରେ ରକ୍ତ ସଂଗ୍ରହ କରିଥିଲେ l