21-Jun-2025

ବିନିକା(ହିମାଂଶୁ ଶେଖର ପୁଟେଲ) ଜନଗହଳି ପୂର୍ଣ୍ଣ ମୁଖ୍ୟ ରାସ୍ତାରେ ଥିବା ଏକ ବାଇକର ଡିକିକୁ ଭାଙ୍ଗି ୨ଜଣ ଦୃର୍ବୁତ୍ତ ଆଖି ପିଛୁଲାକେ ୨ଲକ୍ଷ ଟଙ୍କା ଲୁଟ କରି ଫେରାର ହେବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।ଖବର ନେବାରୁ ଜଣାପଡିଛି ଯେ ଗତକାଲି ଶୁକ୍ରବାର ଦିନ ୧୨ଘଣ୍ଟା ସମୟରେ କାଲେଶପାଲି ଗ୍ରାମର ଦୁର୍ଯ୍ୟୋଧନ ପୋଢ ଓ ତାଙ୍କ ସାଙ୍ଗ ପ୍ରଦୀପ ମେହେର ବ୍ୟାଙ୍କ ଅଫ ବରୋଦା ବିନିକା ଶାଖାରୁ ନିଜ ଧାନ ବିକା ଦୁଇଲକ୍ଷ ଟଙ୍କା କାଢି ମୋଟର ସାଇକେଲ ଡିକିରେ ରଖି ଘରକୁ ଯାଉଥିଲେ l ଘରକୁ ଯିବା ବେଳେ ବିନିକା ନୂଆ ବଜାରରେ ଥିବା ନିଉ ପାଣିଗ୍ରାହୀ ହୋଟେଲ ସମ୍ଭୁଖ ରେ ଗାଡି ରଖି ଜଳଖିଆ ଖାଇବାକୁ ଯାଇଥିଲେ ।ଠିକ ଏତିକି ବେଳେ ଦୁଇଜଣ ଦୁବୃର୍ତ୍ତ ମୋଟର ସାଇକଲରେ ଆସି ତାଙ୍କ ମୋଟର ସାଇକେଲ ଡିକି ଭାଙ୍ଗି ଦୁଇ ଲକ୍ଷ ଟଙ୍କା ଚିଲ ଉଡ଼ିଲା ପରି ସେଠାରୁ  ଫେରାର ମାରିଥିଲେ । ଦୁର୍ଯୋଧନ ବିନିକା ଥାନାରେ ଯାଇ ଅଭିଯୋଗ କରିବା ପରେ ପୋଲିସ ତଦନ୍ତ କରିବା ସହିତ ମୁଖ୍ୟ ରାସ୍ତାର ବିଭିନ୍ନ ସ୍ଥାନରେ ଲାଗିଥିବା ସିସିଟିଭି ଯାଞ୍ଚ କରୁଛି l ଅନ୍ୟ ପକ୍ଷରେ ହୋଟେଲରେ ଲାଗିଥିବା ସିସିଟିଭିରୁ ସ୍ପଷ୍ଟ ଭାବରେ ଦୁଇଜଣ ଆସି ବାଇକ ଡିକିରୁ ଟଙ୍କା ନେଉଥିବା ଭିଡ଼ିଓ କଏଦ ହୋଇଛି l ତେବେ ପୋଲିସ ଏହି ଡିକି ଲୁଟେରାଙ୍କୁ ଗିରଫ କରିବାରେ କେବେ ସଫଳ ହେଉଛି ତାହା ଦେଖିବାକୁ ବାକି ରହିଲା।