21-Jun-2025

ବିନିକା, ତା ୨୧/୬(ପ୍ରେରଣା ଖବର): ସୁବର୍ଣ୍ଣପୁର ଜିଲ୍ଲା ବିନକା ବ୍ଲକ୍ ଅନ୍ତର୍ଗତ ଆଞ୍ଚଳିକ ଉଚ୍ଚ  ବିଦ୍ୟାଳୟ ସିଙ୍ଘିଯୁବା ଠାରେ ବିଦ୍ୟାଳୟର ପ୍ରଧାନ ଶିକ୍ଷକ ଡ. ରବିଚନ୍ଦ୍ର ପଶାୟତଙ୍କ ମାର୍ଗଦର୍ଶନ ରେ ଆନ୍ତର୍ଜାତିକ ଯୋଗ ଦିବସ ପାଳିତ ହୋଇଯାଇଛି। ଶିକ୍ଷକ ହେମନ୍ତ ମେଶୁଆଙ୍କ ପରିଚାଳନାରେ   ଆୟୋଜିତ ହୋଇଥିବା କାର୍ଯ୍ୟକ୍ରମରେ  ଶିକ୍ଷାବିତ୍ ତଥା  ବିଦ୍ୟାଳୟର  ପରିଚାଳନା କମିଟି ସଭାପତି ଶ୍ରୀ ଫଗୁନୁ କୁମ୍ଭାର ସମ୍ମାନିତ ଅତିଥି ଭାବରେ ଯୋଗଦାନ କରି ସୁସ୍ଥ ଜୀବନ ଯାପନ ପାଇଁ ଯୋଗ ସମସ୍ତଙ୍କ ପାଇଁ ଅପରିହାର୍ଯ୍ୟ ବୋଲି ମତବ୍ୟକ୍ତ କରିଥିଲେ। ଶିକ୍ଷକ ଶିବ ଶଙ୍କର ଭୁଏ ଯୋଗ ଦିବସକୁ ସଂଯୋଜନା କରିବା ସହ ଏ ବର୍ଷ ର ବିଷୟ "ଏକ ଦେଶ ଏକ ସ୍ବାସ୍ଥ୍ୟ ପାଇଁ ଯୋଗ" ବିଷୟରେ   ଧାରଣ ପ୍ରଦାନ କରିଥିଲେ। ଖେଳ ଶିକ୍ଷକ ମଳୟ ରଞ୍ଜନ ସାହୁ  ଛାତ୍ର ଛାତ୍ରୀ ମାନଙ୍କୁ ବିଭିନ୍ନ ଯୋଗ ଅଭ୍ୟାସ କରାଇଥିଲେ । ଶିକ୍ଷକ ଅନିଲ କୁମାର ସେଠୀ ଛାତ୍ରଛାତ୍ରୀ ମାନଙ୍କୁ ଯୋଗ ଅଭ୍ୟାସ ଉଦ୍ଦେଶ୍ୟରେ ଆୟୁଷ ମନ୍ତ୍ରଣାଳୟ ର ନିର୍ଦ୍ଦେଶିତ ଶପଥ ପାଠ କରାଇଥିଲେ।  କାର୍ଯ୍ୟକ୍ରମ ପ୍ରାରମ୍ଭରେ ସମସ୍ତ ଛାତ୍ରଛାତ୍ରୀ, ଶିକ୍ଷକ ଓ କର୍ମଚାରୀମାନେ ଜାତୀୟ ସ୍ତରରେ ଆୟୋଜିତ ଯୋଗ କାର୍ଯ୍ୟକ୍ରମର ସିଧା ପ୍ରସାରଣ କୁ ଉପଭୋଗ କରିଥିଲେ।  ବିଦ୍ୟାଳୟ ର ଛାତ୍ର ଅଂଶୁମାନ ପଣ୍ଡା, କାର୍ତ୍ତିକ ସ୍ବାମୀ , ଶୁଭେନ୍ଦୁ ଶେଖର ପାଳିତା, ଛାତ୍ରୀ ଶିଳ୍ପୀ ପାତ୍ର ଯୋଗ ଦିବସ ର ନେତୃତ୍ୱ ନେଇଥିଲେ।

ପରିଶେଷ ରେ ହିନ୍ଦୀ ଶିକ୍ଷକ ବିଜୟ କୁମାର ବେହେରା ଧନ୍ୟବାଦ୍ ଅର୍ପଣ କରି ସଭା କୁ ସମାପ୍ତ କରିଥିଲେ । ସଦାନନ୍ଦ ପାଢ଼ୀ ଓ ନିର୍ମଳ ଭୁଏ କାର୍ଯ୍ୟକ୍ରମ କୁ ଆଗକୁ ବଢ଼ାଇବାରେ ବିଶେଷ ସହଯୋଗ କରିଥିଲେ ।