12-Jun-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ପରିସର ମଧ୍ୟରେ ବି ଜେ ପି ସରକାର ଦ୍ୱାରା ପରିଚାଳିତ ଓଡ଼ିଶା ରେ ଏକବର୍ଷ ପୂର୍ତ୍ତି ଅବସରରେ ବିକାଶବାହନ ରଥ ର ଶୁଭାରମ୍ଭ ହୋଇଯାଇଛି l ଏଣୁ ବ୍ଲକ କତୃପକ୍ଷ ରୁ ଏହିରଥକୁ ଆଗାମୀ ଦିନ ରେ 20ଟି ଗ୍ରାମ ପଞ୍ଚାୟତ ପରିଭ୍ରମଣ କରି ବିକାଶ କରିଥିବାରୁ ତାର ଅନୁଭୂତି କୁ ଲୋକଲୋଚନ ରେ ଆଲୋକପାତ କରିବ l ତେଣୁ ଆଜି ବ୍ଲକ ସମ୍ମୁଖରେ ଏକରଥ କୁ ମୁଖ୍ୟଅତିଥି ବ୍ଲକ ଉପାଧ୍ୟକ୍ଷା ନିରୁପମା ପଧାନ ଏକ ସବୁଜ ରଙ୍ଗର ପତାକା ଦେଖାଇ ଶୁଭାରମ୍ଭ କରିଥିଲେ l ଏଥିରେ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି , ଏ ବି ଡି ଓ ରୁଦ୍ରପ୍ରସାଦ ସୁନା , ଶିଶୁ ବିକାଶ ଅଧିକାରୀ ଶୁଭଶ୍ରୀ ମିଶ୍ର , ବିଧାୟକ ପ୍ରତିନିଧି ପିତାମ୍ବର କଣ୍ଟା , ଫରେଷ୍ଟ କର୍ମଚାରି , ସି ପି କେଦାର ନାଥ ରାଓ , ସମେତ ଅନ୍ୟାନ୍ୟ କର୍ମଚାରି ଉପସ୍ଥିତ ଥିଲେ l ଗ୍ରାମ ପଞ୍ଚାୟତ ଅଧିକାରୀ ସୌଭାଗ୍ୟ ପଧାନ ଙ୍କ ତତ୍ୱାବଧାନ ରେ ପରିଚାଳିତ ହେଉଥିଲା ।ଏହାପରେ କୁଟ।ସିଂହ। ଗ୍ରାମ ପଞ୍ଚାୟତ ଅଭିମୁଖେ ଗସ୍ତ କରି ଥିବା ବେଳେ ସେହି ଠାରେ ସରପଞ୍ଚ ଡିଗ୍ରୀ ମେହେର ଓ ପି ଇ ଓ ପ୍ରଶାନ୍ତ ଯୋଶୀ ଙ୍କ ଦ୍ଵାରା ରଥ କୁ ସ୍ଵାଗତ କରାଯାଇ ଏକ ସଭାର ଆୟୋଜନ କରାଯାଇଥିଲା l ପରେ ପଟୁଆପାଲି ଗ୍ରାମ ଅଭିମୁଖେ ଆସିଥିଲେ ସେହି ଠାରେ ମଧ୍ୟ ପି ଇ ଓ ଅମର କୁମାର କୁଆଁର ଙ୍କ ତତ୍ୱାବଧାନ ରେ ରଥକୁ ସ୍ଵାଗତ କରାଯାଇ ଏକ ସଭାର ଆୟୋଜନ କରାଯାଇ ଥିଲା l ଏହି ସଭାରେ ସରପଞ୍ଚ ରବି ବସ୍ତିଆ , ବିଧାୟକ ଙ୍କ ପ୍ରତିନିଧି ପିତାମ୍ବର କଣ୍ଟା , ଗ୍ରାମ ପଞ୍ଚାୟତ ଅଧିକାରୀ ସୌଭାଗ୍ୟ ପଧାନ ଓ ସ୍ବାସ୍ଥ୍ୟ ବିଭାଗ ଅଧିକାରୀ ଏବଂ ଅନ୍ୟାନ୍ୟ ଅତିଥି ମାନେ ଉପସ୍ଥିତ ଥିଲେ l ସରକାରଙ୍କୁ ଲୋକାଭିମୁଖୀ କାର୍ଯ୍ୟ କୁ ଭିଡିଓ ଗ୍ରାଫି ମାଧ୍ୟମରେ ଲୋକଙ୍କୁ ସୂଚନା ଦିଆଯାଇ ଥିଲା l ପରେ ନୂତନ ଭତ୍ତା , ଆବାସ ଗୃହ ର କାର୍ଯ୍ୟାଦେଶ, ଜବ କାର୍ଡ ବଣ୍ଟନ କରି ସଭା ସାଂଗ କରାଗଲା l