11-Jun-2025

ଅତାବିରା(ଆକାଶ ମିଶ୍ର) କଳାପାଣି ହାଇସ୍କୁଲ ପରିସରରେ ଆଜି ୧୯୮୬ ମ୍ୟାଟ୍ରିକ  ବ୍ୟାଚ୍ ର ଛାତ୍ରଛାତ୍ରୀଙ୍କ ବନ୍ଧୁମିଳନ କାର୍ଯ୍ୟକ୍ରମ "ସୁରତା" ଅନୁଷ୍ଠିତ ହୋଇଯାଇଛି। ପ୍ରଫୁଲ୍ଲ  ସାହୁ ଓ ପ୍ରଭାତ ବିଶ୍ଵାଳଙ୍କ ସଂଯୋଜନାରେ ଅନୁଷ୍ଠିତ ଏହି ବନ୍ଧୁମିଳନ ପର୍ବରେ ଡୋଳାମଣି ସାହୁ ସମସ୍ତଙ୍କୁ ସ୍ଵାଗତ କରିଥିଲେ ।  ତୁଳସୀରାମ ମହାପାତ୍ରଙ୍କ  ମନ୍ତ୍ରପାଠରେ କାର୍ଯ୍ୟକ୍ରମର ଶୁଭାରମ୍ଭ ହୋଇଥିବା ବେଳେ ମଧୁମଙ୍ଗଲ  ସେଠ୍  ଗୁରୁବନ୍ଦନା  ଗାନ କରିଥିଲେ ।  ସମସ୍ତ ଉପସ୍ଥିତ  ଛାତ୍ର ଛାତ୍ରୀ ପୂଜ୍ୟ ଗୁରୁଙ୍କ  ପାଦ ଧୌତ  ପୂର୍ବକ ଉପଢୌକନ ଓ ଆମ୍ବଚାରା  ପ୍ରଦାନ   କରି ଗୁରୁପୁଜନ କରିଥିଲେ । ବିଦ୍ୟାଳୟ ର ତତ୍କାଳୀନ ଶିକ୍ଷକ ଜୟଲାଲ ସାହୁ, ନେହେରୁ ପ୍ରଧାନ, ରୁକ୍ମଣ  ପ୍ରଧାନ,କିଶୋର ବିଶ୍ଵାଳ, ଲବ ସାହୁ, ମନୋଜ ଦାସ ଶର୍ମା ପ୍ରମୁଖ  ଯୋଗ ଦେଇଥିଲେ । ବିଦ୍ୟାଳୟ ରେ କାର୍ଯ୍ୟରତ ପ୍ରଧାନ ଶିକ୍ଷକ  ସୀତାକାନ୍ତ  ବଢେଇଙ୍କ ସମେତ ସମସ୍ତ ଶିକ୍ଷକ ,ଶିକ୍ଷୟତ୍ରୀ ଯୋଗ ଦେଇଥିଲେ । ସମସ୍ତ ସହପାଠୀଙ୍କ  ପରିବାରଙ୍କ ଉପସ୍ଥିତିରେ  ଭାବ ଆଦାନ ପ୍ରଦାନର କାର୍ଯ୍ୟକ୍ରମ "ସୂର୍ ତା ୧୯୮୬" ରେ ସମସ୍ତେ ନିଜ ନିଜର  ସେଇ  ପୁରୁଣା ଦିନକୁ ଫେରିଯାଇ ସ୍ମୃତି ଓ ଅନୁଭୂତି   ର ଭାବ ବିନିମୟ କରିଥିଲେ। ମଧ୍ୟାହ୍ନ ବିରତି ପରେ  ସାଂସ୍କୃତିକ କାର୍ଯ୍ୟକ୍ରମ    ମାଧ୍ୟମରେ  ମନୋରଞ୍ଜନ କରି  ବନ୍ଧୁ ମିଳନ ର ମଜା ନେଇଥିଲେ ।ଶେଷରେ  ଗୋବିନ୍ଦ ସାହୁ ଧନ୍ୟବାଦ୍ ଅର୍ପଣ କରିଥିଲେ ।