04-Jun-2025

ସୋନପୁର  (ମନୋରଞ୍ଜନ ତ୍ରିପାଠୀ)
 ସୋନପୁର ପ୍ରୀମିଅର୍ ଲିଗ୍ ୩ ୟ ସଂସ୍କରଣ ର ଚତୁର୍ଥ  ଦିବସ ର ପ୍ରଥମ ମ୍ୟାଚ  ଆଜି ସ୍ଥାନୀୟ ଗାନ୍ଧି ଷ୍ଟାଡିୟମ୍ ଠାରେ ଟିମ୍ ରାମ ଏକାଦଶ  ଓ ସୋନପୁର ସୁପର ଜାଏଣ୍ଟସ୍ ମଧ୍ୟରେ ଅନୁଷ୍ଟିତ ହୋଇଛି l ଅତିଥି ଭାବରେ  ଭାଷ୍ୟକାର କେ ବର୍ଷା ଦେବୀ ଯୋଗ ଦେଇ ଖେଳାଳି ଙ୍କୁ ଉତ୍ସାହିତ କରିଥିଲେ l ଟସ୍ ଜିଣି ରାମ ଏକାଦଶ ପ୍ରଥମେ ଫିଲଡିଂ ନିଷ୍ପତ୍ତି ନେଇ ଥିଲା l ସୋନପୁର ସୁପର ଜାଏଣ୍ଟସ୍ ଦଳ ପ୍ରଥମେ  ବ୍ୟାଟିଂ କରି ୮ ୱିକେଟ ହରାଇ ୧୬୩ ରନ୍ କରିଥିଲା ll ଆକାଶ ପାତ୍ର ସର୍ବାଧିକ ୩୯ ରନ୍, ସୌରଭ ବେଦବାକ ୨୩  ରନ୍, ଓ ଗୌରାଙ୍ଗ ମହାନନ୍ଦିଆ ୧୮ ରନ୍ ସଂଗ୍ରହ କରିଥିବା ବେଳେ ରାମ ଏକାଦଶ ପକ୍ଷରୁ ପିଙ୍କୁ ବେହେରା ୩ ଟି ୱିକେଟ, ମନୋଜ୍ ବଡ ଚାଟ, ବିଷ୍ଣୁ ନାଏକ, ସୋମା ନାଗ ୧ ଟି ଲେଖାଏଁ ୱିକେଟ ହାସଲ କରିଥିଲେ l ପ୍ରତି ଉତ୍ତର ରେ ରାମ ଏକାଦଶ ଦଳ ୧୮.୩ ଓଭର ରେ ୧୨୦ ରନ କରି ଅଲ୍ ଆଉଟ୍ ହୋଇ ଥିଲେ l ଦଳ ପକ୍ଷରୁ ଗୋବିନ୍ଦ ପାତ୍ର ୨୫ ବଲ ରେ ୫୩ ରନ୍ ଓ ମନୋଜ୍ ବଡ ଚାଟ ୨୫ ରନ୍ କରି ଥିଲେ l ବିପକ୍ଷ ଦଳ ପକ୍ଷରୁ ଆକାଶ ପାତ୍ର ୩ ଟି ୱିକେଟ ଓ ସୁବାସ ମେହେର ୨ ଟି ହାସଲ କରିଥିଲେ l

ସୁପରଜେଣ୍ଟସ ଦଳ ୨ ୱିକେଟ ଓ ୪୩ ରନ ରେ ଚତୁର୍ଥ ଦିବସ ର ପ୍ରଥମ ମ୍ୟାଚ ବିଜୟୀ ହୋଇଛି l ଆକାଶ ପାତ୍ର ଙ୍କୁ ମ୍ୟାନ ଅଫ ଦି ମ୍ୟାଚ୍ ଭାବେ ପୁରସ୍କୃତ କରାଯାଇଥିବା ବେଳେ   ଖେଳ ର ପ୍ରତ୍ୟକ୍ଷ ଧାରା ବିବରଣୀ  ବି.ଏସ.ରାଓ ପ୍ରଦାନ କରିଥିଲେ l ସୁବାସ ଭୋଇନା ଓ ଶ୍ରିବନ୍ତ ନାୟକ ମ୍ୟାଚ୍ ପରିଚାଳନା କରିଥିଲେ l ଦିନେଶ ଘିବିଲା ଓ ବିଶ୍ଵନାଥ ନାୟକ ସ୍କୋରର ଭାବେ ଦାୟିତ୍ବ ତୁଲାଇ ଥିଲେ l ଜିଲ୍ଲା କ୍ରିକେଟ ସଂଘ  ସମ୍ପାଦକ ପ୍ରଦୀପ ସେଠୀ,  ଏସ ପି ଏଲ୍ ଅଧ୍ୟକ୍ଷ ବି ସତ୍ୟ ନାରାୟଣ ରାଓ, ସଂପାଦକ ନବ ପ୍ରକାଶ ମିଶ୍ର, ଏସ ଡି ସି ଏ କୋଚ୍ ରାଜେନ୍ଦ୍ର ମିଶ୍ର , ପ୍ରାକ୍ତନ ଖେଳାଳି ଆଶିଷ ମଲ୍ଲିକ  ପ୍ରମୁଖ ସମସ୍ତ ସଦସ୍ୟ ସହଯୋଗ କରିଥିଲେ l