04-Jun-2025

ଭବାନୀପାଟଣା,(ଜଗନ୍ନାଥ ନାଏକ) : 
କଳାହାଣ୍ଡି ଜ଼ିଲ୍ଲା ଭବାନୀପାଟଣା ବ୍ଲକ ରିସିଗାଁ ଗ୍ରାପ ର ମୁଣ୍ଡାପଳା ର ସତର ଜଣ ଆଦିବାସୀ ଆଜିକୁ ପ୍ରାୟ ପନ୍ଦର ବର୍ଷ ହେଲା ଜଙ୍ଗଲ ଅଧିକାର ଆଇନ -୨୦୦୬ ରେ ଉକ୍ତ ଗ୍ରାମର  ସୁମନ୍ତ ମାଝୀ, ମଦନ ମାଝୀ, ଜୟ ମାଝୀ, ଟିକନୁ ମାଝୀ, ସୁରେନ୍ଦ୍ର ମାଝୀ, ସାନ କୁମାର ମାଝୀ, ସାଦୀଙ୍ଗ ମାଝୀ, ରାମ ମାଝୀ, ଲଖଣ ମାଝୀ (କ) ଲଖଣ ମାଝୀ (ଖ) କୁଆଁରା ମାଝୀ, ଟିଂକୁ ମାଝୀ, ଜୟ ମାଝୀ, ରାଜୁ ମାଝୀ ପ୍ରମୁଖ ଶିରୋନାମା ପାଇ ଚାଷ ବାସ କରି ନିଜର ଗୁଜୁରାଣ ମେଣ୍ଟାଉ ଅଛନ୍ତି। ବିଡମ୍ବନା ର ବିଷୟ ଏହି କି ଯେ ଚଳିତ ବର୍ଷ ଚାଷ କରିବା ସମୟ ରେ ଫରେଷ୍ଟ ଗାର୍ଡ ମିନା ନାଏକ  ଆଦିବାସୀ ମାନଙ୍କୁ ତାଙ୍କ ଜମିରେ ଚାଷ କରିବାକୁ ମନା କରିଛନ୍ତି। ଏହାର ପ୍ରତିବାଦ ରେ ମୁଣ୍ଡାପଲ ଜ଼ଙ୍ଗଲ ଅଧିକାର କମିଟି  ଆଜି ଉତ୍ତର ବନ ଖଣ୍ଡ ଅଧିକାରୀ ରମେଶ କୁମାର ବିଷ୍ଣୋଉ ଙ୍କୁ ନିଜ ଅଭିଯୋଗ ପତ୍ର ଦାଖଲ କରିବା ସହ ଏହାର ତଦନ୍ତ ଓ କାର୍ଯ୍ୟାନୁଷ୍ଠାନ ଦାବୀ କରିଛନ୍ତି। ଡ଼ି ଏଫ ଓ  ବିଷ୍ଣୋଇ  ତଦନ୍ତ କରିବାକୁ ପ୍ରତିଶୃତି ଦେଇଛନ୍ତି। ଅପର ପକ୍ଷେ ଜଙ୍ଗଲ ଜମି ଶିରୋନାମା ପାଇଥିବା ବ୍ୟକ୍ତି ଙ୍କୁ ଯଥା ଶୀଘ୍ର ରାଜସ୍ୱ ପଟ୍ଟା ପ୍ରଦାନ ପାଇଁ ସରକାରୀ ନିର୍ଦେଶ ଥିଲେ ମଧ୍ୟ ଏହା କାର୍ଯ୍ୟକାରୀ ହେଉନାହିଁ। ଏହି ମୁଣ୍ଡା ପଳା ଜଙ୍ଗଲ ଅଧିକାର କମିଟି ର ସତର ଜଣ ଙ୍କ ଶିରୋନାମା କୁ ରାଜସ୍ବ ପଟ୍ଟା କରିବା ପାଇଁ ବିଗତ ଅକଟୋବର ମାସ ଠାରୁ ତହସିଲଦାର କଳାହାଣ୍ଡି ଙ୍କ ପାଖର  ଫାଇଲ ସୋଇଛି ଯେ ଏଯାଏ ଉଠୁ ନାହିଁ। ସରକାର ଆଦିବାସୀ ମାନଙ୍କ ଅଧିକାର କଥା କହୁଥିଲା ବେଲେ ବିଭାଗୀୟ ଅଧିକାରୀ ମାନେ ସରକାରୀ ନିର୍ଦେଶ ନାମା କୁ ଫୁ କରୁଛନ୍ତି। ଏଠାରେ ଜ଼ିଲ୍ଲା ସ୍ତରୀୟ ଜ଼ଙ୍ଗଲ ଅଧିକାର କମିଟି ର ଭୂମିକା ମଧ୍ୟ ସନ୍ଦେହ ଜନକ, ଉଚିତ ପଦକ୍ଷେପ ଓ କାର୍ଯ୍ୟାନୁଷ୍ଠାନ ନ ହେଲେ ଜ଼ିଲ୍ଲା ପାଳ କାର୍ଯ୍ୟ ଳୟ ରେ ଧାରଣା ଦେଵାକୁ ସୁରେନ୍ଦ୍ର ମାଝୀ ସାଦୀଙ୍ଗ ମାଝୀ ପ୍ରମୁଖ ଜ଼ିଲ୍ଲା ପ୍ରଶାସନ ଙ୍କୁ ଚେତାବନୀ ଦେଇଛନ୍ତି। ଏହି ଦାବୀ ଦେବା ସମୟରେ ଆଇନ ଜିବି ସଂଜୀବ କୁମାର ଶତପଥି ଉପସ୍ଥିତ ରହି ଆଲୋଚନା କରିଥିଲେ।