31-May-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦାର ବାବା କପିଳେଶ୍ୱର ମହାଦେବଙ୍କ ବିବାହ ତଥା ଶୀତଳ ଷଷ୍ଠୀ ମହୋତ୍ସବ ଚକିତ ବର୍ଷ ମହାସମlରୋହରେ ଅନୁଷ୍ଠିତ ହୋଇଥିଲା ଏଥିପାଇଁ ଶ୍ରଦ୍ଧାଳୁ ଭକ୍ତଙ୍କ ଆଗମନରେ ମନ୍ଦିର ଉତ୍ସବ ମୁଖର ହୋଇଉଠିଥିଲା । ହର-ପାର୍ବତୀଙ୍କ ବିବାହ ଉତ୍ସବକୁ ଆକର୍ଷଣୀୟ କରିବା ପାଇଁ ଟ୍ରଷ୍ଟ ବୋର୍ଡ କମିଟି ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା l ଚଳିତ ଥର ଶିବଙ୍କ ବର ପିତା ଭାବେ ଶଙ୍କରା ଗ୍ରାମର ସତ୍ୟବ୍ରତ ଚୌଧୁରୀ ଓ ତାଙ୍କ ଧର୍ମପତ୍ନୀ ହେମକାନ୍ତି ପଟେଲ,ପାର୍ବତୀଙ୍କ କନ୍ୟା ପିତା ମାତା ଭାବେ ଚରଦା ଗ୍ରାମର ସୁକାନ୍ତ ବାଘ ଓ ତାଙ୍କ ଧର୍ମପତ୍ନୀ ଭାଗ୍ୟବତୀ ବାଘ ଦାୟିତ୍ୱ ତୁଲାଇଥିଲେ l ଗତକାଲି ଶୁକ୍ରବାର  ଶିବ ଵିଵାହ ବିହିତ ବେଦ୍ୟାରମ୍ଭ, ମାଟିପକl,ଗୁଣ୍ଡାଦିଆ ଆଦି କାର୍ଯ୍ୟକ୍ରମ ସମାପ୍ତ ପରେ ଶନିବାର ସକାଳେ ନବବସ୍ତ୍ର ପରିଧାନ,ଅଳଙ୍କାର ଧାରଣ,ଶ୍ରାଦ୍ଧ ଗଣସନ ରୀତିନୀତି ଅନୁଯାୟୀ କରାଯାଇଥିଲା ।ସେହିପରି ସନ୍ଧ୍ୟାରେ କପିଳେଶ୍ୱର ବାବା ବର ବେଶରେ ଆସି କନ୍ୟା ପିତାଙ୍କ ଘରେ (ମନ୍ଦିର) ପହଞ୍ଚିବା ପରେ ବିବାହ ପାଣିଗ୍ରହଣ ଅନୁଷ୍ଟିତ ହୋଇଥିଲା l ବିବାହ କାର୍ଯକ୍ରମରେ ପୂଜକ ଭାବେ ଭାସ୍କର ପୁରୋହିତ ,  ରମେଶ ପୁରୋହିତ,ମକୁନ୍ଦ ପୁରୋହିତ କାର୍ଯ୍ଯ ତୁଲାଇଥିଲେ ।ଆକର୍ଷଣୀୟ ଆଲୋକ ସଜ୍ଜା ସାଂଗକୁ ଭକ୍ତଙ୍କ କୋଲାମୟରେ ମନ୍ଦିର ପରିସର ପ୍ରକମ୍ବିତ ହୋଇଥିଲା ।ଏହି ଅବସରରେ ରାତ୍ରିରେ ଅଇଲାତୁମ୍ବାର (ପାଟଣାଗଡ) ଗ୍ରାମର ରମାକାନ୍ତ ପଣ୍ଡାଙ୍କ ଦ୍ଵାରା ସୁନ୍ଦରlକାଣ୍ଡ ପାରାୟଣ ଅନୁଷ୍ଠିତ ହୋଇଥିଲା l   ପ୍ରଭୁ ଶିବ ପାର୍ବତୀଙ୍କ ବିବାହ ଦେଖିବା ପାଇଁ ବିଭିନ୍ନ ସ୍ଥାନରୁ ଚରଦା ମନ୍ଦିରକୁ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହୋଇଥିଲା l ବରଯାତ୍ରୀଙ୍କ ପାଇଁ କନ୍ୟା ପିତା ପକ୍ଷରୁ ପ୍ରସାଦ ସେବନର ଆୟୋଜନ କରାଯାଇଥିଲା l ଏଥିରେ ଟ୍ରଷ୍ଟ ବୋର୍ଡ କମିଟି ସଭାପତି ଅଶୋକ ପୃଷ୍ଟିଙ୍କ ସମସ୍ତ ସଦସ୍ୟ,ଚରଦା ପଞ୍ଚାୟତ ଜନପ୍ରତିନିଧି,ମନ୍ଦିର ସେବାୟତ ଓ ଗ୍ରାମବାସୀ ସହଯୋଗ କରିଥିଲେ l