31-May-2025

(ଡୋଲେଶ୍ୱର ବାଗ)
ଜିଲ୍ଲା ଚେସ ଏସୋସିଏସନ, ନୂଆପଡ଼ା ଆନୁକୂଲ୍ଯରେ ଆଗାମୀ ଜୁନ ୦୩ ରୁ ୧୨ ତାରିଖ ପର୍ଯ୍ୟନ୍ତ ଏକ ଦଶ ଦିନିଆ ନିଃଶୁଳ୍କ ଚେସ  ପ୍ରଶିକ୍ଷଣ ଶିବିର ଅନୁଷ୍ଠିତ ହେବ।  ସ୍ଥାନୀୟ କ୍ଷୀରୋଦ ନିବାସ ପବ୍ଲିକ ସ୍କୁଲ ପରିସରରେ ଆୟୋଜିତ ହେବ। ରାଜ୍ୟ ଚେସ ଏସୋସିଏସନର ତତ୍ତ୍ବାବଧାନରେ ପରିଚାଳିତ ହେବାକୁ ଥିବା ଏ ଶିବିରରେ ଓଡ଼ିଶାର ଲବ୍ଧପ୍ରତିଷ୍ଠ ପ୍ରଶିକ୍ଷକମାନେ ଯୋଗ ଦେବାର କାର୍ଯ୍ୟକ୍ରମ ରହିଛି। ଶିବିରରେ ନୂଆପଡ଼ା ଜିଲ୍ଲାର ଚେସ ଆଗ୍ରହ ଖେଳାଳୀମାନେ ଅଂଶଗ୍ରହଣ କରି ନିଜ ଦକ୍ଷତା ବୃଦ୍ଧି କରିବେ। ପ୍ରଥମରୁ ଦ୍ବାଦଶ ଶ୍ରେଣୀର ଛାତ୍ରଛାତ୍ରୀମାଙ୍କୁ ପଞ୍ଜିକରଣରେ ପ୍ରାଥମିକତା ଦିଆଯିବ। ଶିବିରାର୍ଥୀ ମାନଙ୍କୁ କେବଳ ଓଡିଶା ଚେସ ସଙ୍ଘର ପଂଜିକୃତ ଖେଳାଳି ରୂପେ ଟ. ୨୦୦/ ଲେଖାଏଁ ରାଜ୍ୟ ଚେସ ଏସୋସିଏସନକୁ ଶୁଳ୍କ ଦେବାକୁ ହେବ। ପ୍ରଶିକ୍ଷଣ ସମୟ ସକାଳ ୮ଟାରୁ ୧୧ଟା ପର୍ଯ୍ଯନ୍ତ। ଶିବିରର ଅନ୍ତିମ ଦିବସରେ  ପ୍ରଶିକ୍ଷିତ ଖେଳାଳିମାନଙ୍କ ମଧ୍ଯରେ ଏକ ଟୁର୍ଣ୍ଣାମେଣ୍ଟ ଆୟୋଜିତ ହେବ ଏବଂ ଏହାର ବିଜୟୀ ମାନଙ୍କୁ ଆକର୍ଷଣୀୟ ପୁରସ୍କାର ପ୍ରଦାନ କରାଯିବ ବୋଲି  ଜିଲ୍ଲା ଚେସ ଏସୋସିଏସନର ସମ୍ପାଦକ ବିଭୁଦତ୍ତ ମିଶ୍ର ପ୍ରକାଶ କରିଛନ୍ତି।ପଂଜିକରଣ ଓ ଅଧିକ ବିବରଣୀ ପାଇଁ ନିମ୍ନଲିଖିତ ମୋବାଇଲ ନମ୍ବରରେ ଯୋଗାଯୋଗ କରିପାରିବେ। ୯୪୩୭୪୦୧୭୨୫, ୭୭୫୦୯୭୫୯୦୮, ୯୪୩୭୨୯୨୫୪୭