31-May-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସ୍ଥିତ ହରିଶଙ୍କର କଳା ମଣ୍ଡପ ଠାରେ ୨୦ତମ ଲୋକ କଳା ମହୋତ୍ସବ ଓ ରାଜ୍ୟସ୍ତରୀୟ ସଂକୀର୍ତ୍ତନ ମହୋତ୍ସବ ର ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି  l  ମହୋତ୍ସବ ଆବାହକ ଦିବ୍ୟଶଙ୍କର ରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଚଳିତ ବର୍ଷ ନୂତନ ଚିନ୍ତାଧାରାରେ  ଆୟୋଜିତ ରାଜ୍ୟସ୍ତରୀୟ ସଂକୀର୍ତନ ମହୋତ୍ସବ ରେ ରାଜ୍ୟ ଓ ରାଜ୍ୟ ବାହାରୁ ସ୍ଵନାମଧନ୍ୟ ଗାୟକ ଓ ବାହକ ଙ୍କ ଯୋଗଦେବା ସମ୍ପର୍କରେ ଆଲୋଚନା ହୋଇଥିଲା  l  ତିନିଦିନ ଧରି ହେବାକୁଥିବା ଉକ୍ତ ଉତ୍ସବରେ ସମୁଦାୟ ୨୫ଟି ସଂକୀର୍ତ୍ତନ୍ୟ ଦଳ ଭାଗ ନେବେ  l   ବିଭିନ୍ନ ସମୟରେ ସାମାଜିକ ଗଣମାଧ୍ୟମରେ ଲୋକପ୍ରିୟତା ଅର୍ଜନ କରିଥିବା ସୁନାମଧନ୍ୟ କଣ୍ଠଶିଳ୍ପୀ ମାନଙ୍କୁ ଉକ୍ତ ମଞ୍ଚରେ ଦେଖିବାକୁ ମିଳିବ   l   ବୋଲି ବକ୍ତାମାନେ କହିଥିଲେ  l  ସମ୍ପୂର୍ଣ୍ଣ ଆଧ୍ୟାତ୍ମିକ ଚିନ୍ତାଧାରାକୁ ନେଇ ହେବାକୁଥିବା ଏହି ମହୋତ୍ସବ କିଭଳି ଲୋକଙ୍କ ମନଛୁଆଁ ହୋଇପାରିବ ସେ ସମ୍ପର୍କରେ ବୈଠକରେ ଆଲୋଚନା ହୋଇଥିଲା   l  ଜୁନ ମାସ ୪, ୫ ଓ ୬ ତାରିଖ ତିନିଦିନ ଧରି ହେବାକୁଥିବା ଏହି ମହୋତ୍ସବ ପ୍ରତ୍ୟେହ ଅପରାହ୍ନ ୩ଘଣ୍ଟା ଠାରୁ ରାତି ୧୦ଘଣ୍ଟା ପର୍ଯ୍ୟନ୍ତ ହେବ ବୋଲି ଚୂଡାନ୍ତ ନିଷ୍ପତ୍ତି ନିଆଯାଇଥିଲା  l ବୈଠକରେ ମହୋତ୍ସବ କମିଟି ସମ୍ପାଦକ ଓମପ୍ରକାଶ ମିଶ୍ର,ଧର୍ମେନ୍ଦ୍ର ରଣା, ପ୍ରଦୀପ ଦାସ,ପୂର୍ଣ୍ଣ ଚନ୍ଦ୍ର ଖଟୁଆ,ଅରୁଣ ଖଟୁଆ,ଜୟ କୁମାର ମହାରଣା, ଶରତ କୁମାର ସାହୁ,ମନୋଜ କୁମାର ରାଜହଂସ,ରାଜକିଶୋର ବାଘ,ବିଶ୍ଵାମିତ୍ର ପାଢ଼ୀ, ଅରୁଣ ରଣା ସମେତ କମିଟି ସଦସ୍ୟମାନେ ଉପସ୍ଥିତ ଥିଲେ l