30-May-2025

ବଲାଙ୍ଗୀର(ପ୍ରେରଣା ଖବର): ଆଜି ସୁବର୍ଣ୍ଣପୁର ଜିଲ୍ଲାର ମେଣ୍ଡାଗ୍ରାମରେ ଥିବା ଐତିହାସିକ,ଗବେଷକ ସ୍ୱର୍ଗତ ଡ.ସଦାନନ୍ଦ ଅଗ୍ରୱାଲଙ୍କ ଐତିହ୍ୟସମ୍ପନ୍ନ ଲାଇବ୍ରେରୀକୁ ପୁରୀଜିଲ୍ଲାର ବରକୁଳ ସ୍ଥିତ ଓଡିଆର୍ଟ ମ୍ୟୁଜିୟମର ଏକ ଟିମ ପରିଦର୍ଶନ କରିଛନ୍ତି । ଏହିଟିମରେ ଓଡିଆର୍ଟ ମ୍ୟୁଜିୟର

ପ୍ରତିଷ୍ଠାତା ଅବସରପ୍ରାପ୍ତ ଆଇଆରଏସ ପ୍ରସନ୍ନକୁମାର ଦାସ ଓ ମ୍ୟୁଜିୟମର ନିର୍ଦ୍ଦେଶକ ସୁଧାଂଶୁଶେଖର ତ୍ରୀପାଠୀ ରହିଥିଲେ । ସେମାନେ ସ୍ୱର୍ଗତ ଅଗ୍ରୱାଲଙ୍କ ଲାଇବ୍ରେରୀରେ ଅନେକ ଗବେଷଣା ଲବ୍ଧ ସନ୍ଦର୍ଭ,ପ୍ରକାଶିତ ପୁସ୍ତକ,ଅନେକ ଦୁର୍ମୁଲ୍ୟ ପୁରାତନ ପୋଥି,ଐତିହ୍ୟଭରା ସଂଗ୍ରୁହିତ ଦୁର୍ମୁଲ୍ୟ ଜିନିଷଗୁପିକ ଦେଖି ଅଭିଭୁତ ହୋଇଯାଇଥିଲେ । ଆଦିବାସୀଙ୍କ ଉପରେ

ହୋଇଥିବା ଗବେଷଣା,ଜଗନ୍ନାଥ ସଂସ୍କୃତି,ମହିମାଧର୍ମ,ପୁରାତନ ବ୍ରାହ୍ମିଲିପିର ଗବେଷଣାତ୍ମକ ସନ୍ଦର୍ଭ,ଖାରବେଳଙ୍କ ଉପରେ ହୋଇଥିବା ଗବେଷଣାତ୍ମକ ପୁସ୍ତକ,ତନ୍ତ୍ରଶାସ୍ତ୍ର ଇତ୍ୟାଦି ଉପରେ ଥିବା ଅନେକପୁସ୍ତକକୁ ଦେଖିଥିଲେ । ପ୍ରକାଶ ଯେ,ଗବେଷକ ଡ.ସ୍ୱର୍ଗତ ଅଗ୍ରୱାଲଙ୍କ ଜିବିତାବସ୍ଥାରେ ଆଇଆରଏସ ପ୍ରସନ୍ନକୁମାର ଦାସଙ୍କ ସାଙ୍ଗରେ ଅନେକଗୁଡିଏ ଗବେଷଣାତ୍ମକ କାମ କରିଥିଲେ । ସେହି ସବୁକୁ ଶ୍ରୀ ଦାସ ପୁସ୍ତକ ଆକାରରେ ପ୍ରକାଶିତ  କରିଛନ୍ତି । କଲିକତାରୁ “ଜଗନ୍ନାଥ ଇନ ଏଲାଏନ ଆଏଜ” ଓ ପରେ ଦିଲ୍ଲୀରୁ “ଇମାଜିନ ଓଡିଶା” ଭଳି ବହୁଦୁର୍ମୁଲ୍ୟ ପୁସ୍ତକ ପ୍ରକାଶନରେ ସ୍ୱର୍ଗତ ଅଗ୍ରୱାଲ ପ୍ରସନ୍ନ ଦାସଙ୍କ ସହ ଗବେଷଣା ଓ ତଥ୍ୟ ସଂଗ୍ରହରେ ସହଯୋଗ କରିଥିଲେ । ଅନେକ ବର୍ଷ ପରେ ସ୍ୱର୍ଗତ ଅଗ୍ରୱାଲଙ୍କ ଲାଇବ୍ରେରୀକୁ ପରିଦର୍ଶନ କରି ଶ୍ରୀ ଦାସ ଖୁସି ବ୍ୟକ୍ତ କରିବା ସହିତ ପୁସ୍ତକଗୁଡିକ ଯତ୍ନର ସହ ଥିବାରୁ ଆନନ୍ଦ ପ୍ରକାଶ କାରିଥିଲେ । ସ୍ୱର୍ଗତ ସଦାନନ୍ଦ ଅଗ୍ରୱାଲଙ୍କ ଧର୍ମପତ୍ନୀ ତାରାଦେବୀ ଅଗ୍ରୱାଲ,ପୁତ୍ର ସିଦ୍ଧାର୍ଥ ଅଗ୍ରୱାଲ ଓ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା ଅତିଥିଗଣଙ୍କୁ ଆତିଥ୍ୟ ଜଣାଇବା ସହିତ ଲାଇବ୍ରେରୀ ପରିଦର୍ଶନରେ ସହଯୋଗ କରିଥିଲେ ।