30-May-2025

ଲୋଇସିଂହା, (ବିନୋଦ ଦୀପ) ଏବେ ବି ବଞ୍ଚି ରହିଛି ବର୍ଷ ବର୍ଷର ପରମ୍ପରା । ପିଢ଼ି ପରେ ପିଢ଼ି ଅନୁଯାୟୀ ପଦ ଓ ରାଜ ଅଭିଷେକରେ କରାଯାଉଛି ଅଭିଷିକ୍ତ । ଏଭଳି ନିଆରା ପରମ୍ପରା ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ଲୋଇସିଂହା ରେ । ଯେଉଁଥିରେ ସାମିଲ ହୋଇଛନ୍ତି ଆଖପାଖ ଅଞ୍ଚଳର ନେତା ଓ ବୁଦ୍ଧିଯିବି, ଆଇନଜୀବୀ ଓ ଚଉପାଢ଼ିର ସାଆନ୍ତ ।ପ୍ରଜାତନ୍ତ୍ରରେ ସାମ୍ପ୍ରତିକ ସମୟରେ ରାଜତନ୍ତ୍ର ପ୍ରଥା ଧୀରେ ଧୀରେ ଲୋପ ପାଇ ଯାଉଥିବା ଦେଖିବାକୁ ମିଳୁଥିବା ବେଳେ ଏପରି ସ୍ଥଳେ  ଲୋଇସିଂହା ରେ ଏବେ ବି ବଞ୍ଚି ରହିଛି ବର୍ଷ ବର୍ଷର ପରମ୍ପରା  । ପିଢ଼ି ପରେ ପିଢ଼ି ଜମିଦାର ଶାସନକୁ ସମ୍ମାନ ଦେଇ ଆସୁଛନ୍ତି ଲୋକେ । ଏହି କ୍ରମରେ  ୧୯ ତମ ଜମିଦାର ପଦଗ୍ରହଣ ଓ ରାଜ ଅଭିଷେକ ଉତ୍ସବ ଅନୁଷ୍ଠିତ ହୋଇଯାଇଛି ।ପ୍ରାକ୍ତନ ଜମିଦାର ଜୟକୃଷ୍ଣ ସିଂ ରାଏ ଙ୍କ ଦେହାନ୍ତ ପରେ ତାଙ୍କ ଉତ୍ତରାଧିକାରୀ ଭାବେ ତାଙ୍କ ନାତୁଣୀ ତଥା ତାଙ୍କ ଜ୍ୟେଷ୍ଠ ପୁତ୍ର ସ୍ବର୍ଗତ ତ୍ରୟମ୍ବକ ସିଂ ରାଏ ଙ୍କ ଜ୍ୟେଷ୍ଠା କନ୍ୟା ଅର୍ଚନା ସିଂ ରାଏ ଜମିଦାର ଭାବେ ଅଭିଷିକ୍ତା ହୋଇଛନ୍ତି।ପ୍ରଥମ ମହିଳା ଭାବେ ସେ ଏହି ପଦବୀ ମଣ୍ଡନ କରିଛନ୍ତି। ଏହି ଅବସରରେ ଏକ ବର୍ଣ୍ଣାଢ଼୍ୟ ପରିବେଶରେ ରାଜ ଅଭିଷେକ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ପୂର୍ବତନ ଆଇନମନ୍ତ୍ରୀ ଶ୍ରୀଯୁକ୍ତ ନରସିଂହ ମିଶ୍ର,ଆଦିବାସୀ ନେତା ସତ୍ୟନାରାୟଣ ଭୋଇ, ଦିଲ୍ଲୀପ ବେହେରା ରାଜଜେମାଙ୍କ ସମେତ ବିଭିନ୍ନ ଗଡ଼ଜାତ ଅଞ୍ଚଳର ସାଆନ୍ତମାନେ ନିମନ୍ତ୍ରିତ ଅତିଥି ଭାବେ ଯୋଗ ଦେଇଥିଲେ ।ଏହି ଅବସରରେ ଗଣ୍ଡ ପରମ୍ପରା ଅନୁସାରେ ପୂଜାର୍ଚନା ପରେ ଜନସାଧାରଣ ଙ୍କ ଉପସ୍ଥିତ ରେ ଅର୍ଚନା ଦେବୀ ଙ୍କୁ ପଗଡି ଭିଡି ପୌସାଭିଷେକ୍ଷ କରାଯିବା ସହ  ସୁସଜ୍ଜିତ ପାଲିଙ୍କିରେ ବସାଇ ନଗର ପରିକ୍ରମା କରାଯାଇଥିଲା । ବିଭିନ୍ନ ଅଂଚଳ ରୁ ଆସିଥିବା ସାଆନ୍ତ ମାନେ  ଆସନ ଅଳଙ୍କୃତ କରିଥିବା ଅର୍ଚନା ସିଂ ରାଏ ଙ୍କୁ ଉପଢୌକନ ପ୍ରଦାନ କରି ପଦ ସିରିପା ପିନ୍ଧାଇଥିଲେ l