22-May-2025

ବଲାଙ୍ଗୀର (ଦେବାଶିଷ ବହିଦାର): ଓଡିଶା ରାଜ୍ୟ ଆଇନ ସେବା ପ୍ରାଧିକରଣ ନିର୍ଦ୍ଦେଶ ଅନୁସାରେ ଓ ଜିଲ୍ଲା ଆଇନ ସେବା ପ୍ରାଧିକରଣର ଅଧ୍ୟକ୍ଷ ଡ. ପବିତ୍ର ମୋହନ ସାମଲ ଙ୍କ ଅନୁମତି କ୍ରମେ ଆଜି ପୂର୍ବାହ୍ନରେ ବିଡିଘାଟ ଫଚାୟତଠାରେ କଠିନ ବର୍ଜ୍ୟବସ୍ତୁ ପରିଚାଳନା ଏବଂ ପରିବେଶ ସୁରକ୍ଷା ଉପରେ ଆଇନ ସଚେତନତା  କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଏହି ଶିବିରରେ ଜିଲ୍ଲା ଆଇନ ସେବା ପ୍ରାଧ୍ଵରଣର ସଚିବ ଶ୍ରୀଯୁକ୍ତ ପବିତ୍ରାନନ୍ଦ ପ୍ରଧାନ ଯୋଗ ଦେଇ କଠିନ ବର୍ଜ୍ୟବସ୍ତୁର ବ୍ୟବହାର ଓ ପରିବେଶ ସୁରକ୍ଷା ଉପରେ ଜନସାଧାରଣଙ୍କୁ ଅବଗତ କରାଇଥିଲେ । ଉକ୍ତ ଶିବିରରେ ପୌର ପରିଷଦ ର ଶ୍ରୀଯୁକ୍ତ ବରୁନ ସେଠ ଯୋଗ ଦେଇ କଠିନ ବର୍ଜ୍ୟବସ୍ତୁର ବିଭିନ୍ନ ପୁନଃ ବ୍ୟବହାର ଉପରେ ସଚେତନ କରାଇଥିଲେ । ଶିବିରରେ ବିଡିଘାଟ ଫଚାୟତ ପିଇଓ ଶ୍ରୀଯୁକ୍ତ ମହେନ୍ଦ୍ର ସେଠ ଉପସ୍ଥିତ ରହି କାର୍ଯ୍ୟକ୍ରମକୁ ସୂଚାର ଭାବେ ପରିଚାଳନା କରିଥିଲେ ।