16-May-2025

ବଲାଙ୍ଗିର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ ଛତ୍ରଦାଣ୍ଡି ସଂରକ୍ଷିତ ଜଙ୍ଗଲ ଓ ଗନ୍ଧମାର୍ଦ୍ଦନ ସଂରକ୍ଷିତ ଜଙ୍ଗଲରେ ମାଓବାଦୀ ମାନଙ୍କ ଗତିବିଧି ଥିବା କୌଣସି ବିଶ୍ୱସ ସୂତ୍ରରୁ ଖବର ପାଇ ଆଜି ମାଓବାଦୀ କ୍ୟାମ୍ପ ଉପରେ ବଲାଙ୍ଗୀର, ଲାଠୋର, ତୁରେକେଲା ଓ ଖପ୍ରାଖୋଲ ପୋଲିସର ମିଳିତ ଚଢ଼ଉ ହୋଇଥିଲା । ବଲାଙ୍ଗୀର ପୋଲିସର ଦୁଇଟି ଡିଭିଏଫ୍ ୟୁନିଟ ଦ୍ୱାର ପରିଚାଳିତ କୁମ୍ବିଂ ଅପରେସନ୍ ବେଳେ ମାଉବାଦୀ ମାନଙ୍କ ଦୁଇଟି ଆଡ୍ଡା ଉପରେ ପୋଲିସ ଚଢ଼ଉ କରି ବିପୁଳ ମାଓସାମଗ୍ରୀ ଜବତ କରିଛି ।  ଡିଟୋନେଟର, ଡିଟୋନେଟର ତିଆରି କରିବା ପାଇଁ ବିସ୍ଫୋରକ ସାମଗ୍ରୀ, ରେଡିଓ, ବିଦ୍ୟୁତ ତାର, ସୋଲାର ପ୍ଲେଟ୍‌, ରନ୍ଧନ ସାମଗ୍ରୀ , ଅଫୁଟା ଗୁଳି, ଖବରକାଗଜ, ମାଓ ସଂପର୍କିତ ପତ୍ରପତ୍ରିକା, ମାଓ ପେଣ୍ଟସାର୍ଟ , ମାଓ ବ୍ୟାନର୍ ଓ  ମାଓବାଦୀ ମାନଙ୍କ ଦ୍ୱାରା ନିତ୍ୟବ୍ୟବହାର୍ଯ୍ୟ ଅନେକ ସାମଗ୍ରୀ ଜବତ କରିଛି ପୋଲିସ । କୁମ୍ବିଂ ଅପରେସନରେ ତୁରେକେଲା ଆଇଆଇସି ଶ୍ରୀ ଆର୍‌.କେ. ସାହୁ, ଏସ୍‌ଆଇ ଶ୍ରୀ ଏନ୍‌. ଛତ୍ରା ଓ ଶ୍ରୀ ଆର୍‌.କେ ବେହେରା ସାମିଲ ଥିଲେ । ଆଜି ସ୍ଥାନୀୟ ରିଜର୍ଭ ପୋଲିସ କାର୍ଯ୍ୟାଳୟ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଲନୀରେ ଏହି ସୂଚନା ଦେଇଛନ୍ତି ବଲାଙ୍ଗୀର ଏସ୍‌ପି ଅଭିଳାଷ ଜୀ । ଜିଲ୍ଲାରେ ଚାଲିଥିବା ଏକ ବଡଧରଣର ମାଓ କେମ୍ପକୁ ପଲିସ ଧ୍ୱଂସ କରିବାରେ ସଫଳ ହୋଇଛି ଯାହା ବଲାଙ୍ଗୀର ପୋଲିସର ମନୋବଳକୁ ବଢ଼ାଇ ଥିବା ବେଳେ ଜଙ୍ଗଲରୁ ମାଓବାଦୀ ମାନେ ଏକପ୍ରକାର ଛତ୍ରଭଙ୍ଗ ଦେଇଥିବା ଦେଖିବାକୁ ମିଳିଛି ।