14-May-2025

କୁଚିଣ୍ଡା(ସିଲୁ ସୁନାନୀ): ସମ୍ବଲପୁର ଜିଲ୍ଲା କୁଚିଣ୍ଡା ସ୍ଥିତ ସାମ୍ବାଦିକ ଭବନ ଠାରେ ଉପଖଣ୍ଡସ୍ତରୀୟ ଉନ୍ନତି ପଥରେ ଲକ୍ଷେ ଘର ସମାଜ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ସମାଜର ଆର୍ଥିକ ସ୍ଥିତି ସୁଦୃଢ଼ ହୋଇ ଉନ୍ନତି ପଥରେ ଅଗ୍ରସର ହେବା ଏବଂ ଏହା ସହିତ ସମାଜ ଉପରେ ଶିକ୍ଷାର ସ୍ଥିତି ସହିତ ଉନ୍ନତିର ପଥରେ କିପରି ଅଗ୍ରସର ହେବା ସେ ଦିଗରେ ସବିଶେଷ ଆଲୋଚନାଚକ୍ର ଅନୁଷ୍ଠିତ ହୋଇ ଥିଲା। ସମାଜରେ ପ୍ରଚଳିତ ବିଭିନ୍ନ ପ୍ରକାରକୁ ସଂସ୍କାରକୁ ସମାଜରୁ ସମ୍ପୂର୍ଣ୍ଣ ଭାବେ ଦୂର କରି ଆର୍ଥିକ ଏବଂ ଶୈକ୍ଷିକ ସ୍ଥିତି ତଥା ସମ୍ପୂର୍ଣ୍ଣ ଭାବେ ସମାଜର ବିକାଶ କରିବା ଉକ୍ତ ବୈଠକର ମୁଖ୍ୟ ଆଭିମୁଖ୍ୟ ବୋଲି ଆଲୋକପାତ କରିଥିଲେ। ଉକ୍ତ ବୈଠକରେ ଅବସରପ୍ରାପ୍ତ ଗୋଷ୍ଠୀ ଉନ୍ନୟନ ଅଧିକାରୀ ଚନ୍ଦନ ନିଖଣ୍ଡିଆ,ଅବସରପ୍ରାପ୍ତ ଶିକ୍ଷା ଅଧିକାରୀ ଗୈାରାଙ୍ଗ କୁସୁମ, ଶିକ୍ଷକ ଟେଭାକର ବାକ୍ରା,ବିନୋଦ ସିଂ,ଭାନୁ ଚନ୍ଦ୍ର କୁସୁମ, କୁଚିଣ୍ଡା କେନ୍ଦ୍ର ଗୁଡ଼ି ସଭାପତି ସୋମବାରୁ ବୁଡା, ସମ୍ପାଦକ ଲିଙ୍ଗରାଜ ବାଘ, ବାମରା କେନ୍ଦ୍ର ଗୁଡ଼ି ସଭାପତି ଭିକ ନିଖଣ୍ଡିଆ, ଜମନକିରା କେନ୍ଦ୍ର ଗୁଡ଼ି ଉପସଭାପତି ତଥା ସମାଜ ସୁଧାରକ ଶ୍ରଦ୍ଧାକର ଜୟପୁରିଆ,ବାଉଁଶଲଗା ପଞ୍ଚାୟତ ଗୁଡ଼ି ସଭାପତି ଦାମୋଦର ସିଂ, ଖବରଦାତା ରିଙ୍କୁ କୁସୁମ,ଚତୁର୍ଭୁଜ ଜୟପୁରିଆ ସିଲୁ ସୁନାନୀ, ପିଣ୍ଟୁ ଦଶଭାୟା, ଟଙ୍କଧର କୁସୁମ,ଗିରିଜା ଶଙ୍କର ପାତ୍ର,ସ୍ବେଚ୍ଛାସେବୀ ଓମ ବୁଡା ପ୍ରମୁଖ ଉପସ୍ଥିତ ରହିଥିଲେ।ଏହି କାର୍ଯ୍ୟକ୍ରମ କୁ ଆକାଶବାଣୀ କଳାକାର ପଙ୍କଜ ଜୟପୁରିଆ ପରିଚାଳନା କରିଥିବା ବେଳେ, ଶେଷରେ ଦୂରଦର୍ଶନ କଳାକାର ଅଶୋକ ଜୟପୁରିଆ ଧନ୍ୟବାଦ ଅର୍ପଣ କରିଥିଲେ। ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।