21-Jan-2021

ପାଟଣାଗଡ଼(ଗୋରେଖନାଥ ବରିହା)ପାଟଣାଗଡ଼ ଥାନା ଅନ୍ତର୍ଗତ ଗଏଲମରା ଗ୍ରାମରେ ଗତକାଲି ରାତିରେ ମାୟାବର୍ହା ଗ୍ରାମର ଏକ ଗଛରେ ବେକରେ ରଶି ଲଗାଇ ଭକ୍ତ କୁମୁରା ଆତ୍ମହତ୍ୟା କରିଥିଲେ । ଏ ବିଷୟରେ ଗ୍ରାମର ଭଦ୍ରବ୍ୟକ୍ତି ପାଟଣାଗଡ଼ ଥାନା କୁ ଖବର ଦେଇଥିଲେ ।ପାଟଣାଗଡ଼ ପୋଲିସ ଘଟଣା ସ୍ଥଳରୁ ଶବ ଉଦ୍ଧାର କରି ଡାକ୍ତରଖାନା ଶବ ସଂଗୃହିତ ଗୃହରେ ରଖିଥିଲେ । କିଛି ସମୟ ପରେ ଶବ ବ୍ୟବଚ୍ଛେଦ କରିଥିଲେ କିନ୍ତୁ ଭକ୍ତ କୁମୁରା ଅନ୍ୟ ଜାତିରେ ବିବାହ କରିଥିବାରୁ ଜାତୀ ସମାଜ ନୀତି ନିୟମ ଅନୁଯାୟୀ ଶବକୁ ବାପା ଘର କି ଶ୍ବଶୁର ଘରଲୋକେ କେହି ନେଇନଥିଲେ । ଘଟଣା ବିଷୟରେ ଖବର ପାଇ ପାଟଣାଗଡ଼ ର ସ୍ବେଛାସେବୀ ଅନୁଷ୍ଠାନ ସେବା ଚେରିଟେବୁଲ ଟ୍ରଷ୍ଟ ଶବ ସତ୍କାର କରିବା ପାଇଁ ନିଷ୍ପତ୍ତି ନେଇ ପାଟଣାଗଡ଼ ପଞ୍ଚମୁଖୀ ହନୁମାନ ମନ୍ଦିର ପାଖରେ ଥିବା ସ୍ୱର୍ଗଦ୍ୱାର ରେ ଶବ ସତ୍କାର କରାଯାଇଥିଲା ।ଏହି ଶବ ସତ୍କାର କାର୍ଯ୍ୟରେ ଟ୍ରଷ୍ଟ ସଭାପତି ଶ୍ରୀ ସୁନୀଲ ସିଂ, ଉପସଭାପତି ଶ୍ରୀ ଗିରିଧାରୀ ଭୋଇ, ସଦସ୍ୟ ରୀଙ୍କୁ ନାଗ, ଯୁଧିଷ୍ଠିର ମିର୍ଧା, ସିଲୁ ସାହୁ, ସୁଶୀଲ କୁମ୍ଭାର, ସଂଗ୍ରାମ ବାହୁକ,ଘନ ଭୁଏ ପ୍ରମୁଖ ଉପସ୍ଥିତ ରହି ଶେଷ ପର୍ଯ୍ୟନ୍ତ ରହିଥିଲେ । ଏହି ଶବ ସତ୍କାର କାର୍ଯ୍ୟରେ ପାଟଣାଗଡ଼ ଥାନାଧିକାରୀ ଶ୍ରୀମତୀ କେ. ପ୍ରିୟଙ୍କା ରାଉତରାୟ କାଠ ଯୋଗାଇଦେଇଥିଲେ ।