05-May-2025

ବରଗଡ(ପ୍ରେରଣା ଖବର): ବରଗଡ ଜିଲ୍ଲାର ପ୍ରମୁଖ ଅନୁଷ୍ଠାନ କଲାଦହନା ପକ୍ଷରୁ ତୃତୀୟ ବାର୍ଷିକ ଉତ୍ସବ ମହାସମାରୋହ ରେ ପାଳିତ ହୋଇଯାଇଛି। ଏହି ଅବସରରେ ମୁଖ୍ୟଅତିଥି ଭାବେ ସମାଜସେବୀ ନରେନ୍ଦ୍ର କୁମାର ହୋତା ଯୋଗ ଦେଇଥିବା ବେଳେ ସମ୍ପାଦକ ଦିନେଶ ଭୋଇ, ସମ୍ମାନିତ ଅତିଥି ବିକ୍ରମ ସାହୁ, ଡକ୍ଟର ନିରଞ୍ଜନ ପଣ୍ଡା, ଡକ୍ଟର ତନ୍ମୟୀ ଅଗସ୍ତି ମଞ୍ଚାସୀନ ଥିଲେ। ଓଡିଶାର କୋଶଲି ଭାଷାର ଅଗ୍ରଣୀ ସାହିତ୍ୟ ଅନୁଷ୍ଠାନ ତହଁକ୍ କୁଟୁମ୍ କୋଶଲୀ ଭାଷା ସାହିତ୍ୟ ଏବଂ ସଂସ୍କୃତି କ୍ଷେତ୍ରରେ ଦୀର୍ଘ ୧୦ବର୍ଷ ହେବ କାମ କରିଆସୁଛି ଏବଂ ବିଭିନ୍ନ ପ୍ରକାରର ସାହିତ୍ୟ କାର୍ଯ୍ୟକ୍ରମ କରିଆସୁଛି। କୋଶଲି ପ୍ରତି ସବୁବେଳେ ସମର୍ପିତ ହୋଇ କାମ କରି ଆସୁଥିବାରୁ କଲାଦହନା ପରିବାର ପକ୍ଷରୁ ଭାଷା ରଥି ସମ୍ମାନରେ ସମ୍ମାନିତ କରାଯାଇଛି। ଏହି ବର୍ଣ୍ଣାଢ୍ୟ ଉତ୍ସବରେ ତହଁକ୍ ର ସମ୍ପାଦକ ରାଜେଶ ଦଣ୍ଡସେନା, ମୂଖ୍ୟ ସମ୍ପାଦକ ଅର୍ଜୁନ କୁମାର ସାହୁ, ମୂଖ୍ୟ ପ୍ରଭାରୀ ଶ୍ରିୟାକାନ୍ତ ଦାଶ, ଯୁବ ବିଭାଗ ମୁଖ୍ୟ ଭରତ ମେହେର ଏବଂ ସାଂସ୍କୃତିକ ବିଭାଗ ମୁଖ୍ୟ ମିଲନ ପଣ୍ଡା ପ୍ରମୁଖ ଉପସ୍ଥିତ ରହି ଏହି ସମ୍ମାନ ଗ୍ରହଣ କରିଥିଲେ। ଏହି ସମ୍ମାନ ପାଇବାପରେ ଅଞ୍ଚଳରେ ଖୁସିର ଲହରୀ ଖେଳିଯାଇଛି।