05-May-2025

ବରଗଡ଼:(ନିରଞ୍ଜନ ତ୍ରିପାଠୀ)- ବିଜୁ ପଟ୍ଟନାୟକ ଟାଉନ ହଲ, ବରଗଡ ଠାରେ କଲାଦହନା ସାଂସ୍କୃତିକ ଅନୁଷ୍ଠାନ, କଟାପାଲି, ବରଗଡ ତରଫରୁ ସମ୍ପାଦକ ତଥା ପ୍ରତିଷ୍ଠାତା କବି ଦିନେଶ ଭୋଇଙ୍କ ସମ୍ପାଦନାରେ ଏବଂ ସଭାପତି କବି ବିକ୍ରମ ସାହୁଙ୍କ ସଭାପତିତ୍ୱରେ ରାଜ୍ୟ ସ୍ତରୀୟ ତୃତୀୟ ସ୍ୱନକ୍ଷତ୍ର ଉତ୍ସବ ଏବଂ ପଞ୍ଚମ ସାହିତ୍ୟ ସମ୍ମାନ ଅନୁଷ୍ଠିତ ହୋଇଯାଇଛି । ଅନେକ ସୁଦୂର ଜିଲ୍ଲାରୁ ପାଖାପାଖି ୨୧ ଟି ଜିଲ୍ଲାରୁ ଅନେକ କବି କବୟିତ୍ରୀ ମାନେ ଧାଇଁ ଆସିଥିଲେ l ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ନରେନ୍ଦ୍ର କୁମାର ହୋତା, ମୁଖ୍ୟ ବକ୍ତା ଭାବେ ଡ଼ଃ କୈବଲ୍ୟ କୁମାର ମିଶ୍ର ,ସମ୍ମାନିତ ଆଲୋଚକ ଭାବେ ଶ୍ରୀଯୁକ୍ତ ମଦନାନନ୍ଦ ସେଠ,ସମ୍ମାନିତ ଅତିଥି ଭାବେ ଡ଼ଃ ନିରଞ୍ଜନ ପଣ୍ଡା,ସମ୍ମାନିତ ବକ୍ତା ଭାବେ ଓଡ଼ିଆ ଅଧ୍ୟାପିକା ଶ୍ରୀମତୀ ସୁନିତା ପଣ୍ଡା ଏବଂ ପ୍ରାରମ୍ଭିକ ଅଭିଭାଷଣ ତଥା ଦ୍ଵିତୀୟ ଅଧିବେଶନର ମଞ୍ଚ ସଞ୍ଚାଳୀକା ତଥା ସଂଯୋଜିକା ଭାବରେ ଶ୍ରୀମତୀ ସଙ୍ଗୀତା ଦୀପ ଯୋଗଦାନ କରିଥିଲେ। ପ୍ରଥମ ଅଧିବେଶନରେ ମଞ୍ଚ ପରିଚାଳନାରେ ସୁଦୂର ଭଦ୍ରକର ଡ଼ଃ ଶ୍ରୀକାନ୍ତ ପଣ୍ଡା, ନିୟୋଜିତ ହୋଇଥିଲେ l ପ୍ରଥମ ଅଧିବେଶନରେ କବି ଦିନେଶ ଭୋଇଙ୍କ ଚତୁର୍ଥ ଆଧୁନିକ କବିତା ସଂକଳନ  'ନେପଥ୍ୟର ଅସ୍ତରାଗ' କବିତା ପୁସ୍ତକ ଉନ୍ମୋଚନ ସହ ତାର ପୃଷ୍ଠଭୂମିର ପାଠକୀୟ ନିର୍ଯ୍ୟାସ ପ୍ରତିପାଦନ କରିଥିଲେ ମୁଖ୍ୟବକ୍ତା ଏବଂ କବିତା ପୁସ୍ତକର ମୂଳ ଭାବନା ଏବଂ କାବ୍ୟିକ ଚିତ୍ରଣ ଉପସ୍ଥାପନା କରିଥିଲେ ଶ୍ରୀମତୀ ସୁନିତା ପଣ୍ଡା ଏବଂ କବିତା ପୁସ୍ତକଟିର ସରଗର୍ଭକ ମର୍ମକୁ ଉପସ୍ଥାପନ କରିଥିଲେ ସମ୍ମାନିତ ଆଲୋଚକ l ଏହା ସହିତ ଦ୍ଵିତୀୟ ଅଧିବେଶନରେ ସମ୍ମାନିତ ଅତିଥି ରୂପରେ ଡ଼ଃ ତନ୍ମୟୀ ଅଗସ୍ତି,ଡ଼ଃ ବୈରାଗୀ ଚରଣ ମଲ୍ଲିକ, ଏବଂ ଶରତ ଚନ୍ଦ୍ର ପାଢ଼ୀ ଆସନ ଅଳଙ୍କୃତ କରିଥିଲେ l ଦ୍ଵିତୀୟ ଅଧିବେଶନର ପ୍ରାରମ୍ଭିକ ଅଭିଭାଷଣରେ ଶ୍ରୀମାନ ରିଙ୍କୁ ମେହେର ନିୟୋଜିତ ଥିଲେ lଏହି ଅବସରରେ ସମ୍ବର୍ଦ୍ଧନା ଉଚ୍ଛବ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହୋଇଥିଲା । ପ୍ରତି ବର୍ଷ ଦିଆଯାଉଥିବା ପ୍ରମୁଖ ଦୁଇଟି ସମ୍ମାନ ଯଥା କଲା କୋଶଲି କଳା ରଥି ସମ୍ମାନରେ ଶ୍ରୀଯୁକ୍ତ ସୁଶୀଲ କୁମାର ମେହେର ଏବଂ କୋଶଲି ଭାଷା ରଥି ସମ୍ମାନରେ ତହଁକ୍ ସାହିତ୍ୟ କୁଟୁମ୍, ବଲାଙ୍ଗୀରକୁ ସମ୍ମାନିତ କରାଯଇଥିଲା ।ଏହା ସହିତ ଅନ୍ୟାନ୍ୟ ଜିଲ୍ଲାରୁ ଆସିଥିବା ସମସ୍ତ ଯୁବ ପୀଢ଼ି ତଥା ଆଗାମୀ ଅଧ୍ୟାୟର ଗୋଟେ ଗୋଟେ ମାଇଲ ଖୁଣ୍ଟ, ଭାଷା ସାହିତ୍ୟିକ, ନବୋଦୟ କବି ପୀଢ଼ି ସାହିତ୍ୟିକ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା।ସାଂସ୍କୃତିକ କାର୍ଯ୍ୟକ୍ରମରେ ସମ୍ବଲପୁରରୁ ଲୋକ ନୃତ୍ୟ କଳାକାର ଗଣ ଏବଂ ବରଗଡରୁ କୁନି କୁନି ନୃତ୍ୟ ଶିଳ୍ପୀ ସହ ପ୍ରାରମ୍ଭିକ ନୃତ୍ୟ ପରିବେଷଣରେ କେନ୍ଦ୍ରାପଡ଼ାରୁ ମାନସ କୁମାର ଭଦ୍ର ଓଡିଶୀ ନୃତ୍ୟ ପରିବେଷଣ କରିଥିଲେ। ସଂଗୀତକାର ମାନେ ସଙ୍ଗୀତ ପରିବେଷଣ କରିବା ସହ  କବି ଓ କବୟତ୍ରୀ ଗଣ ନିଜସ୍ଵ ସ୍ବରଚିତ କବିତା ପଠନ କରିଥିଲେ l ପରିଶେଷରେ ସନ୍ତୋଷିନୀ ନାଗ ଧନ୍ୟବାଦ ଅର୍ପଣ କରିଥିଲେ।