04-May-2025

ବଲାଙ୍ଗୀର(ପ୍ରେରଣା ଖବର): ବିଡିଘାଟ ଗ୍ରାମ ପଞ୍ଚାୟତ ଅନ୍ତର୍ଗତ ଜନକପୁର ଠାରେ ଚୁଡାପାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପକ୍ଷରୁ ଜନସାଧାରଣଙ୍କ ପାଇଁ ମାଗଣା ସ୍ବାସ୍ଥ୍ୟ ପରୀକ୍ଷା ଓ ଔଷଧ ବିତରଣ ସେବl ପ୍ରଦାନ କରାଯାଇଥିଲା। ଉକ୍ତ କାର୍ଯ୍ୟକ୍ରମକୁ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ ଅନୁମତି  ତଥା ନିର୍ଦ୍ଦେଶ ଅନୁସାରେ ଚୁଡ଼ାପାଲି  ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଭାରପ୍ରାପ୍ତ ଡକ୍ଟର ସନ୍ତୋଷ କୁମାର ସାହୁ ଓ ଡକ୍ଟର ପ୍ରକାଶ କୁମାର ଦାସ ଓ ତାଙ୍କ ଷ୍ଟାଫଙ୍କ ତତ୍ତ୍ଵାବଧାନରେ ଦିବ୍ୟଜ୍ୟୋତି ଜାଗୃତି ଯୋଗ ସଂଗଠନ ପକ୍ଷରୁ ବ୍ୟାପକ ପ୍ରସ୍ତୁତି ଓ ବ୍ୟବସ୍ଥା  କରାଯାଇ ଜନସଧାରଣ ଔଷଧ ଓ ସ୍ବାସ୍ଥ୍ୟ ପରୀକ୍ଷା କିପରି ସୁବିଧା ଓ ସୁଯୋଗ ପାଇ ପାରିବେ ସେଥି ପାଇଁ  ସହଯୋଗ କରିଥିଲେ । ଦିବ୍ୟଜ୍ୟୋତି ଜାଗୃତି ଯୋଗ ସଂଗଠନର ମୁଖ୍ୟ କର୍ମକର୍ତ୍ତା ମାନେ ହେଲେ ଆନନ୍ଦ ଚନ୍ଦ୍ର ବେହେରା, କାମେଶ୍ୱର ମହାଳିକ, ନୀଳକଣ୍ଠ ମେହେର, ୟାମୁଦ୍ଦ ମହମ୍ମଦ, ସୂର୍ଚ୍ଚନ ପୁଟେଲ, ଗୋପାଳ ଚନ୍ଦ୍ର ବସ୍ତିଆ, ବିରଞ୍ଚି ଗହୀର, ଆଶା ଦିଦି ବୀଣାପାଣି ଭଏ, ସହଦେବ ଧରୁଆ, ସମାଜସେବୀ ବିନୋଦ ରାଉତ ଓ ଅନ୍ୟାନ୍ୟ ଗ୍ରାମର ଭଦ୍ରବ୍ୟକ୍ତି ଆଦି ସମସ୍ତଙ୍କ ସହଯୋଗରେ କାର୍ଯ୍ୟକ୍ରମ ସମ୍ପନ୍ନ ହୋଇ ଥିଲା। ଶେଷରେ ମେଡିକାଲ ଷ୍ଟାଫ  ଶେଷଦେବ ଧରୁଆ ଧନ୍ୟବାଦ ଅର୍ପଣ କରିଥିଲେ।