03-May-2025

ଅମ୍ବାଭୋନା (ପ୍ରକାଶ ଚନ୍ଦ୍ର ରଥ)ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ଚିଚୋଲି ଗ୍ରାମ ର ବୟୋଜ୍ୟେଷ୍ଠ ସମାଜ ସେବୀ , ପରୋପକାରୀ ତଥା ଧର୍ମପରାୟଣ ବ୍ୟକ୍ତି ଶ୍ରୀ ଥଣ୍ଡରାମ ସା ଙ୍କ ୯୫ବର୍ଷ ବୟସରେ ତାଙ୍କର ଚିଚୋଲିସ୍ଥିତ ବାସଭବନରେ ପରଲୋକ ଘଟିଛି। ତାଙ୍କ ବିୟୋଗ ରେ ଅମ୍ବାଭୋନା ଅଞ୍ଚଳରେ ଶୋକ ର ଛାୟା ଖେଳି ଯାଇଛି। ସେ ଅମ୍ବାଭୋନା ବ୍ଲକ ତୈଲିକ ସମାଜ ର ପୂର୍ବତନ ସଭାପତି ତଥା ବରଗଡ ଜିଲ୍ଲା ତୈଲିକ ସମାଜ ର ପ୍ରାକ୍ତନ ସଭ୍ୟ ଥିଲେ।  ଶୁକ୍ରବାର ଦିନ ଚିଚୋଲି ଗ୍ରାମର ସ୍ଵର୍ଗଦ୍ଵାର ଠାରେ ଗ୍ରାମବାସୀ, ଅଞ୍ଚଳର ବିଶିଷ୍ଟ ବ୍ୟକ୍ତି ତଥା ପରିବାରବର୍ଗ ଓ ବନ୍ଧୁ ବାନ୍ଧବ ତାଙ୍କୁ ଭାବପୂର୍ଣ୍ଣ ବିଦାୟ ଦେଇ ଥିଲେ । ଜ୍ୟେଷ୍ଠ ପୁତ୍ର ଶ୍ରୀ ଦେବାର୍ଚ୍ଚନ ସା ମୁଖାଗ୍ନି ଦେଇ ଥିଲେ । ପୁତ୍ର ଦୋଲାମଣି ସା, ଝସକେତନ୍ ସା ଓ ପୁତ୍ରୀ ସୁଲୋଚନା ସା ଙ୍କ ସହିତ ନାତି ନାତୁଣୀ ସମସ୍ତେ ଉପସ୍ଥିତ ଥିଲେ। ତାଙ୍କ ବିୟୋଗରେ ଭଟଲି ବିଧାୟକ ଈରାଶିଷ ଆଚାର୍ଯ୍ୟ,ସୈ।ରିଚରଣ ବାରିକ ,ଡ଼ା.ଚିନ୍ତାମଣି ପଟେଲ, ଅମ୍ବାଭୋନା ତୈଲିକ ସମାଜ ପ୍ରମୁଖ ଶୋକ ବ୍ୟକ୍ତ କରିଛନ୍ତି।