24-Apr-2025

ରାୟଗଡ଼ା(ସୁପ୍ରିୟା ଷଡଙ୍ଗୀ): କାଶ୍ମୀରର ପେହେଲ୍ ଗ୍ରାମ ରେ ହିନ୍ଦୁ ମାନଙ୍କ ଉପରେ ଯେଉଁ ଇସଲାମିକ୍ ଜିହାଦୀ ଆକ୍ରମଣ ହୋଇଛି ତାର ବିରୁଦ୍ଧରେ ବିଶ୍ବହିନ୍ଦୁ ପରିଷଦ ଓ ବଜରଙ୍ଗ ଦଳ ତରଫରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା ।
ଆଜି ଶତାଧିକ ବଜରଙ୍ଗି , ଆଇନଜୀବୀ ଓ ହିନ୍ଦୁ ପ୍ରେମୀ ପାକିସ୍ତାନ ବିରୁଦ୍ଧରେ ନାରାବାଜି କରି ଏକ ବାଇକ୍ ଶୋଭାଯାତ୍ରା ରେ ମହା ମହିମ୍ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ରାୟଗଡ଼ା ଜିଲ୍ଲା ପ୍ରଶାସନଙ୍କୁ ଏକ ସ୍ମାରକ ପତ୍ର ପ୍ରଦାନ କରି ଥିଲେ। ପେହେଲ୍ ଗ୍ରାମରେ ହିନ୍ଦୁ ମାନଙ୍କୁ ଜଣ ଜଣଙ୍କୁ ପଚାରି ପଚାରି ହିନ୍ଦୁ ମାନଙ୍କୁ ସମ୍ପୂର୍ଣ୍ଣ ଟାର୍ଗେଟ କରି ଇସଲାମିକ୍ ଜିହାଦୀ ଉଗ୍ରବାଦୀ ୨୬ ଜଣ ହିନ୍ଦୁଙ୍କୁ ଯେଉଁ ବର୍ବରଚିତ ଗୁଳି କରି ହତ୍ୟା କରାଯାଇଛି ତାହାର ପ୍ରତିବାଦରେ ଆଜିର ଏହି ଶୋଭାଯାତ୍ରା କରାଯାଇଥିଲା । ଆଗାମୀ ଦିନରେ ଏହି ପ୍ରକାର ହିନ୍ଦୁଙ୍କ ଉପରେ ଇସଲାମିକ୍ ଆକ୍ରମଣ ଯେପରି ନହେବ ସେଥି ପ୍ରତି ବିଶେଷ ଧ୍ୟାନ ଦେବା ସହ ପାକିସ୍ଥାନକୁ ଠିକ୍ ଜବାବ୍ ଦେବା ସହ ସାମରିକ ଆକ୍ରମଣ କରିବା ପାଇଁ କେନ୍ଦ୍ର ସରକାର ଅନୁରୋଧ କରାଯାଇଛି । ପାକିସ୍ତାନ ଉପରେ ସାମରିକ ଆକ୍ରମଣ ,ସର୍ଜିକାଲ୍ ଷ୍ଟ୍ରାଇକ୍ କରିବା ପାଇଁ ବିଶ୍ବହିନ୍ଦୁ ପରିଷଦ ଓ ବଜରଙ୍ଗ ଦଳ ତରଫରୁ କେନ୍ଦ୍ର ସରକାରଙ୍କୁ ଦାବି କରାଯାଇଛି । ଏହି ବିକ୍ଷୋବ ପ୍ରଦର୍ଶନକୁ  ରାୟଗଡା ଜିଲା ବିଶ୍ବହିନ୍ଦୁ ପରିଷଦ, ବଜରଙ୍ଗ ଦଳ ଓ ଆରଏସଏସର କର୍ମୀମାନେ ଏବଂ ସନାତନି ପ୍ରେମୀ ମାନେ ନେତୃତ୍ୱ ନେଇ ଥିଲେ ।