24-Apr-2025

- ସୋନପୁର (ମନୋରଞ୍ଜନ ତ୍ରିପାଠୀ )
 ଅଜଣା ରୋଗ ରେ ଧାନ ଫସଲ ନଷ୍ଟ ହେଉଥିବାରୁ ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ରାମପୁର ପ୍ରାଥମିକ ସେବା ସମବାୟ ସମିତି ର ବିଭିନ୍ନ ଚାଷୀ ସଂଗଠନ ର ଶତାଧିକ ଚାଷୀ ଆଜି ସୁବର୍ଣ୍ଣପୁର ଜିଲ୍ଲାପାଳ ଙ୍କୁ ଏକ ଦାବୀ ପତ୍ର ପ୍ରଦାନ କରିଛନ୍ତି l ଧାନ ଫସଲ କ୍ଷୟ କ୍ଷତି ର ଉଚିତ ପ୍ରାପ୍ୟ , ଅଜଣା ରୋଗ କୁ ଚିହ୍ନଟ କରି ସବସିଡି ରେ କୀଟ ନାଶକ ଔଷଧ ଯୋଗାଇବା, ଓ କ୍ଷୟ କ୍ଷତି ର ସଠିକ୍ ଆକଳନ ସହ  ଉଚ୍ଚ ସ୍ତରୀୟ ତଦନ୍ତ କରି ଶୀଘ୍ର ଫସଲ ବୀମା ଯୋଗାଇବାକୁ ଦାବୀ କରି ଏ ଚାଷୀ ମାନେ ଜିଲ୍ଲାପାଳ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରିଥିଲେ l  ସୁବର୍ଣ୍ଣପୁର ଏଡିଏମ୍ ଅଞଳିନା ପଧାନ ଙ୍କ ଜରିଆରେ ଜିଲ୍ଲାପାଳ ଙ୍କୁ ଏକ ଦାବୀ ପତ୍ର ପ୍ରଦାନ କରି  ଜିଲ୍ଲା କୃଷୀ ବିଭାଗ ଡେପୁଟି ଡାଇରେକ୍ଟର ଙ୍କୁ ମଧ୍ୟ ଦାବୀ ପତ୍ର ପ୍ରଦାନ କରିଥିଲେ ଓ ଏ ସମସ୍ୟା ସମାଧାନ ପାଇଁ ଉଭୟ ଙ୍କ ସହିତ ଚାଷୀ ନେତା ମାନେ ଆଲୋଚନା କରିଥିଲେ l ରାମ ପୁର ପ୍ରାଥମିକ ସେବା ସମବାୟ ସମିତି ର ସଭାପତି ଉମେଶ ପୁଝାରୀ, ସଂପାଦକ ସରୋଜ ମେହେର, ଉପଦେଷ୍ଟା କୃପା ସିନ୍ଧୁ ପୁଝାରୀ, ସରପଞ୍ଚ ମନୋଜ ପୁରୋହିତ ଙ୍କ ନେତୃତ୍ବ ରେ ଆଜି ରାମପୁର, କଟାପାଲି, ଅମନ୍ ମୁଣ୍ଡା, ନାଇକେନ୍ ପାଲି, ଷଣ୍ଢ ଟିକ୍ରା, ତେଲି ଟିକ୍ରା ଗାଁ ର ଶତାଧିକ ଚାଷୀ ଏହି କାର୍ଯ୍ୟକ୍ରମ ରେ ଯୋଗ ଦେଇଥିଲେ l