24-Apr-2025

ବିନିକା(ହିମାଂଶୁ ଶେଖର  ପୁଟେଲ)ବିନିକା ବ୍ଲକ ଅନ୍ତର୍ଗତ ମହାଦେବପାଲି ଗ୍ରାମ ଶ୍ରୀ ରାମଳିଲା ମହୋତ୍ସବର ଯୁବ ବ୍ଯାସ ସରୋଜ କୁମାର ନାୟକଙ୍କ ଗୁରୁବାର ସକାଳ ପ୍ରାୟ ୫ଘଣ୍ଟା ସମୟରେ ହୃଦଘାତରେ ପରଲୋକ ହୋଇଯାଇଛି ।ଘରେ ଥିବା  ସମୟରେ ପାହାନ୍ତିଆ ୩ଘଣ୍ଟାରେ ସେ ସାମାନ୍ୟ ଅସୁସ୍ଥ ଅନୁଭବ କରିବାରୁ ତାଙ୍କୁ ସୁବର୍ଣ୍ଣପୁର ଜିଲ୍ଲା ମୁଖ୍ୟ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । ତେବେ ଡାକ୍ତରଖାନାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେ ଜଣେ ଧର୍ମପରାୟଣା ମିଷ୍ଟଭାଷି,ସରଳ ତଥା ଶାନ୍ତସ୍ବଭାବର ବ୍ଯକ୍ତିଭାବେ ବେଶ ପରିଚିତ ଥିଲେ ।ଗ୍ରାମରେ ଏକ ଛୋଟିଆ ବ୍ଯବସାୟ କରି ପରିବାର ପ୍ରତିପୋଷଣ କରିବା ସହ ଶ୍ରୀ ରାମଳିଲା ମହୋତ୍ସବରେ ବାପା ୰ଗୋପାଳ ଚନ୍ଦ୍ର ନାୟକଙ୍କ ପରେ ଦୁଇ ବର୍ଷ ହେବ ଗ୍ରନ୍ଥ ପଠନ କରି ବ୍ଯାସ ଭାବେ ଦାୟିତ୍ୱ ନିର୍ବାହ କରି ଆସୁଥିଲେ । ମୃତ୍ୟୁ ସମୟରେ ତାଙ୍କ ନିକଟରେ ପୁଅ ଆୟୁଷ, ସ୍ତ୍ରୀ ସସ୍ମିତା ପରିବାର ବର୍ଗ ଉପସ୍ଥିତ ଥିଲେ । ଗାଁକୁ ମର ଶରୀର ପହଞ୍ଚିବା ପରେ ଆତ୍ମୀୟ ସ୍ଵଜନ ତଥା ବହୁ ବ୍ଯକ୍ତି ବିଶେଷ ଯୋଗଦେଇ ତାଙ୍କର ଶେଷ ଦର୍ଶନ କରିଥିଲ । ଏକ ଶୋକାକୁଳ ପରିବେଶରେ ଅଙ୍ଗନଦୀ ସ୍ଥିତ ପଧାନପାଲି ଶ୍ମଶାନଘାଟରେ ତାଙ୍କ ଶେଷକୃତ୍ଯ ସମ୍ପନ୍ନ ହୋଇଛି ।ବଡଭାଇ ସଞ୍ଜୀବ ନାୟକ ମୁଖାଗ୍ନି ଦେଇଛନ୍ତି । ତାଙ୍କ ବିୟୋଗରେ ଅଞ୍ଚଳରେ ଶୋକର ଛାୟା ଖେଳିଯାଇଛି ।