23-Apr-2025

 ଅତାବିରା(ଆକାଶ ମିଶ୍ର ) ବରଗଡ଼ ଜିଲ୍ଲା ଅତାବିରା ଏନ୍ ଏ ସି ଅନ୍ତର୍ଗତ  ପି ଏମ୍ ଶ୍ରୀ ଲାଦରପାଲି ସେବାଶ୍ରମ  ସ୍କୁଲ୍ ର ବାର୍ଷିକ ଉତ୍ସବ  ସ୍କୁଲ୍ ର ପ୍ରଧାନ ଶିକ୍ଷୟିତ୍ରୀ ( ସେବିକା ) ନମିତା ତ୍ରିପାଠୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି । ବିଧାୟକ ନିହାର ମହାନନ୍ଦ ମୁଖ୍ୟ ଅତିଥି ରୂପେ ଯୋଗ ଦେଇ ଥିବା ବେଳେ ବରଗଡ଼ ପଞ୍ଚାୟତ ମହା ବିଦ୍ୟାଳୟ ର  ଓଡ଼ିଆ ପ୍ରାଧ୍ୟାପକ ସେସନ୍ ବିଶି ମୁଖ୍ୟ ବକ୍ତା, ଗୋଷ୍ଠୀ ଉନ୍ନୟନ ଅଧିକାରୀ ରିପୁ ନାଥ ସୁନା , ଏ ବି ଇ ଓ କାର୍ତ୍ତିକ ବାଗ,   ଅତାବିରା ଜନ ସମ୍ପ୍ରସାରଣ ଅଧିକାରୀ ଶୁଭମ୍ ମହାପାତ୍ର , ସି ଆର୍ ସି ସି ନୃପ ଭୋଇ,ସ୍କୁଲ ପରିଚାଳନା କମିଟିର ଅଧ୍ୟକ୍ଷା ସୀମା ଭୋଇ ସମ୍ମାନିତ ଅତିଥି ଭାବରେ ମଞ୍ଚାସିନ ଥିଲେ ।ଶିକ୍ଷକ ଗଣେଶ ମିରିଗ ଅତିଥି ପରିଚୟ ପ୍ରଦାନ ସହ ମଞ୍ଚ ପରିଚାଳନା କରିଥିଲେ । ମଞ୍ଚାସିନ ଅତିଥି  ମାନଙ୍କୁ ଉପଢୌକନ  ଦେଇ ସମ୍ବର୍ଦ୍ଧିତ  କରାଯାଇଥିଲା। ଛାତ୍ରୀ  ମାନେ ସ୍ଵାଗତ ସଙ୍ଗୀତ ମାଧ୍ୟମରେ ଅତିଥି ମାନଙ୍କୁ ସ୍ଵାଗତ ଜଣାଇଥିଲେ ।ଶିକ୍ଷା ର ଗୁଣାତ୍ମକ ମାନ ର ବିକାଶ ପି ଏମ୍ ଶ୍ରୀ ର ମୁଖ୍ୟ ଉଦ୍ଦେଶ୍ୟ ବୋଲି  ମଞ୍ଚାସିନ ଅତିଥି ମାନେ ନିଜ ନିଜ ବକ୍ତବ୍ୟରେ କହିଥିଲେ । ଶିକ୍ଷା, ଶିକ୍ଷକ,  ଶିକ୍ଷାୟତନ ମଧ୍ୟରେ ସମନ୍ୱୟ ରକ୍ଷା କରିବା ସହିତ ସ୍ବାର୍ଥ ରହିତ  ଭାବରେ କର୍ତ୍ତବ୍ୟ

ସମ୍ପାଦନ କରି ଏହି ଯୋଜନାର ଉଦ୍ଦେଶ୍ୟକୁ  ସଫଳ ରୂପାୟନ କରାଯାଇ ପାରିବ ବୋଲି ମୁଖ୍ୟ ବକ୍ତା କହିଥିଲେ ।  ପୂର୍ବରୁ ହୋଇଥିବା ବିଭିନ୍ନ ପ୍ରତିଯୋଗିତା  ରେ କୃତି ୯୦ ରୁ ଉର୍ଦ୍ଧ୍ବ ଛାତ୍ରୀ ଙ୍କୁ ଆଜି ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା । ଶିକ୍ଷୟିତ୍ରୀ ପିନୋଲିଓନା ଦାଶ, ଭୂମିସୁତା ସାହୁ,  ଆଶା ପ୍ରଧାନ, ତୁଳସୀ ପ୍ରଧାନ ,ସମସ୍ତ କର୍ମଚାରୀ, ସ୍ଛୋଲ୍ ପରିଚାଳନା କମିଟିର କର୍ମକର୍ତ୍ତା ସକ୍ରିୟ ସହଯୋଗ କରିଥିଲେ ।୫୦୦ ରୁ ଉର୍ଦ୍ଧ୍ବ ଛାତ୍ରୀ, ଅଭିଭାବକ , ଅଭ୍ହିଭାବିକା ଏଥିରେ ଅଂଶଗ୍ରହଣ କରିଥିଲେ ।ଶ୍ରୀମତୀ ତ୍ରିପାଠୀ  ଧନ୍ୟବାଦ୍ ଅର୍ପଣ କରିଥିଲେ ।ଶେଷରେ ଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା । ସମ୍ବଲପୁରୀ ଓ ଆଦିବାସୀ ନୃତ୍ୟ   ଦର୍ଶକଙ୍କୁ ବେଶ୍ ଆକର୍ଷଣ କରିଥିଲା ।