23-Apr-2025

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଳି ସହଲା ଫାଟକ ନିକଟରେ ଟ୍ରେନ ନମ୍ୱର 18523 ବିଶାଖାପାଟନା ବନାରସ ଏକ୍ସପ୍ରେସରେ  ଆସୁଥିବା ସମୟରେ ଜଣେ ବ୍ୟକ୍ତି ଅସାବଧାନତାରୁ ଟ୍ରେନରୁ ଖସି ପଡ଼ିଥିଲେ ।ଫଳରେ ତାଙ୍କର ମୃତ ଘଟିଥିଲା ।ମୃତ ବ୍ୟକ୍ତି ଜଣକ ହେଉଛନ୍ତି ଝାରଖଣ୍ଡ ରାଜ୍ୟ ବୋକାରେ ଜିଲ୍ଲା ଜରିଡି ଥାନା ଅରାଜୁ ଗ୍ରାମର ପରାୟଗ ସୁରେନ ବୋଲି ଜଣାପଡିଛି l  ମୃତ ବ୍ୟକ୍ତି ଜଣକ ଟ୍ରେନରୁ ପଡ଼ିଯିବା ଦେଖି ଟ୍ରେନ ଭିତରେ ଥିବା ଅନ୍ୟ ଜଣେ ଯାତ୍ରୀ ତୁରନ୍ତ ରେଲୱେ ହେଲ୍ପ ଲାଇନ ନମ୍ବରକୁ ଯୋଗାଯୋଗ କରିଥିଲେ । ଜିଆରପି ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ଖସି ପଡିଥିବା ବ୍ୟକ୍ତିକୁ ଉଦ୍ଧାର କରି ନିକଟ ଡୁଙ୍ଗୁରିପାଳି ଡାକ୍ତରଖାନାରେ ଚିକିତ୍ସା ପାଇଁ  ଭର୍ତ୍ତି କରିଥିଲେ ।ହେଲେ ଡାକ୍ତର ଦେଖିବା ପରେ ତାଙ୍କୁ ମୃତ ଘୋଷଣା କରିଛନ୍ତି l ମୃତ ଦେହକୁ ଜବତ କରି ଜିଆରପି ପୋଲିସ ପରିବାର ବର୍ଗଙ୍କୁ ଖବର ଦେବା ସହ ଶବ ବ୍ୟବଚ୍ଛେଦ କରି ଘଟଣାର ଅଧିକ ତଦନ୍ତ ଜାରୀ ରଖିଛି।