23-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ତା ୨୯.୧୨.୨୦୨୪ରିଖରେ ବିଭିନ୍ନ ସମ୍ବାଦପତ୍ର ମାନଙ୍କରେ ପ୍ରକାଶ ପାଇଥିଲା ଯେ, ଓଡ଼ିଶା ସରକାର କେତେ ଗୋଟି ନୂତନ ବ୍ଲକ ସ୍ଥାପନ ପାଇଁ ଖବରକାଗଜ ଜରିଆରେ ଜଣାଇଥିଲେ। ନୂତନ ବ୍ଲକ ଗଠନ ହେଲେ ଅନେକ ଦୂରଦୂରାନ୍ତ ଗ୍ରାମର ଜନସାଧାରଣଙ୍କ ଅସୁବିଧା ମାନ ସହଜରେ ଦୂର ହୋଇ ପାରିବ। ସରକାରଙ୍କ ଏଭଳି ମହତ ବିଚାର ଓ ଚିନ୍ତାଧାରାକୁ କେନ୍ଦ୍ରକରି ବରଗଡ଼ ଓ ବରପାଲି ର ୧୨ ଗୋଟି ଗ୍ରାମ ପଞ୍ଚାୟତକୁ ନେଇ ବରଗଡ଼ ବିଧାନସଭା ମଣ୍ଡଳୀର ଗ୍ରାମପଞ୍ଚାୟତ ମାନଙ୍କୁ ନେଇ ଏକ ନୂତନ ବ୍ଲକ ଗଠନ କୁଶନପୁରୀ କିମ୍ବା ବେହେରା ଠାରେ ନୂତନ ବ୍ଲକ ସ୍ଥାପନ କରିବାପାଇଁ ତା ୨୧.୦୪.୨୦୨୫ରିଖରେ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀଙ୍କ ଜନଶୁଣାଣୀ ଅବସରରେ ସମ୍ବଲପୁର ନଗର ନିଗମକୁ ଅଞ୍ଚଳର ୨୦ ଜଣ ମିଶନ ଶକ୍ତି ମହିଳା, ସ୍ୱୟଂ ସହାୟକ ଗୋଷ୍ଠୀର ମାଁ ଭଉଣୀ, ଅନେକେ ବୁଦ୍ଧିଜୀବୀ ନୂତନ ବ୍ଲକ ସ୍ଥାପନା ର ବୈଠକ ବିବରଣୀ ର ଅବିକଳ ନକଲ ର ନଥିପତ୍ର ଗୁଡିକ ମାନ୍ୟବର ମୁଖ୍ୟମନ୍ତ୍ରୀ, ମାନ୍ୟବର ପଞ୍ଚାୟତିରାଜ ବିଭାଗର ମନ୍ତ୍ରୀ ଶ୍ରୀଯୁକ୍ତ ରବିନାରାୟଣ ନାଏକ ଓ ରାଜସ୍ବ ବିଭାଗର ମାନ୍ୟବର ମନ୍ତ୍ରୀ ଶ୍ରୀଯୁକ୍ତ ସୁରେଶ ପୂଜାରୀଙ୍କୁ ପ୍ରଦାନ କରିଛନ୍ତି। ଦାବି ପତ୍ର ଓ ନଥିପତ୍ର ପ୍ରଦାନ ସମୟରେ ମୁଖ୍ୟମନ୍ତ୍ରୀ ଓ ବିଭାଗୀୟ ମନ୍ତ୍ରୀ ମାନଙ୍କୁ ନୂତନ ବ୍ଲକ ସ୍ଥାପନର ତୁରନ୍ତ ସୁବ୍ୟବସ୍ଥା ପାଇଁ ପ୍ରତିନିଧି ଦଳ ଅନୁରୋଧ କରିଛନ୍ତି। ଜନସାଧାରଣଙ୍କ ଅନୁରୋଧ କ୍ରମେ ଜନପ୍ରତିନିଧି ଓ ମନ୍ତ୍ରୀ ମହଲରୁ ବିଚାର କରିବାର ଆଶ୍ୱାସନା ଜଣାପଡିଛି।