23-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ଧୂମାଭଟା ଗ୍ରାମ ଠାରେ ଦିର୍ଘ ବର୍ଷରୁ ନିର୍ମାଣାଧୀନ ଶ୍ରୀ ଜଗନ୍ନାଥଙ୍କ ମନ୍ଦିର ପ୍ରତିଷ୍ଠା ମହୋତ୍ସବ ମହା ସମାରୋହରେ ସମାପନ ହୋଇ ଯାଇଛି। ଗ୍ରାମବାସୀଙ୍କ ପ୍ରଚେଷ୍ଟାରେ ଆଜି ଶ୍ରୀ ଜଗନ୍ନାଥଙ୍କ ମନ୍ଦିର ପ୍ରତିଷ୍ଠାକୁ ସତରେ ମାନିବାକୁ ପଡିବ। ଦୁଲଦୁଲି ଓ ଘଣ୍ଟବାଦ୍ୟର ତାଳେ ତାଳେ ଗ୍ରାମର ମାଁ ମାଉସୀଙ୍କୁ ନେଇ ଏକ ଭବ୍ୟ କଳସ ଯାତ୍ରା ୧୯.୦୪.୨୦୨୫ରେ ଅନୁଷ୍ଠିତ ହୋଇଥିଲା। ମୁଖ୍ୟ କର୍ତ୍ତା ଭାବରେ ଗ୍ରାମର ମିତ୍ରଭାନୁ ସିଂ ବରିହା ଓ ତାଙ୍କ ଧର୍ମପତ୍ନୀ ଉତ୍ତରା ବରିହା ଦାୟିତ୍ଵ ନିର୍ବାହ କରିଥିଲେ। ତାଙ୍କ ସମେତ ସହ ଯୋଗୀ ଭାବେ ୪୦ ଜଣ ଦମ୍ପତି ଏହି କର୍ତ୍ତା ଦାୟିତ୍ଵ ତୁଲାଇଥିଲେ। ଏହି ଅବସରରେ ମାନ୍ୟବର ସ୍ୱାସ୍ଥ୍ୟ ମନ୍ତ୍ରୀ ଓଡ଼ିଶା ସରକାର,ଶ୍ରୀଯୁକ୍ତ ମୁକେଶ ମହାଲିଙ୍ଗ, ମାନ୍ୟବର ବରଗଡ଼ ସାଂସଦ ଶ୍ରୀଯୁକ୍ତ ପ୍ରଦୀପ ପୁରୋହିତ, ପଦ୍ମପୁର ଏଡିଏମ ଅତିଥି ଭାବେ ଯୋଗଦାନ ପୂର୍ବକ ଶ୍ରୀଜଗନ୍ନାଥଙ୍କ ଆଶିଷ ଭିକ୍ଷା କାମନା କରିଥିଲେ। ଗ୍ରୀଷ୍ମ ଦିନରେ ରକ୍ତ ର ଅଭାବୀକୁ ନେଇ ଗ୍ରାମବାସୀଙ୍କ ପକ୍ଷରୁ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା। ଅନୁଷ୍ଠିତ ରକ୍ତଦାନ ଶିବିରରେ ସମୁଦାୟ ୪୩ ୟୁନିଟ ରକ୍ତ ସଂଗୃହୀତ ହୋଇ ରକ୍ତ ଭଣ୍ଡାର କୁ ପଠାଯାଇଥିଲା।ଶ୍ରୀ ଜଗନ୍ନାଥ ମହାପ୍ରଭୁ ମନ୍ଦିରକୁ ବିରାଜମାନ ସମୟରେ ଠାକୁରଙ୍କୁ ଛପନ ଭୋଗରେ ଆପ୍ୟାୟିତ କରା ଯାଇଥିଲା।ଦିର୍ଘ ୫ ଦିନ ବ୍ୟାପି ଆୟୋଜିତ ପ୍ରତିଷ୍ଠା ମହୋତ୍ସବରେ ଅଗଣିତ ଭକ୍ତ ମାନଙ୍କୁ ମାଗଣାରେ ଅନ୍ନଛତ୍ର ବ୍ୟବସ୍ଥା କରାଯାଇଥିଲା। ଦର୍ଶକଙ୍କ ମନୋରଞ୍ଜନ କାର୍ଯ୍ୟକ୍ରମ ସକାଶେ ମିନା ବଜାରର ଆୟୋଜନ ହୋଇଥିଲା।