21-Apr-2025

ବରୀ ଖରାଦିନେ ସମସ୍ତଙ୍କ ପାଇଁ ଛାଇଟିକେ ଆବଶ୍ୟକ । ବିଶେଷ କରି ଛକ ମାନଙ୍କରେ ବଡ଼ ବଡ଼ ଗଛ ଛାଇରେ ନେ ଲୋକମାନେ ଆଶ୍ରୟ ନେଇଥାନ୍ତି । ମାତ୍ର ଏଭଳି ଆଶ୍ରୟ ପ୍ରଦାନକାରୀ ଗଛକୁ କିଛି ଲୋକ ନିଜର ବ୍ୟକ୍ତିଗତ ବେପାର ବଢ଼ାଇବା ଆଶାରେ ବିଜ୍ଞାପନ ପୋଷ୍ଟର ମାରି ବଡ ବଡ କଣ୍ଟା ବ୍ୟବହାର କରିବା ଘଟଣାକୁ ପରିବେଶବିତ୍ ମାନେ ନାପସନ୍ଦ କରିଛନ୍ତି । ଏହିଭଳି ଏକ ବଡ ଗଛ ଅଜାଣ ଛକରେ ରହିଛି। ରତ୍ନଗିରି ଦିଗରୁ ବରୀ ବ୍ଲକ, ତହସିଲକୁ ଆସିବାକୁ ହେଲେ ସମସ୍ତଙ୍କୁ ଅଜାଣ ଛକ ଦେଇ ଆସିବାକୁ ପଡ଼ିଥାଏ। ଏହି ଛକରୁ ଡାହାଣ ପଟକୁ ଗମୁଁ-କୃଷ୍ଣନଗର ରହିଥ‌ିବା ବେଳେ ସିଧାରେ ଆଗକୁ ରହିଛି ବରୀ ବ୍ଲକ ଓ ପଛକୁ ରହିଛି ବୌଦ୍ଧପୀଠ ରତ୍ନଗିରି। ଏହି ଲେଇ ତିନି ଛକର ଠିକ୍ ମଝିରେ ରହିଛି ଏକ ବଡ ଅଶ୍ବତଥ୍ ଗଛ। ଏହାର ଛାଇରେ ଦୈନନ୍ଦିନ ଶହ ଶହ ବାଟୋଇ ଆଶ୍ବସ୍ଥି ଲାଭ କରୁଥିବା ବେଳେ ଗାଡି ମୋଟର ମଧ୍ୟ ଏହି ଛାଇରେ ରଖଥାନ୍ତି । ଛକ ଜାଗା ପାଇଁ ମଝିରେ 
ଏହି ଗଛଟିକୁ ବିଜ୍ଞାପନ ବ୍ୟାନର ଓ ପୋଷ୍ଟର ପାଇଁ ବ୍ୟବହାର କରାଯାଉଥିଲା  ମାତ୍ର ପବନରେ କପଡ଼ା ଉଡିଯିବା ବା ଅଠା ଲାଗିଥିବା ପୋଷ୍ଟର ଛିଡିଯିବା ଯିବା ଯୋଗୁଁ କିଛି ବ୍ୟକ୍ତି ନିଜର ବିଜ୍ଞାପନ ପାଇଁ ପ୍ଲାଷ୍ଟିକ୍ ଓ ଟିଣ ପ୍ଲେଟ୍‌କୁ ବଡ ବଡ କଣ୍ଟା ସାହାଯ୍ୟରେ ଗଛରେ ପିଟୁଥିବାର ଦେଖାଯାଇଛି। ଏହି ଘଟଣାକୁ ଛକରେ ଥିବା ସ୍ଥାୟୀ ଦୋକାନ ଗୁଡିକ ବିରୋଧ କରିଥିଲେ ମଧ୍ୟ ବିଜ୍ଞାପନ ଦାତାମାନେ ଏହାକୁ ଖାତିର ନକରି ବାରମ୍ବାର ଏପରି କରି ଚାଲିଛନ୍ତି । ଖରାଦିନେ ଗଛ ମୂଳେ ଟିକେ ପାଣି ଦେବ ଦୂରର କଥା ଢଳେଇ କଇ କଣ୍ଟା ବାଡେଇବା ଦ୍ବାରା ଗଛର ଯେଉଁ କ୍ଷତି ହେଉଛି ହୁଏତ ଆଗାମୀ ଦିନରେ  ଗଛଟି ସମ୍ପୂର୍ଣ୍ଣ ଭାବେ ହୋଇଯିବା ଭଳି ଆଶଙ୍କା ସୃଷ୍ଟି ହୋଇଛି। ଉପରେ କୌଣସି ସରକାରୀ ବିଭାଗର କର୍ତ୍ତୃତ୍ଵ ନଥିଲା ବେଳେ କେବଳ ବିଜ୍ଞାପନଦାତାମାନେ ଏହା ଉପରେ ସଚେତନ ହେବାକୁ ସାଧାରଣରେ ମତ ପ୍ରକାଶ ପାଇଛି।

(ରଞ୍ଜିତ ମହାନ୍ତିଙ୍କ ରିପୋର୍ଟ)