21-Apr-2025

ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ସ୍ଥିତ ଶ୍ରୀ ଜଗନ୍ନାଥ ମନ୍ଦିର ପ୍ରାଙ୍ଗଣରେ ସିନ୍ଧେକେଲା ବଣିକ ସଙ୍ଘର ନୂତନ କାର୍ଯ୍ୟକାରିଣୀ କମିଟି ଘୋଷଣା ସହ ଶପଥ ପାଠ ଓ ସମ୍ମାନ ସମାରୋହ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଗତ ବୈଠକରେ ସର୍ବସମ୍ମତି କ୍ରମେ ଷଷ୍ଠ ଥର ପାଇଁ ସଭାପତି ଚୟନ ହୋଇଥିବା ସୁବାଷ ଜୈନ ଙ୍କ ସଭାପତିତ୍ୱରେ ଆୟୋଜିତ ପ୍ରଥମ ପର୍ଯ୍ୟାୟ କାର୍ଯ୍ୟକ୍ରମରେ ସଙ୍ଘର ସକ୍ରିୟ ସଦସ୍ୟ ଅକ୍ଷୟ ସାହୁ ଉପସ୍ଥିତ ସମସ୍ତଙ୍କୁ ସ୍ୱାଗତ ଓ ଅଭିନନ୍ଦନ ଜଣାଇବା ସହ ନୂତନ କାର୍ଯ୍ୟକାରିଣୀ କମିଟି ଘୋଷଣା କରିବା ପାଇଁ ସଭାପତି ସୁବାଷ ଜୈନ ଙ୍କୁ ନିବେଦନ କରିଥିଲେ । ପରେ ସଭାପତି ଶ୍ରୀ ଜୈନ ତାଙ୍କ କାର୍ଯ୍ୟକାରିଣୀ କମିଟିରେ ଉପ ସଭାପତି ଭାବରେ ଅକ୍ଷୟ ସାହୁ ଓ ଗୋବିନ୍ଦ ସାହୁ , ସଂପାଦକ ଭାବରେ ସନ୍ତୋଷ ଜୈନ , ସହ ସଂପାଦକ ଭାବରେ ସୁବୋଧ ପାଢ଼ୀ ଓ ଅନିଲ ତ୍ରିପାଠୀ , କୋଷାଧ୍ୟକ୍ଷ ଭାବରେ କିରୋଡି ଜୈନ , ମିଡିଆ ସମ୍ପାଦକ ଭାବରେ ସାମ୍ବାଦିକ ଦିନେଶ ଜୈନ ଙ୍କ ନାମ ଘୋଷଣା କରିଥିଲେ । ସଭାପତି ସହ କାର୍ଯ୍ୟକାରିଣୀ କମିଟିର ସମସ୍ତ ସଦସ୍ୟଙ୍କୁ ସଙ୍ଘର ବରିଷ୍ଠ ସଦସ୍ୟ ତଥା ପୂର୍ବତନ କୋଷାଧ୍ୟକ୍ଷ ଛତ୍ରପାଳ ଜୈନ ସାମୁହିକ ଭାବେ ଶପଥ ପାଠ କରାଇଥିଲେ । ଦ୍ଵିତୀୟ ପର୍ଯ୍ୟାୟ କାର୍ଯ୍ୟକ୍ରମରେ ସମ୍ମାନ ସମାରୋହ ଅନୁଷ୍ଠିତ ହୋଇଥିଲା ସେଥିରେ ବିଗତ ୧୯୮୫ ରେ ସଙ୍ଘ ଗଠିତ ହୋଇଥିଲା ପ୍ରଥମ ସଭାପତି  ଗୋୖରୀଶଙ୍କର ଜୈନ , ପ୍ରଥମ ସମ୍ପାଦକ ସ୍ବର୍ଗତ ବିରଭଦ୍ର ବାମିଡ଼ି ଙ୍କ ପୁତ୍ର ରାମ ବାମିଡ଼ି , ଦ୍ୱିତୀୟ ସଭାପତି ସ୍ବର୍ଗତ ଅଭିନନ୍ଦନ ଜୈନ ତାଙ୍କ ପୁତ୍ର ତରୁଣ ଜୈନ , ସମସ୍ତ କାର୍ଯ୍ୟକାଳରେ ସଭାପତି ଚୟନରେ ନିର୍ବାଚନ ଅଧିକାରୀ ନିଯୁକ୍ତି ହୋଇ ଆସୁଥିବା ସଙ୍ଘର ବରିଷ୍ଠ ସଦସ୍ୟ ନରେଶ ଜୈନ,  ବରିଷ୍ଠ ସାମ୍ବାଦିକ  ଭାବରେ ଦିନେଶ ଜୈନ ପ୍ରମୁଖ ଙ୍କୁ ସଙ୍ଘ ପକ୍ଷରୁ ସ୍ମୃତିଚିହ୍ନ, ସମ୍ମାନିତ କରାଯାଇଥିଲା। ତତ୍ ସହିତ ବଣିକ ସଂଘର ସକ୍ରିୟ

ସଦସ୍ୟ (ଓୟୁଜେ) ଓଡ଼ିଶା ୟୁନିଅନ ଅଫ୍ ଜଣ୍ଣାଲିଷ୍ଟ ବଲାଙ୍ଗୀର ଜିଲ୍ଲା ଟ୍ରିବୁନାଲ ଅଧ୍ୟକ୍ଷ ସ୍ଥାନ ପ୍ରାପ୍ତ କରିଥିବା ଅନିଲ କୁମାର ତ୍ରିପାଠୀ ଙ୍କୁ ମଧ୍ୟ ସ୍ମୃତି ଚିହ୍ନ ପୁଷ୍ପଗୁଚ୍ଛ ପ୍ରଦାନ ସହ ଗାମୁଛା ଓଢ଼ାଇ ସମ୍ବର୍ଦ୍ଧନା ଦିଆଯାଇଥିଲା । କାର୍ଯ୍ୟକାରିଣୀ କମିଟିର ସମସ୍ତଙ୍କୁ ମାଲ୍ୟାର୍ପଣ କରି ସମ୍ମାନିତ କରାଯାଇଥିଲା । ନୂତନ ଉପ ସଭାପତି ଅକ୍ଷୟ ସାହୁ କାର୍ଯ୍ୟକ୍ରମ ସଞ୍ଚାଳନ ଓ ଧନ୍ୟବାଦ ଜ୍ଞାପନ କରିଥିଲେ । ଉକ୍ତ କାର୍ଯ୍ୟକ୍ରମରେ ସଙ୍ଘର ପ୍ରାୟ ସମସ୍ତ ସଦସ୍ୟ ସାମିଲ ହୋଇଥିଲେ ।