17-Apr-2025

ସମ୍ବଲପୁର/ଧମା(ପ୍ରେରଣା ଖବର): ଗୁରୁବାର ଦିନ ମା ଝଡେଶ୍ଵରୀ ଡିଗ୍ରୀ ମହାବିଦ୍ୟାଳୟରେ ଇତିହାସ ବିଭାଗ ତରଫରୁ ଶେଷ ବର୍ଷର ଛାତ୍ରଛାତ୍ରୀ ମାନଙ୍କ ବିଦାୟକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଏହି ସଭାରେ ଅଧ୍ୟକ୍ଷ ଅନିଲ ପ୍ରଧାନ ସଭାପତିତ୍ବ କରିଥିବା ବେଳେ ଯୁକ୍ତ ୨ ଅଧ୍ୟକ୍ଷ ଅଶୋକ ପୁରୋହିତ ମୁଖ୍ୟ ଅତିଥି ଭାବେ ଯୋଗଦାନ କରି ଛାତ୍ର ଛାତ୍ରୀଙ୍କ ଭବିଷ୍ୟତ ଉଜ୍ଜଳ କାମନା କରିଥିଲେ । ସମ୍ମାନତି ଅତିଥି ଭାବେ ଅଧ୍ୟାପକ ରବୀନ୍ଦ୍ର ନାଥ ଠାକୁର

ଯୋଗଦାନ କରି ଛାତ୍ର ଜୀବନର ମହତ୍ତ୍ଵ ଓ ଲକ୍ଷ ବୁଝାଇଥିଲେ । ଅଧ୍ୟାପକ ସଂସାର ପଧାନଙ୍କ ତତ୍ତ୍ଵାବଧାନରେ ଅନୁଷ୍ଠିତ ଏହି ସଭାକୁ ଅଧ୍ୟାପିକା ଅମ୍ରିତା ପଟ୍ଟନାୟକ ସଂଯୋଜନା କରିଥିଲେ । ଛାତ୍ରୀ ମାନେ ପ୍ରାରମ୍ଭିକ ସଙ୍ଗୀତ ଗାନ କରିଥିଲେ । ଅଧ୍ୟାପକ ପ୍ରମୋଦ ଦେହେରି, ସଂଜୟ ସାହୁ, ଗ୍ରନ୍ଥାଗରିକ ଲମ୍ବୋଦର ପାଢ଼ୀ, ଅଧ୍ୟାପିକା ସୁଦୀପ୍ତା ଦାସ, ତନ୍ମୟା ବେହେରା, ସୁଶ୍ରୀ ପାଢ଼ୀ,ସୁନୀତା ସେଠ୍, ମନୀଷା ବେହେରା ବିଦାୟୀ ବାକ୍ତବ୍ୟ ପ୍ରଦାନ ପୂର୍ବକ ଉଦବୋଧନ ଦେଇଥିଲେ । ଛାତ୍ର ଭରତ ଡିଲା ବିଦାୟୀ ସଙ୍ଗୀତ ଗାନ କରିଥିଲେ । କାର୍ଯ୍ୟକ୍ରମ ପରିଚାଳନା ରେ ଏକଦଶିଆ ଦଲେଇ, ଦିଲୀପ ଗୁରୁ, ଚିନ୍ମୟ ପାଣିଗ୍ରାହୀ, ରତନ ଲୁହୂରା କର୍ମଚାରୀବୃନ୍ଦ ସହଯୋଗ କରିଥିଲେ । ଶେଷରେ ଛାତ୍ର ଛାତ୍ରୀଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।