13-Apr-2025

ଅମ୍ବାଭୋନା (ପ୍ରକାଶ ଚନ୍ଦ୍ର ରଥ)ବରଗଡ ଜିଲ୍ଲା ଅମ୍ବାଭୋନା ବ୍ଲକ ର ପୂର୍ବତନ ଅଧ୍ୟକ୍ଷ ସ୍ବର୍ଗତ ଫକୀର ମୋହନ ପଟେଲ ଙ୍କ ଆଜି ଶ୍ରାଦ୍ଧ ଦିବସ। ଏହି ଅବସରରେ  ବରିଷ୍ଠ ଆଇନଜୀବୀ ତଥା ଭାରତୀୟ ଜନତା ପାର୍ଟି ର ନାସନାଲ କାଉନସିଲ ମେମ୍ବର ସୌରିଚରଣ ବାରିକ,ଜଣା ଶୁଣା ଡାକ୍ତର ସୁନୀଲ ଆଚାର୍ଯ୍ୟ,ବିଶିଷ୍ଟ ସମାଜ ସେବୀ ସମ୍ବିତ ଆଚାର୍ଯ୍ୟ,ଗୌରହରୀ ମିଶ୍ର, ବରଗଡ଼ ଜିଲ୍ଲା ବିଜୁ ଜୁବାଦଳ ସଭାପତି ପ୍ରଦ୍ୟୁମ୍ନ ତ୍ରିପାଠୀ, ଭଟଲି ବ୍ଲକ ଚେୟାରମ୍ୟାନ ନିତ୍ୟାନନ୍ଦ ପ୍ରଧାନ, ଛତିଶଗଡ଼ ବରମକେଲା ବ୍ଲକ କଂଗ୍ରେସ ସଭାପତି ତାରାଚନ୍ଦ ପଟେଲ, ଝାରସୁଗୁଡା ଜିଲ୍ଲାର ଡିପିଏମ ଡ. ପୁଷ୍ପଶ୍ରୀ ନାୟକ, ଅମ୍ବାଭୋନା ବ୍ଲକ ବିଜେଡ଼ି ପ୍ରେସିଡେଣ୍ଟ ରଘୁ ନାୟକ, ଭଟଲି ବ୍ଲକ ବିଜେପି ମଣ୍ଡଳ ଦ୍ବୟ ର ବିଜେପି ପ୍ରେସିଡେଣ୍ଟ ଗୋପାଳ ନାଏକ ଏବଂ ଗୋଲ୍ଦି ପ୍ରଧାନ, ଅମ୍ବାଭୋନା ବ୍ଲକ ର ପୂର୍ବତନ ଚେୟାରମ୍ୟାନ ଦ୍ବୟ ପରମେଶ୍ୱର ବେହେରା ଓ ଚିନ୍ତାମଣି ପଟେଲ ଏବଂ ଅନ୍ୟାନ୍ୟ ବିଶିଷ୍ଟ ଭଦ୍ରବ୍ୟକ୍ତି/ମହିଳା ଯୋଗ ଦେଇଥିଲେ। ସ୍ବର୍ଗତ ପଟେଲ ତାଙ୍କର ଚାରି ଦଶନ୍ଧି ର ରାଜନୀତିକ ଜୀବନରେ ଅନେକ ନିର୍ବାଚନରେ ପ୍ରତିଦ୍ବନ୍ଦିତା କରି  ଅପରାଜିତ ଥିଲେ। ୬୭ ବର୍ଷ ବୟସରେ ତାଙ୍କର ପରଲୋକ ହୋଇଯାଇଛି। ସେ ତାଙ୍କର ରାଜନୈତିକ ଜୀବନ ରେ ଭୈନାତୋରା ପଞ୍ଚାୟତ ରେ ସମିତି ସଭ୍ୟ ଭାବେ ନିର୍ବାଚିତ ହୋଇ ଅମ୍ବାଭୋନା ପଞ୍ଚାୟତ ସମିତି  ଅଧ୍ୟକ୍ଷ ଭାବେ ମନୋନୀତ ହୋଇଥିଲେ। ଆହୁରି ମଧ୍ୟ ଭୁକ୍ତା ଗ୍ରାମପଞ୍ଚାୟତ ର ସରପଞ୍ଚ ଭାବେ ନିର୍ବାଚିତ ହୋଇ ବହୁ ଉନ୍ନୟନ ମୂଳକ କାମ କରି ପ୍ରଶଂସା ସାଉଁଟି ଥିଲେ।ସେ ତାଙ୍କ ଉଦ୍ୟମ ରେ ୧୯୯୭ ମସିହାରେ ଅମ୍ବାଭୋନା ବ୍ଲକର ଏକମାତ୍ର ବାଳିକା ବିଦ୍ୟାଳୟ 'ଭୁକ୍ତା ପଞ୍ଚାୟତ ବାଳିକା ଉଚ୍ଚ ବିଦ୍ୟାଳୟ" ର ଶୁଭାରମ୍ଭ କରିଥିଲେ। ସେବାପାରାୟଣ ଶ୍ରୀମାନ ପଟେଲ ତାଙ୍କର ଜୀବନ କାଳରେ ଅନେକ ମନ୍ଦୀର, ସେବାଶ୍ରମ, ଗରିବ ଶ୍ରେଣୀ ର ଏବଂ ବୃଦ୍ଧ ବୃଦ୍ଧା ତଥା ଛାତ୍ରଛାତ୍ରୀ ଙ୍କୁ ସାହାଯ୍ୟ କରୁଥିଲେ।  ନିକଟ ଅତୀତରେ ଭଟଲି ଓ ଅମ୍ବାଭୋନା ବ୍ଲକ ର ମିଳନସ୍ଥଳୀ ମା ଘଣ୍ଟେଶ୍ୱରୀ ଙ୍କ ପୀଠ ରେ ମା ସମଲେଶ୍ୱରୀ ଙ୍କ ମନ୍ଦୀର ନିର୍ମାଣ କରି ଭକ୍ତଙ୍କ ମହଳରେ ଆନନ୍ଦର ଲହରୀ ଖେଳାଇଥିଲେ । ଶ୍ରୀମାନ ଫକୀର ମୋହନ ପଟେଲ ଙ୍କ ସ୍ବର୍ଗବାସ କେବଳ ପରିବାର ପାଇଁ ନୁହେଁ ବରଂ ସମସ୍ତ ମାନବ ସମାଜ ପାଇଁ ଏକ ଅପୂରଣୀୟ କ୍ଷତି |