13-Apr-2025

ବଲାଙ୍ଗୀର: ଗତ ଏପ୍ରିଲ ୬ ତାରିଖ  ଦିନ ବିଜେପିର ପ୍ରତିଷ୍ଠା ଦିବସ ଅବସରରେ ବିଜେପି ପକ୍ଷରୁ ସପ୍ତାହ ବ୍ୟାପୀ ବିଭିନ୍ନ ସମାଜିକ କାମ ହାତକୁ ନିଆଯିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି l ଏହି କ୍ରମରେ ଆସନ୍ତାକାଲି ସମ୍ବିଧାନ ପ୍ରଣେତା ଡ.ବାବା ସାହେବ ଆମ୍ବେଦକରଙ୍କ ଜନ୍ମ ଦିନ ପାଳନ ଉପଲକ୍ଷେ ଆଜି ଭାରତୀୟ ଜନତା ପାର୍ଟି, ବଲାଙ୍ଗୀର ଶାଖା ପକ୍ଷରୁ ଏକ ସ୍ଵତନ୍ତ୍ର କାର୍ଯ୍ୟକ୍ରମ ହାତକୁ ନିଆ ଯାଇଛି l ବରିଷ୍ଠ ବିଜେପି ନେତା ତଥା ବଲାଙ୍ଗୀର ବିଜେପି ବିଧାୟକ ପ୍ରାର୍ଥୀ ଗୋପାଳଜୀ

ପାଣିଗ୍ରାହୀଙ୍କ ନେତୃତ୍ଵରେ ଆଜି ବିଜେପି କର୍ମୀ ମାନେ ସ୍ଥାନୀୟ କଚେରୀ ଛକ ସ୍ଥିତ ବି. ଆର୍. ଆମ୍ବେଦକରଙ୍କ ପ୍ରତିମୂର୍ତ୍ତିକୁ ପାଣିରେ ଧୋଇ ସଫାସୁତୁରା କରିବା ସହ ପ୍ରତିମୂର୍ତ୍ତି ର ଆଖପାଖ ଆବର୍ଜନା ସ୍ଥାନର ସଫେଇ କରିଥିଲେ l ଏଥିସହ ନରସିଂହ ମନ୍ଦିରର ଚତୁଃପାର୍ଶ୍ଵରେ ତଥା ଅଳିଆ ଆବର୍ଜନା ସ୍ଥାନ ସବୁକୁ ଝାଡୁ ମାରି ସଫା କରି ଥିଲେ l ଏଥିରେ ବିଜେପି କର୍ମୀଙ୍କ ସମେତେ ବହୁ ସଚେତନ ନାଗରିକ ମଧ୍ଯ ସହଯୋଗ କରିଥିଲେ l ସହର୍ କୁ ସବୁଜ ସୁନ୍ଦର କରିବା ସହ ପରିଷ୍କାର

ପରିଚ୍ଛନ୍ନ ରଖିବା ସମସ୍ତଙ୍କ ଦାୟିତ୍ଵ ବୋଲି ବିଜେପି ନେତା ଗୋପାଳଜୀ ପାଣିଗ୍ରାହୀ ଲୋକଙ୍କୁ ବୁଝାଇଥିଲେ l ବିଜେପିର ଏହି ସଫେଇ ଅଭିଯାନରେ ଅନ୍ୟ ମାନଙ୍କ ମଧ୍ୟରେ ବିଜେପିର ଦିନେଶ ଶର୍ମା, ଶିବଦତ୍ତ ମିଶ୍ର, ପିତାମ୍ବର ଖମାରି,ବନଶ୍ରୀ ଆଚାର୍ଯ୍ୟ, ଅନିତା ମିଶ୍ର, ଆମର୍ଜିତ ପଟେଲ, ଚିତ୍ରସେନ ବେହରା, ହରିଶଙ୍କର ଛତ୍ରିଆ, ପାର୍ଥ କରଣ, ଲଳିତ ଶର୍ମା, ଗାୟତ୍ରୀ ଦାଶ, ଅର୍ଚନା ପାତ୍ର, ସତ୍ୟବତୀ ଗୁରୁ, ସୁଦ୍ଧା ସ୍ୱାଇଁ, ବର୍ଷା ପୁରୁହିତ,କଳ୍ପନା ଚୌହାନ ପ୍ରମୁଖ ସାମିଲ ହୋଇଥିଲେ l