12-Apr-2025

ବଲାଙ୍ଗୀର, ତା.୧୨/୦୪ (ପ୍ରେରଣା ଖବର ) :  ବଲାଙ୍ଗୀର ଜିଲ୍ଲା  ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ  ପିଏମ୍ ଶ୍ରୀ ପଲ୍ଲିଶ୍ରୀ ନୋଡାଲ ଉଚ୍ଚ ବିଦ୍ୟାଳୟ, ସିନ୍ଧେକେଲା ତରଫରୁ  ପ୍ରାଥମିକ ଚିକିତ୍ସା ତାଲିମ ଶିବିର ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ଶ୍ ଲୋକନାଥ ମେହେର କାର୍ଯ୍ୟକ୍ରରେ  ସଭାପତିତ୍ବ କରିଥିଲେ। କାର୍ଯ୍ୟକ୍ରମରେ  ଫାଷ୍ଟ ଏଡ଼ର ରାମ ନାରାୟଣ ଦାଶ,  ପ୍ରଭାକର ଛନ୍ଦ , ଅରବିନ୍ଦ କୁମ୍ଭାର ସାଧନ କର୍ମୀ ଭାବେ ଯୋଗଦେଇ ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟିତ୍ରୀ ମାନଙ୍କୁ ତାଲିମ ପ୍ରଦାନ କରିଥିଲେ। ହଠାତ୍ ମୂର୍ଚ୍ଛା ହେବା, ସାପ କାମୁଡା,ଏବଂ ନିଆଁରୁ ରକ୍ଷା ପାଇବା ପାଇଁ ପ୍ରତିରକ୍ଷାତ୍ମକ ବ୍ୟବସ୍ଥା ତଥା ହାଡ଼ ଭଙ୍ଗା,ମୁଣ୍ଡ ଫଟା,ରକ୍ତସ୍ରାବର ତତ୍କାଳ ଚିକିତ୍ସା ଓ ବ୍ୟବସ୍ଥା ସମ୍ପର୍କରେ ଡେମଷ୍ଟେସନ ମାଧ୍ୟମରେ ଜୀବନ କୌଶଳ ଶିକ୍ଷା ପ୍ରଦାନ କରିଥିଲେ । କାର୍ଯ୍ୟକ୍ରମକୁ ଶିକ୍ଷକ ହିମାଂଶୁ ଭୂଷଣ ସେନାପତି  ସଂଯୋଜନା କରିଥିଲେ।ଶିକ୍ଷକ ଶୁଭ୍ରଜିତ ମିଶ୍ର ,ପ୍ରବାସ କୁମାର ସାହୁ,ହେରାମ ମେହେର, ରଂଜିତ ବଗର୍ତ୍ତୀ, ପରୀକ୍ଷିତ ସୁନା, ଚନ୍ଦନ ମହନ୍ତ, ବିଶ୍ୱଜିତ ରଣା,ଶିକ୍ଷୟତ୍ରୀ ନଳିନୀ ପ୍ରଭା ତଣ୍ଡିଆ, ଡୋଲେଶ୍ୱରୀ ଷଡ଼ଙ୍ଗୀ , ଅସ୍ମିତା ନାୟକ ସମେତ ସମସ୍ତ କର୍ମଚାରୀ ଓ ଛାତ୍ରଛାତ୍ରୀମାନେ ଉକ୍ତ କାର୍ଯ୍ୟକ୍ରମରେ ପୂର୍ଣ୍ଣ ସହଯୋଗ କରିଥିଲେ । ପରିଶେଷରେ  ବିଦ୍ୟାଳୟର ଜୁନିଅର ରେଡକ୍ରସ୍ ପରାମର୍ଶଦାତା ତପନ କୁମାର ଦାଶ ଧନ୍ୟବାଦ ଅର୍ପଣ କରିଥିଲେ।