12-Apr-2025

ପାଟଣାଗଡ଼(ପୂର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ସହର ର ପ୍ରସିଦ୍ଧ ୧୯ ତମ ମାଁ ତାରିଣୀଙ୍କ ମେଳା ଆଜି ଅନ୍ତିମ ଦିବସରେ ପହଞ୍ଚି ସାରିଛି। ସୂଚନା ଯୋଗ୍ୟ ଯେ ୬.୪.୨୫ ରବିବାର ଦିନ କଳସ ଯାତ୍ରା ହୋଇଥିବା ବେଳେ ଗାଁ ର ହଜାର ମହିଳା କଳସ ଧରି ଲାନ୍ଥ ନଦୀ ଠାରୁ ପାଣି ଆଣି ମାଁ ତାରିଣୀଙ୍କ ମନ୍ଦିରରେ ସ୍ଥାପନା କରିଛନ୍ତି। ସୋମବାର ଦିନ ମହିଳା ଦଣ୍ଡ ନୃତ୍ୟ ଓ ମଙ୍ଗଳବାର ଦିନ ମହିଳା ଦଣ୍ଡ ନୃତ୍ୟ ପରିବେଷିତ ହୋଇଥିବା ରୁ ଦର୍ଶକ ଙ୍କ ସ୍ବଳ୍ପ ଭିଡ଼ ହୋଇଥିଲା। ବୁଧବାର ଦିନ ନୃତ୍ୟ ପ୍ରତିଯୋଗିତା ଓ ଗୁରୁବାର ଦିନ ଆଶିଷ କୁମ୍ଭାର ଅର୍କେଷ୍ଟ୍ରା ଏବଂ ଶୁକ୍ରବାର ଦିନ ସାନ କୁମ୍ଭାର ଙ୍କ ଅର୍କେଷ୍ଟ୍ରା ପାଇଁ ଭିଡ଼ ଜମିରହିଥିଲା। ଆଜି ଅନ୍ତିମ ଦିବସରେ ରୁକୁ ସୁନା ଙ୍କ ଅର୍କେଷ୍ଟ୍ରା ଥିବା ଯୋଗୁଁ ପ୍ରବଳ ଭିଡ଼ ଜମି ରହିଛି। ଆଜି ଅନ୍ତିମ ଦିବସରେ ପୂର୍ବତନ ବିଧାୟକ ତଥା ପାଟଣାଗଡ଼ର ଚାଷୀ ପୁଅ ସରୋଜ କୁମାର ମେହେର ଯୋଗଦାନ କରି ମାଁ ଙ୍କ ଆଶିର୍ବାଦ ଗ୍ରହଣ କରିଥିଲେ। ତାଙ୍କ ସାଙ୍ଗରେ ପୂର୍ବତନ ବିଧାୟକଙ୍କ ପ୍ରତିନିଧି କୁମୁଦ ମହାଖୁଡ, ଜିଲ୍ଲା ପରିଷଦ ସଭ୍ୟ ଜୟ ଧରୁଆ,ପ୍ରଶ୍ନ ପାଳ, ମୁନା ମେହେର ଯୋଗଦାନ କରି ଥିଲେ। କମିଟିର ସଭାପତି ଜନାର୍ଦ୍ଦନ ସିଂ, ସମ୍ପାଦକ ପ୍ରଦୀପ କୁମାର ବୁଡେକ, ଉପସଭାପତି ବିଶ୍ବ ବୁଡେକ ଏବଂ କମିଟି ସଦସ୍ୟମାନେ ଉପସ୍ଥିତ ରହି ପୂର୍ବତନ ବିଧାୟକ ସରୋଜ ମେହେରଙ୍କୁ ସ୍ବାଗତ ଜଣାଇଥିଲେ। ପାଟଣାଗଡ଼ ଅଞ୍ଚଳର ଜନତା ଙ୍କ ସହିତ ପୂର୍ବରୁ ଯେପରି ନିଜ ସୁସମ୍ପର୍କ ରହିଥିଲା ଆଜି ମଧ୍ୟ ଅପରାଜିତ ହୋଇ ସେହି ସୁସମ୍ପର୍କ ବଜାୟ ରଖିବେ ବୋଲି ପୂର୍ବତନ ବିଧାୟକ ସରୋଜ କୁମାର ମେହେର କହି ଥିଲେ। ତାଙ୍କ ଏପରି ମନୋଭାବକୁ ଅଞ୍ଚଳବାସୀ ପ୍ରଶଂସା କରୁଛନ୍ତି।