12-Apr-2025

ସିନାପାଲି (ଚିନ୍ତାମଣି  ନେତାମ )
ନୂଆପଡ଼ା ଜିଲ୍ଲା ସିନାପାଲି ବ୍ଲକ ସରକାରୀ  ଉଚ୍ଚ ପ୍ରାଥମିକ ବିଦ୍ୟାଳୟ ମାଳପଡା ୨୦୨୪/୨୫ର ଶିକ୍ଷାବର୍ଷ ପାଇଁ "ବାର୍ଷିକ ଉତ୍ସବ ଓ ଆମ ସଂସ୍କୃତି ଆମ ଖେଳଣା" ସ୍କୁଲ୍ ପରିସରରେ ଅନୁଷ୍ଠିତ ହୋଇଯାଇଛି l ଏଥିରେ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ  ଲକ୍ଷ୍ମୀକାନ୍ତି ମହାନନ୍ଦଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ
 ମୁଖ୍ୟ ଅତିଥି ଭାବରେ ଗୋର୍ଲା ସରପଞ୍ଚ ଶ୍ରୀମତୀ  ଦମୟନ୍ତୀ ଦଣ୍ଡସେନା , ମୁଖ୍ୟବକ୍ତା ଭାବରେ ମହଗାଁ ସରକାରୀ  ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ  ଶ୍ରୀଯୁକ୍ତ  ଭରତ ଚନ୍ଦ୍ର ବାଗ,  ସମ୍ମାନିତ  ଅତିଥିଭାବେ  ପତିଆଳପଡା ସି.ଆର. ସି. ସି.  ଶ୍ରୀଯୁକ୍ତ  ଦେବାନନ୍ଦ  ବାଗ, ସିନାପାଲି ବ୍ଲକ ସାମ୍ବାଦିକ ପ୍ରତିନିଧି  ଶ୍ରୀଯୁକ୍ତ ଚିନ୍ତାମଣି ନେତାମ,ସମାଜ ସେବୀ  ଶ୍ରୀଯୁକ୍ତ ଉଜ୍ଜଳ ହଂସ, ଦୁର୍ବଳ ଜଗତ,ବିଦ୍ୟାଳୟ ପରିଚାଳନା କମିଟିର ସଭାପତି ଶ୍ରୀଯୁକ୍ତ ଦୁଲ୍ଲଭ ସୁନାନୀ ମଞ୍ଚାସିନ ଥିଲେ  l  ପ୍ରାରମ୍ଭରେ  ସହ ଶିକ୍ଷକ ଶ୍ୟାମଲାଲ ବାଗ ସମସ୍ତଙ୍କୁ  ସ୍ୱାଗତ କରିବାସହ  ପରିଚୟ ପ୍ରଦାନ କରିଥିଲେ  l  ଛାତ୍ରଛାତ୍ରୀ ଓ ସହକାରୀ ଶିକ୍ଷୟିତ୍ରୀଗଣ  ଅତିଥି ମାନଙ୍କୁ  ଫୁଲ ଚନ୍ଦନ ଓ  ଓପଢୌକନ  ଦେଇ  ସମ୍ମର୍ଦ୍ଧିତ  କରିଥିଲେ  l ପରେ ଅତିଥିଗଣ ଦ୍ୱାରା  ଦେବ ପୂଜନ ହେଲାପରେ ସଭାକାର୍ଯ୍ୟ ଆରମ୍ଭ କରାଯାଇଥିଲା  l  ଅତିଥିଗଣ  ଉଭୟ "ବାର୍ଷିକ ଉତ୍ସବ ଓ  ମୋ ସଂସ୍କୃତି  ମୋ ଖେଳଣା"ଉତ୍ସବ ଛାତ୍ରଛାତ୍ରୀଙ୍କୁ  ପାଠ୍ୟ  ସହପାଠ୍ୟ ତଥା ଅନ୍ତର୍ନିହିତ କଳା ସାହିତ୍ୟ ପରିପ୍ରକାଶ ସାଙ୍ଗକୁ ଛାତ୍ରଛାତ୍ରୀଙ୍କ  ସର୍ବାଙ୍ଗୀନ ବିକାଶର  ମୂଲ୍ୟାଙ୍କନରେ ସହାୟକ ହେବା ସହିତ ଛାତ୍ରଛାତ୍ରୀଙ୍କ  ଭିତରେ ପ୍ରତିଯୋଗିତା  ମନୋଭାବ  ବୃଦ୍ଧି କରିବ ବୋଲି   ମତ ପ୍ରକାଶ  କରିଥିଲେ  l ଉତ୍ସବରେ ବିଦ୍ୟାଳୟର  ଅଭିଭାବକ /ଅଭିଭାବିକା  ଉପସ୍ଥିତ ରହି  ସଂସ୍କୃତି କାର୍ଯ୍ୟକ୍ରମକୁ ମନଭରି ଉପଭୋଗ କରିଥିଲେ  l
 ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ  ଲକ୍ଷ୍ମୀ କାନ୍ତି  ମହାନନ୍ଦ   ବାର୍ଷିକ ବିବରଣୀ ପଠନ  କରିଥିବା ବେଳେ  ଶିକ୍ଷକ ଶ୍ୟାମଲାଲ ବାଗ  ମଞ୍ଚ ପରିଚାଳନା କରିଥିଲେ  l
ଛାତ୍ରଛାତ୍ରୀ ମାନେ ସାଂସ୍କୃତିକ କାର୍ଯ୍ୟକ୍ରମରେ ଭାଗ ନେଇ ନୃତ୍ୟ ପରିବେଷଣ କରିଥିଲେ l ପରେ ପୁରସ୍କାର ବିତରଣ ଉତ୍ସବରେ କୃତି ଛାତ୍ର, ଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା l    ବିଦ୍ୟାଳୟ ପରିଚାଳନା କମିଟିର ସଦସ୍ୟ ସହଯୋଗ କରିଥିଲେ l ଶେଷରେ ଶିକ୍ଷକ ତାନୁ ହଂସ ଧନ୍ୟବାଦ ଅର୍ପଣ  କରିଥିଲେ  l