12-Apr-2025

ବରଗଡ଼/ଅମ୍ବାଭୋନା(ପ୍ରେରଣା ଖବର): ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ରୁଚିଦା କେନ୍ଦୁପଡ଼ିଆ ନିକଟରେ  ଏକ ବାଇକ୍(ସି ଜି  ୧୩ ଏ ଏକ୍ସ  ୦୩୭୪) ର୍ଘଟଣାଗ୍ରସ୍ତ ହୋଇଛି l ଆଜି ଦିନ ୧୨ ଟା ସମୟରେ ବାଇକ ଆରୋହୀ ଯୁବକ ଶଙ୍କର ବର୍ମା (୨୫) କୌଣସି କାମ ସକାଶେ ଭୁକ୍ତା କୁ ଆସିଥିଲେ। ଯୁବକ ଜଣକ ନିଜର ବାସସ୍ଥାନ ରାଜସ୍ଥାନ ଓ ସେ ଛତିଶଗଡ଼ ରାଜ୍ୟ ସରିୟାରେ ମିସ୍ତ୍ରୀ କାମ କରନ୍ତି ବୋଲି ଜଣାଇଛନ୍ତି। ଭୁକ୍ତା ରୁ ସରିୟା ଅଭିମୁଖେ ବାଇକ ରେ ଯାଉଥିବା ବେଳେ ବୁଲାଣି ରାସ୍ତାରେ ତାଙ୍କର ପଲସର ବାଇକରୁ ଭାରସାମ୍ୟ ହରାଇ ପଡିଯାଇଥିଲେ।ସେହି ସମୟରେ ଅମ୍ବାଭୋନା ପ୍ରଖଣ୍ଡ ରୁଚିଦା ଗ୍ରାମର ବଜରଙ୍ଗ ଦଳ ର ସଂଯୋଜକ ଡମ୍ବରୁ ମେହେର ଓ ତାଙ୍କର ସାଥୀ ସହ ସଂଯୋଜକ ଦୁଷ୍ମନ୍ତ ମେହେର ଓ ସୁରଖ୍ୟ ପ୍ରମୁଖ ଟିକେଶ ମେହେର ସେହି ରାସ୍ତା ଦେଇ ଯାଉଥିବା ବେଳେ ଜଣେ ବାଇକ ଆରୋହୀ ରକ୍ତାକ୍ତ ଅବସ୍ଥାରେ ପଡିଥିବାର ଦେଖିଥିଲେ। ସଙ୍ଗେ ସଙ୍ଗେ ଉକ୍ତ ଆହତ ଯୁବକ ଙ୍କୁ ନିକଟସ୍ଥ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଭୁକ୍ତା କୁ ଚିକତ୍ସା କରିବା ପାଇଁ ନିଜ ବାଇକ ରେ ନେଇଥିଲେ।କିନ୍ତୁ ମୁଣ୍ଡ ଫାଟି ରକ୍ତ ସ୍ରାବ ହେଉଥିବାରୁ। ତାଙ୍କୁ ଆମ୍ବୁଲାନ୍ସ ଯୋଗେ ବରଗଡ ମୁଖ୍ୟ ଚିକିତ୍ସାଳୟ ଖେଦାପାଲିକୁ ପଠାଇଥିଲେ।ତାଙ୍କର ସମ୍ପର୍କୀୟ ଙ୍କୁ ଯୋଗାଯୋଗ କରି ସୁବ୍ୟବସ୍ଥା କରାଇଥିଲେ।