12-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ ଜିଲ୍ଲା ବିଜେପୁର  ସହର ସ୍ଥିତ ଆନନ୍ଦ ନଗର ଠାରେ ବହୁ ପ୍ରଚେଷ୍ଟାରେ ମାଁ ତାରିଣୀ ମନ୍ଦିର ନିର୍ମାଣଧିନ ଥିବା ବେଳେ, ମାଁ ତାରିଣୀ ପୀଠରେ ଚୈତ୍ର ପର୍ବ ମହାସମାରୋହରେ ପାଳିତ ହୋଇଯାଇଛି। ଏହି ଅବସରରେ ତା ୧୦.୦୪.୨୦୨୫ରିଖ ଗୁରୁବାର ସନ୍ଧ୍ୟା ୫ ଘଟିକା ସମୟରେ ସ୍ଥାନୀୟ ଦାମୋଦର କଁଟା ଠାରୁ ମାଁ ମାଉସୀଙ୍କୁ ନେଇ ଅନୁଷ୍ଠିତ କଳସ ଯାତ୍ରା ଅନୁଷ୍ଠିତ ହୋଇ ପୂର୍ଣ୍ଣ ଜଳ କଳସ ଅଣାଯାଇ ପୂଜା ମଣ୍ଡପରେ ସ୍ଥାପନ କରାଯାଇଥିଲା।ତା ୧୧.୦୪.୨୦୨୫ ରିଖ ଶୁକ୍ରବାର ସକାଳ ୭ ଘଟିକା ସମୟରେ ପୂଜାରମ୍ଭ, ମାଁଙ୍କ ଉପଚାର ପୂଜା, ଚଣ୍ଡି ପାଠ,ଆଳତୀ, ପୁଷ୍ପାଞ୍ଜଳୀ ରିତୀକାନ୍ତି ଅନୁଯାୟୀ ସମ୍ପର୍ଣ୍ଣ ହୋଇଥିଲା।ତା ୧୨.୦୪.୨୦୨୫ ଶନିବାର ଚୈତ୍ର ପୂର୍ଣ୍ଣିମା ଦିବସରେ ବିଧିପୂଜା,ଚଣ୍ଡି ହୋମ ଏବଂ ଅପରାହ୍ନ ୫ ଘଟିକା ସମୟରେ ପୂର୍ଣ୍ଣାହୂତି କାର୍ଯ୍ୟକ୍ରମ ସମ୍ପର୍ଣ୍ଣ ହୋଇଥିଲା। ପୁସ୍ତକାଚାର୍ଯ୍ୟ ପଣ୍ଡିତ ମଣ୍ଟୁ ସାବତ ପୂଜାର୍ଚ୍ଚନା କରିଥିବାବେଳେ,ଚଣ୍ଡି ପାଠକ ଭାବରେ ରଞ୍ଜନ ମହାପାତ୍ରଦାୟିତ୍ଵ ନିର୍ବାହ କରିଥିଲେ। ପଣ୍ତିତ ବିକାଶ ମିଶ୍ର ଏବଂ ସୈାରଭ ପାଣିଗ୍ରାହୀ ପୂଜା କର୍ମରେ ସହଯୋଗ କରିଥିଲେ। ହୋମଯଜ୍ଞ ରେ କୃଷ୍ଣଚନ୍ଦ୍ର ସେନାପତି ଏବଂ ତାଙ୍କ ସହଧର୍ମିଣୀ ସୈାଦାମିନୀ ସେନାପତି, ଯୁଧିଷ୍ଠିର ରଣା ଏବଂ ତାଙ୍କ ସହଧର୍ମିଣୀ ମଞ୍ଜୁଲତା ରଣା, ଚିତ୍ତରଞ୍ଜନ ମହାପାତ୍ର ଧର୍ମପତ୍ନୀ ମିନାକ୍ଷୀ ମହାପାତ୍ର, ନରେନ୍ଦ୍ର ମେହେର ଧର୍ମପତ୍ନୀ ସଙ୍ଗିତା ମେହେର ନିଷ୍ଠାର ସହିତ ଦାୟିତ୍ଵ ନିର୍ବାହ କରିଥିଲେ।ଝାଙ୍କର ପଦ୍ମନ ରାଏ,ଦେହେରୀ ଖୁନ୍ଦୁଲୁ ସମରଥ, ଶେଷଦେବ ମିଶ୍ର, ଜୟନ୍ତ ଭାରତୀ,ରମେଶ ସାହୁ,ପ୍ରେମରାଜ ପଟେଲ, ସୁଦାମ ଖର୍ସେଲ,ତୋଷବନ୍ତ ସମରଥଙ୍କ ସହଯୋଗରେ କାର୍ଯ୍ୟକ୍ରମ ସୁରୁଖୁରୁରେ ସମାପନ ହୋଇଥିବା ବେଳେ, ଜଗଦୀଶ ମହାପାତ୍ର ଏବଂ ଗିରିଧାରୀ ଦାଶ ଏବଂ ତାଙ୍କ ସହଧର୍ମିଣୀ ପୁଷ୍ପାଞ୍ଜଳୀ ଦାଶ ତଦାରଖ କରୁଥିଲେ।