12-Apr-2025

ଆଗଲପୁର, (ବିନୋଦ ଦୀପ) ଆଗଲପୁର ପଞ୍ଚାୟତ ସମିତି ମହାବିଦ୍ୟାଳୟ, ବାଣୀନିକେତନ, ରୋତର ଜାତୀୟ ସେବା ଯୋଜନା ଓ ୟୁଥ ରେଡକ୍ରସ ତରଫରୁ ଓଡ଼ିଆ ପକ୍ଷ ପାଳନ ଅବସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଯାଇଛି। ସମ୍ବାଦ ଆମ ଓଡିଶା ରକ୍ତଦାନ ଅଭିଯାନ ଏଥିରେ ସହଯୋଗ କରିଥିଲେ। ମହାବିଦ୍ୟାଳୟର ଅଧ୍ୟକ୍ଷ ପ୍ରଦୀପ କୁମାର ଷଡଙ୍ଗୀ ଏହି ଶିବିରକୁ ଉଦଘାଟନ କରିଥିଲେ। ଜାତୀୟ ସେବା ଯୋଜନାର କାର୍ଯ୍ୟକ୍ରମ ଅଧିକାରୀ ଦୈତାରୀ ଶବର ଓ ୟୁଥ ରେଡକ୍ରସର ସଂଯୋଜକ ଡକ୍ଟର ଲିଙ୍ଗରାଜ ମେହେରଙ୍କ ତତ୍ତ୍ବାବଧାନରେ ଆୟୋଜିତ ଏହି ଶିବିରରେ ମୋଟ ୪୧ ୟୁନିଟ ରକ୍ତ ସଂଗ୍ରହ ହୋଇଥିଲା। ବଲାଙ୍ଗିର ରକ୍ତଭଣ୍ଡାରର ଡକ୍ଟର ଅଶୋକ କୁମାର ମିଶ୍ର, ରୋଜାଲିନ ନାଏକ, ଶେଖ୍ ଅବଦୁଲ ଅସରଫ, ସ୍ବାଗତିକା ରାଉତ, ଚନ୍ଦ୍ରପ୍ରକାଶ ନାଗ ଓ ଦେବେନ୍ଦ୍ର ନନ୍ଦ ପ୍ରଭୃତି ରକ୍ତ ସଂଗ୍ରହ କରିଥିଲେ। ଏଥିରେ ମହାବିଦ୍ୟାଳୟର ବହୁ ଛାତ୍ରଛାତ୍ରୀଙ୍କ ସହ ପୂରାତନ ଛାତ୍ରଛାତ୍ରୀ, ବଜରଙ୍ଗ ଦଳ, ମାହେଶ୍ବରୀ ସଂଗଠନ, ବିଙ୍ଗହ୍ୟୁମାନ ଫାଉଣ୍ଡେସନ ପ୍ରଭୃତି ଅନୁଷ୍ଠାନର ସଭ୍ୟ ଯୋଗଦାନ କରି ରକ୍ତଦାନରେ ସହଯୋଗ କରିଥିଲେ। ଏଥିରେ ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀଙ୍କ ସମେତ ଛାତ୍ର ପିତାମ୍ବର, ସତ୍ଯବାନ, ନିଲେଶ, ମୋହନ, ଚିନ୍ମୟ, ବିରେନ୍ଦ୍ର, ଭଜ, ବିବେକ, ଶୁଭମ ଛାତ୍ରୀ ମିନତୀ, ଦିବ୍ୟାନୀ, ଶ୍ରାବଣୀ, ଆଶା, ସୁଦେଷ୍ନା, ବିନୋଦିନୀ ମାମିନା, ମାମୀ, ଶ୍ରୁତି, ସସ୍ମିତା ପ୍ରଭୃତି ସ୍ବେଚ୍ଛାସେବୀ ଛାତ୍ରଛାତ୍ରୀ ସହଯୋଗ କରିଥିଲେ l