12-Apr-2025

ବଲାଙ୍ଗୀର (ପ୍ରେରଣା ଖବର): କୁଶଙ୍ଗ ସ୍ଥିତ ପ୍ରସିଦ୍ଧ ଶକ୍ତିପୀଠ ମାଁ କୁଶଙ୍ଗାଇ ଙ୍କ ମନ୍ଦିର ପରିସରରେ ଆଜି ଚୈତ୍ର ପୂର୍ଣ୍ଣିମା ରାତିରେ ବଇଲ ଯାତ୍ରା ଅନୁଷ୍ଠିତ ହେବ। 

ଏହି ପବିତ୍ର ଦିନ ମାଁ ଙ୍କ ର ସ୍ବତନ୍ତ୍ର ପୂଜା ବିଧି ଅନୁସୃତ ହୋଇଥାଏ। ରାତି ରେ ପାର୍ଶ୍ଵ ଦେବଦେବୀଙ୍କ ପୂଜାର୍ଚ୍ଚନା ପରେ ମାଁ ଙ୍କ ର ଷୋଡ଼ଶ ଉପଚାର ପୂଜା ଆରମ୍ଭ ହୋଇଥାଏ। ପୂଜା ଶେଷରେ ବରୁଆ ଦେହରେ ମାଁ କୁଶଙ୍ଗାଇ ଙ୍କ ଆବିର୍ଭାବ ହୋଇ ମନ୍ଦିର ପରିସର କୁ ବିଜେ କରିଥାନ୍ତି ଏବଂ ଭକ୍ତ ମାନଙ୍କୁ ଆଶିର୍ବାଦ ପ୍ରଦାନ କରିଥାନ୍ତି। ଏହି ଦିନ ବହୁ ସଂଖ୍ୟାରେ ଶ୍ରଦ୍ଧାଳୁ କୁଶଙ୍ଗାଇ ମନ୍ଦିରକୁ ପୂଜାର୍ଚ୍ଚନା ଏବଂ ଦର୍ଶନ ପାଇଁ ଆସିଥାନ୍ତି। ରାତି ରେ‌ ବଇଲ ଯାତ୍ରା ସମୟରେ ଭଜନ, କୀର୍ତ୍ତନ ସହ ମନ୍ଦିର ପରିସର ମୁଖରିତ ହୋଇଯାଏ। ଶେଷରେ ଭକ୍ତ ମାନଙ୍କ ପାଇଁ ଅନ୍ନ ପ୍ରସାଦ ର ବ୍ୟବସ୍ଥା ମଧ୍ୟ ହୋଇଥାଏ। କୁଶଙ୍ଗ ଗ୍ରାମବାସୀ ମନ୍ଦିର କମିଟି ଏବଂ ସମସ୍ତ ସେବାୟତ ମାନଙ୍କ ସହଯୋଗରେ ବଇଲ ଯାତ୍ରା ଆଜି ଅନୁଷ୍ଠିତ ହେବ।